2 Tehsalooniyanak 1

1ᓃᓇᐎᓐᑦ ᐃᑯ ᓂᑑᔑᐲᐃᑲᓂᓈᓐ ᑆᓬ Paul, ᓯᓬᐯᓇᔅ Silvanus, ᑎᒪᑎ Timothy᙮ ᑮᓇᐙ ᑭᑑᔑᐲᐊᒫᑰᒻ ᑌᓴᓬᐊᓇᐃᑳᕽ Thessalonica ᑳᑕᔑᐊᓇᒥᐋᔦᒃ, ᐁᐐᒌᐎᓀᒃ ᑭᔐᒪᓂᑑ ᑳᐅᔫᓯᒪᕽ ᑲᔦ ᑳᑎᐯᒋᑫᒡ ᒋᓴᔅ X᙮ 2ᔕᐌᓂᒥᑰᐎᓐ, ᑯᔥᒀᐙᑌᑕᒧᐎᓐ ᑭᑲᒦᓂᑯᐙ ᑭᔐᒪᓂᑑ ᑳᐅᔫᓯᒫᐎᒡ ᑲᔦ ᑳᑎᐯᒋᑫᒡ ᒋᓴᔅ X᙮ 3ᑳᐐᒋᐅᑌᐺᑕᒨᒥᑰᔦᒃ, ᐃᓇᑌ ᒨᔕᒃ ᒋᓇᓈᑯᒪᑭᒡ ᑭᔐᒪᓂᑑ ᐁᒥᑴᓂᒥᑰᔦᒃ᙮ ᑾᔭᒃ ᐃᐃᐌ ᒋᑑᑕᒪᕽ ᐋᓃᔥ ᐊᐗᔑᒣ ᑭᒋᒫᒌᑭᓐ ᑭᑌᐺᔦᑕᒧᐎᓂᐙ ᑲᔦ ᐁᐊᓂᒥᔖᒃ ᑭᓵᑭᐃᑎᐎᓂᐙ ᑲᑭᓇ ᐁᔑᓵᑭᐃᑎᔦᒃ᙮ 4ᐋᑎ ᐱᑯ ᑳᐃᔑᐊᓇᒥᐁᑕᐎᓐᒡ ᑭᔐᒪᓂᑑ ᑭᑎᔑᒪᒦᒀᓂᑰᒻ, ᐋᓃᔥ ᒥᓴᐙ ᓴ ᐐᓐ ᐁᐅᒌᑳᑰᔦᒃ ᑲᔦ ᐁᐅᒋ​ᑲᒀᑕᑭᐃᑰᔦᒃ, ᑫᔮᐱ ᑭᒪᔥᑲᐌᑖᒻ, ᑫᔮᐱ ᑭᑌᐺᔦᑖᒻ᙮ ᒦ ᐅ ᐁᓈᒋᒥᑰᔦᒃ᙮ 5ᒦ ᐅ ᑲᔦ ᑳᐅᒋᑭᑫᑖᑾᓂᓂᒃ ᐁᑾᔭᑾᓂᓂᒃ ᑭᔐᒪᓂᑑ ᐅᑎᓈᑯᓂᑫᐎᓐ, ᐋᓃᔥ ᐃᐃᐌ ᑳᐃᔑᐌᐱᓯᔦᒃ ᑭᑲᐅᒋ​ᑌ​ᐃᓀᑖᑯᓯᒻ ᐃᐃᒫ ᒋᐊᔮᔦᒃ ᐅᑎᐯᒋᑫᐎᓂᕽ᙮ ᒦ ᐋᓃᔥ ᐃᐃᐌ ᐌᒋᑲᒀᑕᑭᑑᔦᒃ᙮ 6ᑾᔭᒃ ᐃᑕᔥ ᐐᓐ ᐅᑲᓇᓇᐊᑑᓐ, ᒣᔥᑾᒡ ᑲᒀᑕᑭᑑᐎᓐ ᐅᑲᒦᓈᐞ ᐃᐃᐌᓂᐗᐞ ᑳᑲᒀᑕᑭᐃᓀᒀ᙮ 7ᑮᓇᐙ ᑳᑲᒀᑕᑭᑑᔦᒃ ᒫᒪᐤ ᑭᑲᒦᓂᑯᓈᓐ ᒋᐊᓉᐱᔭᕽ ᐊᐊ ᑭᔐᒪᓂᑑ, ᒦ ᐃ ᐊᐲ ᑭᒋᑮᔑᑯᕽ ᐱᐅᒋᓈᑯᓯᒡ ᐊᐊ ᑳᑎᐯᒋᑫᒡ ᒋᓴᔅ, ᐁᐐᑭᑭᑕᑯᔑᓅᒫᒡ ᐃᐃ ᐅᑌᒐᓬᐃᒪᐞ ᐁᒪᔥᑲᐎᓰᓂᒡ, 8ᑲᔦ ᐃᔥᑯᑌ ᑫᒪᔥᑲᐗᑾᓀᓂᒃ ᐁᐱᑭᑭᓯᒡ ᐅᑲᒣᔥᑯᒋᑎᐸᐊᒪᐙᐞ ᐊᐌᓀᓇᐞ ᐃᑯ ᐁᑳ ᑳᑭᑫᓂᒫᓯᓂᒃ ᑭᔐᒪᓂᑑᓐ, ᑲᔦ ᒥᓂᒃ ᓴ ᑯ ᐊᐎᔭᓐ ᑳᑌᐺᑕᓯᓂᒃ ᐃᐃᐌ ᐅᒥᓍᒋᒥᑰᐎᓐ ᑳᑎᐯᓂᒥᓇᕽ ᒋᓴᔅ᙮ 9ᐅᑯ ᑕᐃᔑᑎᐸᐊᒪᐙᐗᒃ ᒋᓀᐱᒋᐊᔮᐙᒡ ᓂᔑᐗᓈᑎᓯᐎᓂᕽ᙮ ᑕᓀᐱᒋᐸᑫᐎᓈᐗᒃ ᐁᑳ ᒋᐙᐸᒫᓯᒀ ᑳᑎᐯᒋᑫᓂᒡ ᑲᔦ ᐁᔑᐙᓭᔮᓂᒃ ᐅᒪᔥᑲᐎᓰᐎᓂᓂ᙮ 10ᒦ ᐃᐌ ᐊᐲ ᐁᔑᑮᔑᑲᒃ ᐁᐐᐲᔖᒡ ᑳᑎᐯᒋᑫᒡ ᐁᐐᑭᑕᑭᒥᑯᒡ ᐃᐃ ᐅᑾᔭᒀᑎᓰᒪᐞ ᑲᔦ ᐁᐐᒫᒪᑳᓯᓈᑯᒡ ᐃᐃ ᒥᓂᒃ ᑳᑌᐺᑖᑯᒡ᙮ ᑲᔦ ᑮᓇᐙ ᑭᑲᑕᑯᐊᔮᒻ ᐃᐃ ᐊᐲ, ᐋᓃᔥ ᑭᑮᑌᐺᑖᒻ ᓂᑎᐹᒋᒧᐎᓂᓈᓐ ᑳᑮᐐᑕᒫᑰᔦᒃ᙮ 11ᒦ ᓴ ᑯ ᐊᐸᓀ ᐌᒋᐊᓇᒥᐁᑕᒫᑰᔦᒃ, ᐊᐊ ᑭᑭᔐᒪᓂᑑᒥᓈᓐ ᒋᐊᐲᑕᑭᒥᓀᒃ ᒋᐅᑎᓵᐸᑕᒣᒃ ᐃᐃᐌ ᐱᒫᑎᓯᐎᓐ ᑳᐃᔑᐊᑐᒥᓀᒃ, ᒫᓄ ᑲᔦ ᐅᑲᑎᐱᓴᑣᓐ ᐌᑯᓀᓐ ᐃᑯ ᒥᓄᑫᑰᓐ ᑳᑮᐃᓀᑕᒣᒃ ᒋᑑᑕᒣᒃ, ᑲᔦ ᑲᑭᓇ ᑫᑰᓐ ᑭᑌᐺᔦᑕᒧᐎᓂᐙᕽ ᑳᐐᐅᒋᐊᓄᑳᑕᒣᒃ ᐅᑲᑎᐱᓴᑣᓐ᙮ 12ᒦᑕᔥ ᐅᓄ ᑫᑰᓇᓐ ᐃᔑᒋᑳᑌᑭᓐ ᑮᓇᐙ ᑕᐅᒋᑭᑌᒋᑳᑌᓂ ᐅᐐᓱᐎᓐ ᐊᐊ ᑳᑎᐯᓂᒥᓇᕽ ᒋᓴᔅ, ᔑᑾ ᑲᔦ ᑮᓇᐙ ᑭᑲᑕᑯᒦᓂᑯᐙ ᐅᑭᑌᑖᑯᓯᐎᓐ᙮ ᐅᓄᔥ ᑲᑭᓇ ᑕᐅᒌᒪᑲᓅᓐ ᐅᔕᐌᒋᑫᐎᓂᕽ ᐊᐊ ᑭᑭᔐᒪᓂᑑᒥᓈᓐ ᑲᔦ ᑳᑎᐯᒋᑫᒡ ᒋᓴᔅ X᙮

will be added

X\