2 Piitar 2

1ᐃᓇᔥᑫ ᑮᐅᒋᑭᑫᑖᑯᓯᐗᒃ ᐄᑐᒃ ᐃᑭ ᐅᑖᓈᕽ ᑳᑮᐃᓍᓂᑎᓱᐙᒡ ᐁᑮᑭᑑᑕᒪᐙᐙᒡ ᑭᔐᒪᓂᑑᓐ ᐃᐃᒫ ᒣᑴᔭᐄ ᑳᐃᔑᐊᔮᓂᒡ ᐯᒫᑎᓯᓂᒡ᙮ ᒦᑕᔥ ᐯᔑᑾᓐ ᑫᔑᐊᔮᐙᒡ ᐅᐗᓂᑭᑭᓄᐊᒫᑫᒃ ᑳᐃᔑᐊᔮᔦᒃ᙮ ᒦᐗᒃ ᓴ ᐃᑭ ᑫᐲᑑᐙᒡ ᑫᓂᔑᐗᓈᒋᐃᐌᒪᑲᓂᓂᑭᓐ ᑭᑭᓄᐃᑫᐎᓇᓐ ᑳᑌᐺᐗᓯᓂᓂᑭᓐ᙮ ᐅᑲᔮᓇᐌᓂᒫᐙᓐ ᑲᔦ ᑳᑎᐯᓂᒥᑯᐙᒡ Xᑕᓐ ᑳᑮᑎᐸᐅᑯᐙᒡ᙮ ᐐᓇᐙ ᑕᔥ ᐱᑯ ᑕᑲᔥᑭᑕᒫᓱᐗᒃ ᑫᐅᒋ​ᑫᑕᑐ​ᓂᔑᐗᓈᒋᐃᑎᓱᐙᒡ᙮ 2ᑕᐹᑏᓄᐗᐞ ᐃᑕᔥ ᑲᔦ ᑫᓇᓈᐱᓈᑯᐙᒡ ᐃᐃ ᑳᐃᔑᐐᓈᑎᓯᐙᒡ᙮ ᒦ ᓴ ᑕᔥ ᐃᐃᒫ ᑫᐅᒋᐹᐱᓀᒋᑳᑌᒃ ᐃᐃ ᐱᒫᑎᓯᐎᓐ ᑳᐱᒧᓵᑕᒪᕽ ᑌᐺᐎᓂᕽ ᑳᐃᔑᓯᕽ᙮ 3ᐅᑯ ᑕᔥ ᑳᐗᓂᑭᑭᓄᐃᑫᐙᒡ ᑳᓂᑖ​ᐋᔅᑯᓂᓯᐙᒡ, ᒦ ᐁᑕ ᑯ ᐁᐃᓍᓂᓀᒀ ᐁᐐᐅᒋᑲᔥᑭᒋᑫᐙᒡ᙮ ᐋᓃᔥ ᐅᑲᐋᐸᒋᑑᓈᐙᓐ ᐃᓂ ᐐᓇᐙ ᐱᑯ ᐅᑲᑲᔦᓂᓯᐎᓂᐙᓐ᙮ ᐋᔕ ᐅᔕ ᒣᐎᔕ ᐅᑯ ᑎᓄ ᑮᑮᔖᑯᓈᐗᒃ ᑫᑑᑕᐎᑣ; ᐃᓂ ᑲᔦ ᑳᐐᓂᔑᐗᓈᒋᐃᑯᐙᒡ ᑳᐐᓐ ᓂᐹᓰᐗᓐ᙮ 4ᐃᓇᔥᑫ ᑭᔐᒪᓂᑑ ᑳᐐᓐ ᐅᑮᒪᓈᒋᐋᓰᐞ ᐁᒐᓬᐊᐞ ᑳᑮᒪᒋᑑᑕᒥᓂᒡ, ᑳᐃᔑᑲᒀᑕᑭᑑᕽ ᓴ ᐅᑮᐃᔑᓃᓯᐌᐱᓈᐞ᙮ ᒦᑕᔥ ᐌᑎ ᐅᐅ ᐃᔑᐊᐲ ᐁᔑᑭᐸᐅᒥᓐᒡ ᑳᐃᔑᑲᔥᑮᑎᐱᑲᓂᓂᒃ, ᒦᔥ ᐃᐃᒫ ᑫᔑᑲᓇᐌᑖᑯᓯᓂᒡ ᐲᓂᔥ ᒋᐅᒋᒋᓭᓂᒃ ᑳᐐᑎᐹᑯᓂᑫᐎ​ᑮᔑᑲᓂᓂᒃ᙮ 5ᑭᔐᒪᓂᑑ ᑲᔦ ᑳᐐᓐ ᐅᑮᒪᓈᒋᐋᓰᐞ ᒣᐎᔕ ᑳᑮᐱᒫᑎᓯᓂᑯᐸᓀᓐ ᑳᑫᑌᐊᑮᐗᓂᓂᑯᐸᓀᓐ, ᐊᐲ ᑮᓂᑭᐸᓈᑯᐸᓀᓐ ᐅᐅᒫ ᑫᑌᐊᑮᕽ ᑳᑮᑭᑌᓂᒥᑯᓯᒃ᙮ ᒦ ᐁᑕ ᑯ ᓅᐗᐗᓐ Noah ᑳᑮᓂᑖ​ᑕᔑᑕᒥᓂᒡ ᑾᔭᒀᑎᓯᐎᓐ ᑳᑮᐱᒫᒋᐋᒡ᙮ ᓃᔣᓱ 7 ᑲᔦ ᑯᑕᒃ ᐊᐎᔭᐞ ᐅᑮᑕᑯᐱᒫᒋᐋᐞ᙮ 6ᑭᔐᒪᓂᑑ ᐃᑕᔥ ᑲᔦ ᑮᑑᑕᐙᑯᐸᓐ ᒋᑕᑯᓂᔑᐗᓈᒋᐃᒥᓐᒡ ᐃᐃ ᐯᒫᑎᓯᓂᒡ ᐊᐲ ᑮᒑᑳᑭᓴᕽ ᑭᒋᐅᑌᓇᐗᓐ ᔂᑕᒻ Sodom ᐃᐃ ᑲᔦ ᑲᒸᕒᐊ Gomorrah ᑳᑮᐃᔑᓂᑳᑌᓂᑭᓐ᙮ ᐃᔥᑯᑌᓂ ᓴ ᐅᑮᐋᐸᒋᑑᓐ᙮ ᒦᑕᔥ ᐃᐃᒫ ᐁᔑᐙᐸᑕᐃᑰᔭᕽ ᐋᓃᓐ ᑫᐃᔑᓭᐙᒡ ᑳᑭᑌᓂᒫᓯᒀ ᑭᔐᒪᓂᑑᓐ᙮ 7ᐅᑮᔖᐾᐋᓐ ᑕᔥ ᑲᔦ ᓬᐋᑕᓐ Lot ᑾᔭᒃ ᑳᑮᐃᓂᓃᐎᓂᒡ᙮ ᓬᐋᑦ ᐄᑐᒃ ᐅᑮᑭᒋ​ᒫᓀᑕᒧᐃᑰᐞ ᐃᐃ ᐯᒫᑎᓯᓂᒡ ᑳᑮᐃᔑᐐᓈᑎᓯᓂᒡ ᑳᑮᐃᔑᒋᑫᓂᒡ ᐙᐃᔑᒋᑫᓂᒡ ᐃᑯ᙮ 8ᐗᐊ ᑕᔥ ᑳᑮᑾᔭᒀᑎᓯᒡ ᒣᑴᔭᐄ ᐁᑮᐃᔑᑖᒡ ᑮᐅᒋ​ᑲᒀᑕᑫᑕᒻ ᐅᑕᒑᑯᕽ, ᐁᑕᓱᑮᔑᒃ ᐋᓃᔥ ᐅᑮᐙᐹᑖᓐ, ᐅᑮᓅᑖᓐ ᑲᔦ ᐋᓃᓐ ᑳᐃᔑᒪᒋ​ᐃᔑᒋᑫᓂᒡ ᐯᒫᑎᓯᓂᒡ᙮ 9ᒦᑕᔥ ᐃᐃᒫ ᐌᒋᓈᑾᓂᓂᒃ ᑳᑎᐯᒋᑫᒡ ᐁᓂᑖ​ᔕᐾᐋᒡ ᐯᒫᑎᓯᓂᒡ ᑳᑭᑌᓂᒥᑯᒡ ᐃᐃᒫ ᑳᐃᔑ​ᐗᓯᑖᐎᓭᓂᒡ᙮ ᐅᑲᔥᑭᑑᓐ ᑲᔦ ᐁᒪᒫᒋᑯᓈᒡ ᐃᐃ ᑳᒪᒋ​ᐃᔑᐌᐱᓯᓂᒡ ᐹᓂᒫ ᑎᐹᑯᓂᑫᐎᑮᔑᑲᓂᓂᒃ ᐁᐐᓇᓇᐊᓵᒡ᙮ 10ᐃᑭᐌᓂᐗᒃ ᓴ ᒣᒥᑕᑫ ᑳᐃᔑᒋᑫᐙᒡ ᐋᓃᓐ ᐁᔑᒪᒋ​ᒥᓴᐌᑕᒨᒪᑲᓂᓂᑭᓐ ᐅᐐᔭᐎᐙᓐ; ᑳᐐᓐ ᑲᔦ ᐅᐸᐹᒥᑕᐙᓯᐙᐙᐞ ᐊᐌᓀᓇᐞ ᐃᑯ ᑳᓃᑳᓂᓯᓂᒡ᙮ ᐋᐱᒋ ᑲᔦ ᓲᑭᑌᐁᐗᒃ, ᑲᑳᒋᒡ ᑲᔦ ᑫᑰᓂᓂ ᐃᔑᒋᑫᐗᒃ; ᑳᐐᓐ ᑲᔦ ᑯᑖᒋᓰᐗᒃ ᐁᒪᓈᓱᒫᓯᒀ ᑳᓃᑳᓀᑖᑯᓯᓂᒡ ᐊᐌᑴᓇᐞ ᐃᔥᐱᒥᕽ ᑳᐊᔮᓂᒡ, ᑕᑾᒡ ᐃᑕᔥ ᐅᐹᐱᓄᑕᐙᐙᐞ᙮ 11ᐃᑭ ᑕᔥ ᐐᓐ ᐁᒐᓬᐊᒃ ᓇᐗᒡ ᑳᓲᑫᑖᑯᓯᐙᒡ, ᑳᒪᔥᑲᐎᓰᐙᒡ ᑲᔦ, ᑳᐐᓐ ᑲᓇᑫ ᐅᒪᒋ​ᐃᓈᓯᐙᐙᐞ ᑳᐗᓂᑭᑭᓄᐃᑫᓂᒡ ᐁᓈᓴᒦᓂᒡ ᑳᑎᐯᒋᑫᓂᒡ᙮ 12ᐅᑯ ᑕᔥ ᐐᓐ ᑳᐗᓂᑭᑭᓄᐃᑫᐙᒡ ᐅᒪᒋ​ᐃᑖᓈᐙᓐ ᑫᑰᓇᓐ ᑳᓂᓯᑐᑕᓯᒀ᙮ ᒦ ᐅᐌ ᐁᔑᓈᑯᓯᐙᒡ, ᑖᐱᔥᑰ ᑳᐁᔖᐙᑎᓯᓯᒀ ᐊᔭᐋᐎᔕᒃ, ᐅᑎᔑᐊᔮᐎᓂᐙᕽ ᐃᑯ ᑳᐃᔑᒋᑫᐙᒡ, ᒦ ᐁᑕ ᑳᐅᒋᓂᑖᐎᑭᐙᒡ ᒋᑳᒋᑎᓂᑣ, ᒋᓂᓯᑣ ᑕᔥ ᑲᔦ᙮ ᒦᑕᔥ ᐯᔑᑾᓐ ᑫᔑᓂᓯᑣ ᐅᐗᓂᑭᑭᓄᐃᑫᒃ ᑳᑑᑕᐎᒥᓐᒡ ᐊᔭᐋᐎᔕᐞ᙮ 13ᐃᐃ ᑳᐃᔑᒪᒫᔒᑲᑖᑫᐙᒡ ᐃᑕᔥ, ᒦ ᐯᔑᑾᓐ ᑫᐐᓇᐙ ᑫᐃᔑᑎᐸᐊᒪᐎᑣ᙮ ᒦᓴᑯ ᐱᓵᓐ ᐁᑮᔑᑲᓂᓂᒃ ᐁᐃᔑᒋᑫᐙᒡ ᑫᒥᓉᑕᒧᔥᑳᑯᐙᒡ, ᐐᓇᐙ ᐱᑯ ᑳᐃᓀᑕᒧᐙᒡ ᐁᒥᓉᑖᑾᓂᓂᑭᓐ᙮ ᐐᓇᐙ ᓴ ᑭᑕᑲᓯᓈᑯᓯᐃᑯᐙᒃ, ᑭᒫᔑᔥᑳᑯᐙᒃ ᐁᐐᒋᐐᓯᓃᒥᓀᒀ; ᒦᑕᔥ ᐃᑯ ᑫᔮᐱ ᐁᔑᒥᓉᑕᒧᐃᑎᓱᐙᒡ ᐁᑲᑲᔦᓂᓯᐙᒡ᙮ 14ᒦ ᐁᑕ ᑯ ᑲᔦ ᐃ ᑎᓄ ᑳᓇᓈᑕᐙᐸᒫᐙᒡ ᐃᑴᐗᐞ ᓅᒋᑯ ᑫᑑᑕᐙᐙᒡ᙮ ᑳᐐᓐ ᐐᑳ ᑌᒪᒋᑑᑕᓰᐗᒃ᙮ ᐋᐱᒋ ᑲᔦ ᓇᑲᒌᐗᒃ ᐁᑌᐱᓇᒧᐙᒡ ᑳᐊᑕᐌᑕᒧᐙᒡ᙮ ᑭᔐᒪᓂᑑᓐ ᐄᑐᒃ ᐅᑲᓂᔑᐗᓈᒋᐃᑯᐙᓐ᙮ 15ᐁᑮᓇᑲᑕᒧᐙᒡ ᑕᔥ ᐃᐃ ᑾᔭᒃ ᐃᔖᐎᓐ, ᒦᑕᔥ ᑳᐃᔑᐗᓂᒫᒑᐙᒡ ᐁᑮᓈᐸᐊᒫᓈᐙᒡ ᑳᑮᐃᔑᐱᒧᓭᓂᒡ ᐯᓬᐊᒨᓐ Balaam, ᑳᑮᑲᓅᒋᑫᑕᒪᐙᒡ ᑭᔐᒪᓂᑑᓐ᙮ ᐋᐱᒋ ᐄᑐᒃ ᓴ ᐅᑮᓵᑭᑑᓂ ᓅᒋᑯ ᐁᐃᔑᒋᑫᓂᒡ ᐁᑮᐅᒋᑲᔥᑭᒋᑫᓂᒡ᙮ ᐲᐅᕒ Beor ᑳᑮᐃᔑᓂᑳᓱᓂᑯᐸᓀᓐ ᐅᑌᑌᓂ᙮ 16ᒫᔑᒥᑕᑎᒨᓐ ᐄᑐᒃ ᐅᑮᑭᔒᑲᓅᓂᑰᓐ ᐊᐊ ᐯᓬᐊᒻ ᐃᐃ ᑳᑮᐃᔑᒪᒫᔒᒡ, ᐊᔭᐋᐎᔕᓐ ᑳᓂᑖᑮᑭᑐᓯᓂᒃ ᐃᓂᓃᕽ ᑮᐃᓉᐗᓐ ᐁᑲᓅᓂᑯᒡ᙮ ᒦᑕᔥ ᑳᐃᔑᑭᐱᒌᒡ ᐯᓬᐊᒻ ᐊᐗᔑᒣ ᓅᒋᑯ ᒋᑲᑮᐹᒋᒋᑫᓯᒃ᙮ 17ᒦᑕᔥ ᑲᔦ ᐁᔑᓈᑯᓯᐙᒡ ᑳᐗᓂᑭᑭᓄᐃᑫᐙᒡ ᑖᐱᔥᑰ ᓂᐱ ᑳᐃᔑᒨᑭᒋᐗᕽ ᑳᐃᔅᑲᑌᑭᓐ, ᐃᐃ ᑲᔦ ᑳᐹᔥᑭᓀᔮᒃ ᑳᐸᐹᒥᐌᐹᓯᕽ ᑮᑭᒋᓅᑎᕽ᙮ ᒦᐗᒃ ᓴ ᐃᑭ ᑳᑕᐎᓇᒪᐎᑣ ᒫᐗᒡ ᐃᑯ ᑳᐃᔑ​ᑲᔥᑮᑎᐱᑲᓂᓂᒃ᙮ 18ᐋᐱᒋ ᑲᔦ ᑭᔒᐌᐗᒃ ᐁᑲᑮᐹᒋ​ᒪᒦᒀᓂᑎᓱᐙᒡ, ᐅᑖᐸᒋᑑᓈᐙᓐ ᑲᔦ ᐐᔭᐎᒫ ᑳᐃᔑ​ᒪᒋ​ᒥᓴᐌᒋᑫᒪᑲᓂᓂᒃ ᐁᐅᒋᑳᒋᒋᐋᐙᒡ ᐃᐃ ᐸᔦᔑᑯ ᑳᓂᒫᒋᑖᓂᒡ ᑳᑕᐸᓰᓄᑕᐙᓂᒡ ᐃᓂᐌᓂᐗᐞ ᐯᒫᑎᓯᓂᒡ ᑳᓂᑖ​ᐗᐗᓃᓂᒡ᙮ 19ᐁᐊᔓᑕᒪᐙᐙᒡ ᑫᑰᓇᓐ ᐃᓈᑯᓂᑫᐎᓇᓐ ᒋᑎᐯᓂᒥᑯᓯᓂᒃ, ᔖᑰᒡ ᐃᑕᔥ ᐐᓇᐙ ᐱᑯ ᐅᒥᓯᐌᑎᐯᓂᒥᑯᓈᐙ ᑫᓂᔑᐗᓈᒋᐃᑯᐙᒡ᙮ ᐌᑯᓀᓂᓂ ᓴ ᑯ ᐊᐎᔭ ᑳᔖᑯᒋᐃᑯᒡ, ᒦ ᓴ ᐃᐌᓂ ᑌᐯᓂᒥᑯᒡ᙮ 20ᐊᐌᓀᓇᒃ ᓴ ᑯ ᑳᑮᔖᐼᑲᑕᒧᐙᒡ ᐃᐃ ᑳᓂᔑᐙᓈᒋᐃᐌᒪᑲᓂᓂᒃ ᑳᐃᔑᒋᑫᓂᒡ ᐯᒫᑎᓯᓂᒡ ᐅᐅᒫ ᐊᑮᕽ, ᐁᑭᑫᓂᒫᐙᒡ ᑳᑎᐯᓂᒥᒥᓇᕽ ᐅᐱᒫᒋᐃᐌᓐ ᒋᓴᔅ Xᑕᓐ; ᑮᔥᐱᓐ ᐃᑕᔥ ᒦᓇᐙ ᐅᑎᔑᒋᑫᐎᓂᐙᕽ ᐅᒋᑕᑯᐱᓂᑯᐙᒡ, ᔖᑰᒋᐃᑯᐙᒡ ᑲᔦ, ᓇᐗᒡ ᐄᑐᒃ ᓅᑯᒻ ᑭᒋ​ᐃᔑᓈᑯᓯᐗᒃ ᐋᐲᒡ ᐐᓐ ᐌᑎ ᓂᑕᒻ ᑳᑮᐃᔑᓈᑯᓯᐙᒡ᙮ 21ᓇᐗᒡ ᐄᑐᒃ ᑖᑮᐅᓂᔑᔑᓂᓂ ᐐᑳ ᑭᑫᑕᓯᒀᐸᓐ ᐃᐃ ᑳᑾᔭᑯᓈᑾᓂᓂᒃ ᐱᒫᑎᓯᐎᓐ, ᐊᐲᒡ ᐐᓐ ᐁᑮᐃᔥᒀ​ᑭᑫᑕᒧᐙᒡ ᒋᓇᑲᑕᒧᐙᐸᓐ ᐃᐃ ᒥᓍᒋᒧᐎᓐ ᑭᔐᒪᓂᑑᕽ ᑳᑮᐅᒌᓂᒃ ᑳᑮᐐᑕᒪᐎᑣ᙮ 22ᒦᓴᑯ ᒪᔮ ᑌᐺ ᐁᔑᓭᐙᒡ ᑳᐃᔑᓯᓂᓂᒃ ᐃᐃ ᓇᓀᑳᒻ​ᐃᑭᑐᐎᓐ: ᐊᓂᒧᔥ ᐅᑮᐌᐊᑕᒦᒋᓐ ᑳᑮᔑᔑᑲᑯᐙᑕᕽ, ᐅᐅ ᑕᔥ ᑲᔦ ᐃᑭᑐᐎᓐ: ᐊᐊ ᑰᑰᔥ ᑮᐃᔥᒀ​ᑭᓰᓯᐸᒋᑲᓂᐎᒡ, ᒦ ᐃ ᒦᓇᐙ ᐁᔑ​ᑮᐌ​ᑎᑎᐱᔑᒨᓄᒡ ᐊᔕᔥᑮᑳᕽ᙮

will be added

X\