2 Karintiyanak 8

1ᑮᓇᐙ ᑕᔥ ᓃᑕᓇᒥᐋᓈᓂᒃ, ᑭᓇᑕᐌᓂᒥᑰᒻ ᒋᑭᑫᑕᒣᒃ ᐋᓃᓐ ᑭᔐᒪᓂᑑ ᐅᑭᔐᐙᑎᓯᐎᓐ ᐁᔑᐊᓄᑮᒪᑲᓂᓂᒃ ᐯᐸᑳᓐ ᐅᑌᐺᑕᒨᒃ ᑳᐃᔑᒫᐗᒋᐃᑎᐙᒡ ᐃᐃᒫ ᒫᓯᑑᓂᔭ Macedonia ᐊᑮᕽ᙮ 2ᐋᓇ ᑕᔥ ᐐᓐ ᐁᑮᒫᔑᓭᐙᒡ ᐅᓵᒻ ᐁᑮᐹᑏᓇᑎᑭᓐ ᐋᓇᒥᓯᐎᓇᓐ, ᔖᑰᒡ ᑕᔥ ᑳᐊᐲᒋᒥᓉᑕᒧᐙᒡ, ᐋᐱᒋ ᓴ ᑮᒥᓄᒋᑫᐗᒃ ᐊᐲ ᐁᒦᑭᐌᐙᒡ ᔔᓂᔮᓐ ᐋᓇᐐᓐ ᐁᑮᑭᑎᒫᑭᓯᐙᒡ᙮ 3ᑭᐐᑕᒪᐎᓂᓂᒻ ᑕᔥ, ᐁᑮᒦᑭᐌᐙᒡ ᑕᔥ ᒥᓂᒃ ᐃᑯ ᐁᑯᑲᔥᑭᑑᐙᒡ, ᐊᐗᔑᒣ ᑲᔦ ᑮᒦᑭᐌᐗᒃ, ᐐᓇᐙ ᓴ ᑯ ᐁᑮᐃᓀᑕᒧᐙᒡ᙮ 4ᒦᑕᔥ ᓂᑮᐸᑯᓭᓂᒥᑯᓈᓂᒃ, ᓂᑮᑲᑴᒋᒥᑯᓈᓂᒃ ᑲᔦ ᐁᐐᐐᒋᐋᐙᒡ ᐃᐃ ᑭᔐᒪᓂᑑ ᐅᐱᒫᑎᓰᒪᐞ ᑳᑭᑎᒫᑭᓯᓂᒡ ᒎᑏᔭ Judea ᐊᑮᕽ ᑳᐊᔮᓂᒡ᙮ 5ᐊᐗᔑᒣ ᑕᔥ ᑮ​ᐃᔑᒋᑫᐗᒃ ᑳᑮᐃᔑ​ᐸᑯᓭᑕᒫᑭᐸᓐ, ᐱᓇᒫ ᓴ ᐅᑮ​ᐸᑭᑎᓇᒪᐙᐙᓐ ᐅᐱᒫᑎᓯᐎᓂᐙᓐ ᑳᑎᐯᒋᑫᓂᒡ, ᑲᔦ ᓃᓇᐎᓐᑦ ᓂᑮ​ᐸᑭᑎᓇᒫᑯᓈᓂᒃ ᑳᐃᔑ​ᐊᑕᐌᑕᒥᓂᒡ ᑭᔐᒪᓂᑑᓐ᙮ 6ᒦ ᓴ ᑕᔥ ᒫᓄ ᑳᑮᐅᒋᑲᓅᓇᑭᒡ ᑕᐃᑕᔅ Titus ᒋᐐᒋᐃᓀᒃ ᒋᑮᔑᑑᔦᒃ ᐁᐐᓈᑯᑑᔦᒃ ᑭᓵᑭᐃᐌᐎᓂᐙ, ᐐᓐ ᐋᓃᔥ ᐅᑮᒫᒋᑑᓐ ᐃᐃ ᑭᐸᑭᑎᓂᑫᐎᓂᐙ᙮ 7ᐋᐱᒋ ᓴ ᒥᓯᐌ ᐁᐃᔑᐌᓅᑎᓯᔦᒃ, ᐃᐃᒫ ᑭᑌᐺᑕᒧᐎᓂᐙᕽ, ᑭᑮᑭᑐᐎᓂᐙᕽ, ᑭᑭᑫᑕᒫᐎᓂᐙᕽ, ᐃᐃᒫ ᑲᔦ ᐌᐌᓂ ᑳᐃᔑᐐᑑᑳᓱᔦᒃ, ᑳᐃᔑᓵᑭᐃᔮᕽ ᑕᔥ ᑫᓃᓇᐎᓐᑦ; ᒦᑕᔥ ᑲᔦ ᐁᔑᐊᑕᐌᓂᒥᑰᔦᒃ ᐋᐱᒋ ᒋᓈᑾᒃ ᑭᓵᑭᐃᐌᐎᓂᐙ ᐅᐅ ᐙᐃᔑᒥᓄᒋᑫᔦᒃ᙮ 8ᑳᐐᓐ ᑕᔥ ᐐᓐ ᑫᑰᓐ ᓂᑑᓇᑑᓰᓐ ᐋᓃᓐ ᑫᐃᔑᒋᑫᔦᑭᐸᓐ! ᑭᑮᐐᑕᒪᐎᓂᓂᒻ ᐋᓃᓐ ᑫᐐᓇᐙ ᐅᑌᐺᑕᒨᒃ ᑳᑮᐃᔑᐐᒋᑣᐙᒡ ᐁᐸᑭᑎᓂᑫᐙᒡ, ᑫᐅᒋᑭᑫᑕᒫᓐ ᐋᓃᓐ ᒪᔮ ᑫᑮᓇᐙ ᐁᐲᒋᓵᑭᐃᐌᔦᒃ᙮ 9ᑭᑭᑫᓂᒫᐙ ᐋᓃᓐ ᑳᐊᐲᒋ​ᑭᔐᐙᑎᓯᒡ ᑌᐯᒋᑫᒡ ᒋᓴᔅ X, ᐋᓇᐐᓐ ᐁᑮᐌᓅᑎᓯᒡ, ᒦᑕᔥ ᑳᐃᔑᐃᑎᓱᒡ ᒋᑭᑎᒫᑭᓯᒡ ᑮᓇᐙ ᐅᒋ, ᐃᐃᒫ ᓴ ᐅᑭᑎᒫᑭᓯᐎᓂᕽ ᑮᓇᐙ ᒋᐅᒋ​ᐌᓅᑎᓯᔦᒃ᙮ 10ᒦᑕᔥ ᓃᓐ ᐁᓀᑕᒫᓐ: ᐋᐱᒋ ᑖᐅᓂᔑᔑᓐ ᒋᑮᔑᑑᔦᑭᐸᓐ ᐃᐃ ᑳᑮᒫᒋᑑᔦᒃ ᐱᐴᓄᕽ᙮ ᑮᓇᐙ ᐋᓃᔥ ᓂᑕᒻ ᑭᑮᒫᒌᐸᑭᑎᓂᑫᒻ, ᐁᑮᒥᓉᑕᒣᒃ ᑲᔦ ᐁᐐᐃᔑᒋᑫᔦᒃ᙮ 11ᑮᔒᑑᒃ ᑕᔥ ᐃᐃ ᐊᓄᑮᐎᓐ᙮ ᑖᐱᔥᑰ ᓴ ᑳᑮᐃᔑᒨᒋᑫᑕᒣᒃ ᑮᒫᒋᑑᔦᒃ, ᒦ ᓴ ᐯᔑᑾᓐ ᐃᔑᑮᔒᑑᒃ ᒋᐋᐸᒋᑑᔦᒃ ᐃᓂ ᓅᑯᒻ ᑳ​ᐊᔮᔦᒃ᙮ 12ᑮᔥᐱᓐ ᓴ ᒌᑫᑕᒣᒃ ᐁᒦᑭᐌᔦᒃ, ᑭᔐᒪᓂᑑ ᓴ ᐅᑲᐅᑖᐱᓈᓇᓐ ᑭᒦᑭᐌᐎᓂᐙᓐ ᐋᓃᔥ ᐃᐃᒫ ᑫᑰᓇᓐ ᑳᐊᔮᔦᒃ ᑭᑑᒋᒦᑭᐌᒻ, ᐋᓃᔥ ᑳᐐᓐ ᒣᒬᒡ ᑫᑰᓐ ᑭᑖᒦᑭᐌᓰᒻ ᑮᔥᐱᓐ ᑫᑰᓐ ᐁᔮᓯᐌᒃ᙮ 13ᑳᐐᓐ ᑕᔥ ᐐᓐ ᐃᑭ ᑳᐐᒋᐁᒀ ᒋᒥᒋᐊᔭᔮᐙᒡ, ᑮᓇᐙ ᐁᑭᒋᐊᓄᑮᔦᒃ ᐁᒦᓀᒀ ᑫᑰᓐ᙮ ᐯᔑᑾᓐ ᐄᑐᒃ ᑖᐃᔑᐐᒋᐃᑎᒻ᙮ 14ᐋᓃᔥ ᒣᒀ ᓅᑯᒻ ᑮᓇᐙ ᐐᑫ ᑭᒥᓄᓭᒻ, ᐁᐌᓅᑎᓯᔦᒃ ᑲᔦ, ᒦᑕᔥ ᐁᔑᓈᑾᒃ ᒋᐐᒋᐁᒀ ᐃᑭ ᑳᓅᑌᓭᐙᒡ᙮ ᓂᑯᑎᕽ ᒫᐐᓐ ᑕᐃᔑᓭ ᑮᓇᐙ ᒋᓅᑌᓭᔦᒃ, ᐐᓇᐙ ᑕᔥ ᒋᐌᓅᑎᓯᐙᒡ᙮ ᒦᓴ ᑕᔥ ᐐᓂᑕᒪᐙ ᑭᑲᐐᒋᐃᑯᐙᒃ᙮ ᒦᓴ ᑕᔥ ᐯᐯᔑᑾᓐ ᑫᔑᐐᑑᑯᑖᑎᔦᒃ᙮ 15ᑭᒋᒪᓯᓇᐃᑲᓐ ᓴ ᐁᐃᔑᐲᐃᑳᑌᒃ: ᐊᐎᔭ ᓃᐱᐗᐞ ᑳᑮᒨᔕᑭᓂᑫᒡ ᑳᐐᓐ ᓃᐱᐗᐞ ᐊᐗᔑᒣ ᑫᑰᓂᓂ ᐅᑮᐊᔮᓰᓐ᙮ ᐊᐊ ᑕᔥ ᐐᓐ ᐸᑮ ᑳᑮᒨᔕᑭᓂᑫᒡ ᑳᐐᓐ ᑮᒪᓀᓯᓰ ᑫᑰᓂᓂ᙮ 16ᒦᑴᒡ ᓴ ᓂᑎᓈᓈᓐ ᑭᔐᒪᓂᑑ ᐁᑮᒦᓈᒡ ᑕᐃᑕᓴᓐ Titus ᑫᐐᓐ ᐯᔑᑾᓐ ᒋ​ᐃᔑᒨᒋᑫᑕᒥᓂᒡ ᒋᐐᒋᐃᒥᓀᒃ ᑖᐱᔥᑰ ᓃᓇᐎᓐᑦ ᑳᐐᐃᔑᐐᒋᐃᑰᔦᒃ᙮ 17ᔐᒫᒃ ᑕᔥ ᑲᔦ ᑮᐃᓀᑕᒻ ᐁᐐᐃᔑᒋᑫᒡ ᑳᑮᐃᓇᑭᒡ, ᐐᓐ ᓴ ᑯ ᐁᑮᐃᓀᑕᕽ ᐁᐐᐐᒋᑣᒡ, ᐋᐱᒡ ᑲᔦ ᐁᑮᐃᓀᑕᕽ ᐁᐐᐊᑕᐙᐸᒥᓀᒃ᙮ 18ᐅᑎᓯᓀᒃ ᐃᑕᔥ ᐅᑲᐸᑲᒥᐐᒌᐙᓐ ᐃᓂ ᑳᑭᑌᓂᒥᒥᓐᒡ ᑮᑕᓇᒥᐋᓈᓂᓐ᙮ ᓃᓇᐎᓐᑦ ᓴ ᓂᑮᐃᔑᓂᔕᐙᓈᓐ ᐊᐊ ᑮᑕᓇᒥᐋᓈᓐ, ᐋᓃᔥ ᐋᐱᒋ ᑭᑌᓂᒫ ᐃᐃᒫ ᐯᐸᑳᓐ ᑳᐃᔑᒫᐗᒋᐃᑎᐙᒡ ᐅᑌᐺᑕᒨᒃ ᐅᑕᓄᑮᐎᓂᕽ ᐅᒋ ᑲᔦ ᐁᑲᑮᒀᑕᕽ ᒥᓍᒋᒧᐎᓂᓂ᙮ 19ᑲᔦ ᑕᔥ ᐃᐃᒫ ᐅᑌᐺᑕᒨᒃ ᑳᐃᔑᒫᒫᐗᒋᐃᑎᐙᒡ ᑮᐅᑖᐱᓂᑲᓂᐎ ᐁᑮᐃᓇᑭᒥᓐᒡ ᑲᔦ ᒋᐐᒌᐎᓇᑭᒡ ᐁᐱᒥᐎᑑᔮᕽ ᓵᑭᐃᐌᐎᓂᕽ ᑳᐅᒌᒪᑲᑭᓐ ᐸᑭᑎᓂᑫᐎᓇᓐ, ᑳᓈᑲᒋᑑᔮᕽ ᑳᑎᐯᒋᑫᒡ ᓴ ᒋᐅᒋᑭᒋ​ᐃᓀᑖᑯᓯᒡ, ᐁᓈᑯᑑᔮᕽ ᐃᑕᔥ ᑲᔦ ᐁᐊᑕᐌᑕᒫᕽ ᐁᐐᐐᑑᑳᓱᔮᕽ᙮ 20ᐋᐱᒋ ᑕᔥ ᓂᑕᔮᒀᒥᒋᑫᒥᓐ ᐅᐅ ᑳᐅᒋ​ᐃᔑᒋᑫᔮᕽ᙮ ᑳᐐᓐ ᐋᓃᔥ ᓂᓇᑕᐌᓂᒫᓯᐙᓈᓐ ᐊᐎᔭ ᒋᐃᓀᑕᕽ ᑾᔭᒃ ᐁᓈᓈᑲᒋᑑᓯᐙᕽ ᐅᐅ ᑳᐌᓅᑕᒃ ᐸᑭᑎᓂᑫᐎᓐ᙮ 21ᒦᑕᔥ ᒫᐗᒡ ᐁᔑᒥᓴᐌᑕᒫᕽ ᑾᔭᒃ ᐁᐐᐃᔑᒋᑫᔮᕽ᙮ ᑳᐐᓐ ᐐᓐ ᐁᑕ ᑳᑎᐯᒋᑫᒡ ᒋᒥᓍᐸᑕᕽ, ᐃᓂᓂᐗᒃ ᓴ ᑲᔦ ᒋᒥᓍᐸᑕᒧᐙᒡ᙮ 22ᒦᓇᐙ ᑕᔥ ᑯᑕᒃ ᐯᔑᒃ ᓃᑕᓇᒥᐋᓈᓐ ᓂᑕᑯᐃᔑᓂᔕᐙᓈᓐ ᒋᐱᐐᒌᐎᑯᒡ ᐃᐃ ᑳᐊᑕᐙᐸᒥᒥᓀᒃ᙮ ᓂᑮᐊᑕᑭᑫᓂᒫᓈᓐ ᓴ ᒨᔕᒃ, ᓂᑭᑫᓂᒫᓈᓐ ᑲᔦ ᐋᐱᒋ ᐁᐐᐐᑑᑳᓱᒡ᙮ ᐋᔕ ᑕᔥ ᑭᑫᒋᓈᐃᑯᐙ, ᒦᑕᔥ ᐊᐗᔑᒣ ᑳᐅᒋᒨᒋᑫᑕᕽ ᐁᐐᐐᑑᑳᓱᒡ᙮ 23ᑕᐃᑕᔅ ᑕᔥ ᐐᓐ, ᒦ ᓴ ᐊᐊ ᓂᐐᒌᐙᑲᓐ, ᐁᐐᑕᓄᑮᒥᒡ ᐅᐅ ᑳᐐᒋᐃᑰᔦᒃ᙮ ᐃᑭ ᑕᔥ ᑯᑕᒃ ᓃᔑᓐ ᑮᑕᓇᒥᐋᓈᓂᒃ ᑳᐐᐱᐐᒌᐙᐙᒡ ᑕᐃᑕᓴᓐ ᐅᑎᔑᓂᔕᐅᑯᐙᐞ ᐅᑌᐺᑕᒨᐞ ᐯᐸᑳᓐ ᑳᐃᔑᒫᐗᒋᐃᑎᓂᒡ᙮ ᑲᔦ ᐅᐱᒫᑎᓯᐎᓂᐙᕽ X ᐅᒋᑭᒋ​ᐃᓀᓂᒫ᙮ 24ᐙᐸᑕᐃᑯᒃ ᑕᔥ ᐁᓵᑭᐁᒀ᙮ ᑫᒋᓈᒡ ᓴ ᒥᓯᐌ ᑳᐊᔮᐙᒡ ᐅᑌᐺᑕᒨᒃ ᒋᑭᑫᑕᒧᐙᒡ ᐁᑌᐺᔮᕽ ᐃᓴ ᑳᐃᔑᒥᓄᑕᔑᒥᑰᔦᒃ ᒨᔕᒃ᙮

will be added

X\