2 Karintiyanak 11

1ᒦᑕᔥ ᐁᔑᒥᓴᐌᓂᒥᓇᑰᒃ, ᒋᔕᔒᐯᓂᒥᔦᒃ ᐃᐃ ᐁᑲᑮᐹᑌᓂᒧᔮᓐ ᐸᑮ᙮ ᓂᑫᒋᓈᐞ ᐃᑕᔥ ᐁᔕᔒᐯᓂᒥᔦᒃ᙮ 2ᑭᑑᑌᓂᒥᓂᓂᒻ ᓴ ᑫᓃᓐ ᑖᐱᔥᑰ ᑭᔐᒪᓂᑑ ᑳᐃᔑᐅᑌᓂᒥᓀᒃ! ᒦ ᐃ ᐋᓃᔥ ᐁᔑᓈᑯᓯᔦᒃ ᑖᐱᔥᑰ ᑳᐯᑭᓯᒡ ᐃᑴ ᐁᑮᐊᔓᑕᒪᐗᑭᐸᓐ X ᐐᓐ ᐁᑕ ᒋᐐᑎᑫᒥᓀᒃ᙮ 3ᑮᓇᐙ ᑕᔥ ᐁᒥᒋᐯᔑᑯᐁᒃ ᐌᐌᓂ ᑲᔦ ᐁᐐᒌᐌᒃ X, ᑭᓇᓃᓵᓀᓂᒥᓂᓂᒻ ᑫᑮᓇᐙ ᒋᐗᓂᒥᑰᔦᒃ ᑭᑎᓀᑕᒧᐎᓂᐙᕽ ᑖᐱᔥᑰ ᐄᑉ Eve ᑳᑮᐃᔑᐗᓂᒥᑯᒡ ᑳᑲᑮᑖᐐᓂᒡ ᒪᒋᑭᓀᐱᑰᓐ᙮ 4ᐊᐎᔭ ᓴ ᑮᐅᑎᓯᓀᒃ ᐸᑳᓐ ᒋᓴᓲᓐ ᑮᑕᔑᒫᒡ, ᒦ ᓴ ᐊᐌ ᐁᔑᑌᐺᑕᐌᒃ, ᑳᐐᓐ ᓃᓇᐎᓐᑦ ᑳᑮᑕᔑᒪᑭᒡ ᒪᔮ ᒋᓴᔅ, ᑭᑑᑖᐱᓈᐙ ᑲᔦ ᐸᑳᓐ ᐊᒑᒃ, ᑳᑎᓄᐎᓯᓂᒃ ᑭᔐᒪᓂᑑ ᐅᑕᒑᑾᓐ ᑳᑮᐅᑖᐱᓂᒣᑭᐸᓐ, ᑭᑑᑖᐱᓈᒻ ᑲᔦ ᐸᑳᓐ ᒥᓍᒋᒧᐎᓐ, ᓃᓇᐎᓐᑦ ᑕᔥ ᐐᓐ ᑾᔭᒃ ᐁᑮᑲᑮᑭᒥᑰᔦᒃ᙮ 5ᑳᐐᓐ ᑕᔥ ᑲᔦ ᓂᑎᓀᓂᑎᓱᓰ ᓇᐗᒡ ᓃᓐ ᐁᑕᐸᓭᑖᑯᓯᔮᓐ ᐊᐲᒡ ᐐᓐ ᐃᑭ ᑳᒥᒋ​ᐃᓍᓂᑎᓱᐙᒡ ᐁᓃᑳᓀᑖᑯᓯᐙᒡ ᐃᔑᓂᔕᐙᑲᓇᒃ᙮ 6ᑯᒫ ᑲᔦ ᑳᐐᓐ ᓂᓂᑖᑳᑮᑭᑐᓰ, ᑳᐐᓐ ᑕᔥ ᐐᓐ ᑭᑫᑕᒫᐎᓐ ᓂᓅᑌᓭᓰ᙮ ᒥᓯᐌ ᐄᑐᒃ ᑭᑮᐃᔑᐙᐸᑕᐃᑰᒻ ᑳᑮᐃᔑᒋᑫᔮᕽ ᐁᑌᐺᔮᕽ ᐅᐅ ᑳᑮᐃᑭᑐᔮᕽ᙮ 7ᑳᐐᓐ ᑕᔥ ᑫᑰᓐ ᑭᑮᐃᓇᑭᑕᒪᐎᓯᓅᓂᓂᒻ ᐊᐲ ᐁᑮᑲᑮᒀᑕᒫᓐ ᐅᐅ ᒥᓍᒋᒧᐎᓐ, ᐁᑮᑲᑮᒀᓇᒃ ᑭᔐᒪᓂᑑ᙮ ᐋᐱᒋ ᑲᔦ ᓂᑮᑕᐸᓭᓂᑎᔅ ᑮᓇᐙ ᒋᑭᒋ​ᐃᓀᑖᑯᓯᔦᒃ᙮ ᒦ ᓇ ᑕᔥ ᐁᑮᒪᒫᔒᔮᓐ? 8ᐊᐲ ᓴ ᐌᑎ ᑳᑮᑕᓇᓄᑮᔮᓐ ᑳᔑᐊᔮᔦᒃ, ᑯᑕᒃ ᓴ ᐯᐸᑳᓐ ᐅᑌᐺᑕᒨᒃ ᑳᐃᔑᒫᐗᒋᐃᑎᐙᒡ ᓂᑮᑎᐸᐊᒫᑰᒃ᙮ ᒦᑕᔥ ᐁᑮᐃᔑᓈᑯᓯᔮᓐ ᑖᐱᔥᑰ ᐁᑮᑭᒨᑎᒪᒀ ᔔᓂᔮᓐ᙮ ᒦᑕᔥ ᐃᐃ ᐁᐐᐐᒋᐃᓇᑰᒃ ᑳᑮᐅᒋ​ᐃᔑᓭᒃ᙮ 9ᐌᑎ ᑕᔥ ᐊᐲ ᑳᑮᐐᒌᐎᓇᑰᒃ, ᑳᐐᓐ ᓴ ᐊᐎᔭ ᑳᑕᔑᔦᒃ ᓂᑮᒥᑯᔥᑳᓱᒫᓰ ᒋᐐᒋᐃᒡ ᐊᐲ ᔔᓂᔮ ᐁᑮᓅᑌᓭᔮᓐ᙮ ᑮᑕᓇᒥᐋᓈᓂᒃ ᓴ ᒫᓯᑑᓂᔮᐗᑮᕽ Macedonia ᑳᐊᔮᐙᒡ ᓂᑮᐲᑕᒫᑰᒃ ᑲᑭᓇ ᑫᑰᓂᓂ ᑳᑮᐃᔑᓅᑌᓭᔮᓐ᙮ ᑳᐐᓐ ᓴ ᐐᑳ ᑫᑰᓐ ᑭᑲᐊᑲᐊᑐᑕᒪᐎᓯᓅᓂᓂᒻ᙮ ᒦ ᓴ ᐃ ᒨᔕᒃ ᑫᐃᔑᒋᑫᔮᓐ᙮ 10ᐃᐃ ᑕᔥ X ᐅᑌᐺᐎᓐ ᐁᑭᑭᔥᑳᑯᔮᓐ, ᑳᐐᓐ ᓴ ᐐᑳ ᓂᑲᐸᑭᒌᓰ ᒋᑕᔑᑕᒫᓐ ᐅᐅ ᑳᑮᐃᔑᒥᓄᒋᑫᔮᓐ ᐃᐃᒫ ᒥᓯᐌ ᐊᑫᔮᐗᑮᕽ Achaia ᐃᔖᔮᓐ᙮ 11ᐋᓃᓐ ᐃᑕᔥ? ᐅᓵᒻ ᐃᓇ ᐁᓵᑭᐃᓯᓄᐎᓇᑰᒃ? ᑭᔐᒪᓂᑑ ᓴ ᐅᑭᑫᑖᓐ ᐁᓵᑭᐃᓇᑰᒃ᙮ 12ᒦᑕᔥ ᐃᑯ ᑫᐃᔑᒋᑫᔮᓐ ᐃᐃ ᒨᔕᒃ ᑳᐃᔑᒋᑫᔮᓐ᙮ ᐋᓃᔥ ᑳᐐᓐ ᓂᓇᑕᐌᓂᒫᓰᒃ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ ᒋ​ᐃᔑᒪᒦᒀᓂᑎᓱᐙᒡ, ᒋᐃᑭᑐᐙᒡ ᑲᔦ ᑫᐐᓇᐙ ᓴ ᐁᐃᓇᓄᑮᐙᒡ ᐯᔑᑾᓐ ᑳᐃᓇᓄᑮᔮᕽ᙮ 13ᑳᐐᓐ ᓴ ᑾᔭᒃ ᐃᔑᓂᔕᐙᑲᓇᒃ ᑎᓄᐎᓰᐗᒃ᙮ ᒦ ᓴ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ, ᑳᑮᐗᓂᒧᐙᒡ ᐁᑕᔑᑕᒧᐙᒡ ᐅᑕᓄᑮᐎᓂᐙᓐ᙮ ᑖᐱᔥᑰ ᑕᔥ ᑲᔦ ᑌᐺ X ᐅᑎᔑᓂᔕᐙᑲᓇᐞ ᐁᐃᔑᓈᑯᓯᐃᑎᓱᐙᒡ᙮ 14ᑫᑯ ᑕᔥ ᒫᒪᑳᑌᑕᑫᒃ, ᐋᓃᔥ ᒪᒋᐊᔭᐋ ᑫᐐᓐ ᐃᔑᐃᑎᓱ ᑖᐱᔥᑰ ᐁᒐᓬ ᑳᐙᓭᓈᑯᓯᒡ᙮ 15ᑫᑯ ᑲᔦ ᑭᒋ​ᐃᓀᑕᑫᒃ ᑮᔥᐱᓐ ᐅᑕᓄᑮᐋᑲᓇᐞ ᐃᔑᐃᑎᓱᓂᒡ ᑖᐱᔥᑰ ᐁᐃᔑᐐᒋᑣᓂᒡ ᐃᐃᒫ ᑾᔭᒀᑎᓯᐎᓂᕽ᙮ ᐌᑎ ᓴ ᐃᔥᒀᒡ ᑕᑎᐸᐊᒪᐙᐗᒃ ᑲᑭᓇ ᑫᑰᓂᓂ ᑳᑮᐃᔑᒋᑫᐙᒡ᙮ 16ᒦᓇᐙ ᑕᔥ ᓂᑎᑭᑦ, ᑫᑯ ᐊᐎᔭ ᑕᐃᓀᑕᓰ ᐁᑲᑮᐹᑎᓯᔮᓐ᙮ ᑮᔥᐱᓐ ᑕᔥ ᐃᐃ ᐃᓀᓂᒥᔑᔦᒃ, ᒦ ᓴ ᐃ ᐱᓵᓂᑯ ᐃᔑᐅᑖᐱᓂᔑᒃ, ᑫᓃᓐ ᓴ ᐸᑮ ᒋᒪᒦᒀᓂᑎᓱᔮᓐ᙮ 17ᐅᐅ ᑕᔥ ᑳᐐᐃᑭᑐᔮᓐ ᓅᑯᒻ, ᑳᐐᓐ ᐄᑐᒃ ᐐᓐ ᐊᐊ ᑳᑎᐯᒋᑫᒡ ᑳᐃᔑᐊᑕᐌᓂᒥᒡ ᒋᐃᑭᑐᔮᓐ᙮ ᐅᐅ ᑕᔥ ᑳᐃᔑᒪᒦᒀᓂᑎᓱᔮᓐ, ᒦ ᓴ ᐁᔑᓈᑯᓯᔮᓐ ᑖᐱᔥᑰ ᐁᑲᑮᐹᑎᓯᔮᓐ᙮ 18ᐋᐱᒋ ᑕᔥ ᐁᐹᑏᓄᐙᒡ ᐊᐎᔭᒃ ᑳᒫᒦᒀᓂᑎᓱᐙᒡ ᐃᐃᒫ ᐐᔮᓯᐱᒫᑎᓯᐎᓂᕽ ᐅᒋ, ᒦ ᓴ ᑫᓃᓐ ᑫᐃᔑᒋᑫᔮᓐ᙮ 19ᑭᑎᓀᑖᒧᐙᑐᒃ ᒫᐐᓐ ᐋᐱᒋ ᐁᑲᑮᑖᐌᑕᒣᒃ ᐁᔕᔒᐯᓂᒣᒀ ᑫᑮᐹᑎᓯᐙᒡ! 20ᑭᔕᔒᐯᓂᒫᐙ ᓴ ᑲᔦ ᐊᐎᔭ ᑳᐊᔮᓅᓂᓀᒃ ᐁᒥᑯᔥᑳᓱᒥᓀᒃ ᑫᑰᓂᓂ ᒋᐃᔑᒋᑫᔦᒃ, ᐊᐎᔭ ᑲᔦ ᑳᐗᔦᔑᒥᓀᒃ, ᐊᐎᔭ ᑲᔦ ᑳᒪᒫᒋᑯᓂᓀᒃ, ᐊᐎᔭ ᑲᔦ ᑳᒪᒋᓇᐎᓀᒃ ᑯᒫ ᑲᔦ ᑳᐸᓰᑴᐅᓀᒃ᙮ 21ᐋᐱᒋ ᓴ ᓂᑕᑲᒡ ᐁᐃᑭᑐᔮᓐ ᐁᑮᔖᑴᓂᒧᔮᕽ ᓃᓇᐎᓐᑦ ᐅᐅ ᒋᑑᑖᑰᔦᒃ᙮ ᑮᔥᐱᓐ ᐊᐎᔭ ᐐᒫᒦᒀᑕᕽ ᑫᑰᓂᓂ, ᑫᓃᓐ ᓴ ᒦ ᐯᔑᑾᓐ ᑫᐃᔑᒋᑫᔮᓐ᙮ ᐋᐱᒋ ᒫᐐᓐ ᓂᑲᑮᐹᓯᓈᑯᔅ᙮ 22ᐄᐸᕒᐆᐎᐗᒃ Hebrews ᐃᓇ? ᑫᓃᓐ ᓴ ᐄᐸᕒᐆ ᓂᑎᓄᐤ᙮ ᐃᔅᕒᐃᔭᓬᐄᐎᐗᒃ Israelites ᐃᓇ? ᑫᓃᓐ ᓴ ᐃᔅᕒᐃᔭᓬ ᓂᑎᓄᐤ᙮ ᐁᐸᕒᐊᐋᒥᕽ Abraham ᐃᓇ ᑮᐅᒌᐗᒃ? ᑫᓃᓐ ᓴ ᒦ ᐃᒫ ᐌᑕᑳᓀᓯᔮᓐ᙮ 23X ᐃᓇ ᐃᐃ ᐅᑕᓄᑮᐋᑲᓇᐞ? ᓂᑲᑲᑮᐹᓯᑖᑯᔅ ᒫᐐᓐ ᐅᐅ ᑳᐐᐃᑭᑐᔮᓐ! ᓇᐗᒡ ᐃᑕᔥ ᓃᓐ ᑾᔭᒃ ᐊᓄᑮᐋᑲᓐ ᐊᐲᒡ ᐐᓇᐙ! ᓇᐗᒡ ᓃᓐ ᓂᑮᑭᒋᐊᓄᑮ! ᓇᐗᒡ ᓃᓐ ᐹᑏᓍ ᓂᑮᑭᐸᐅᑰ, ᓇᐗᒡ ᓃᓐ ᑲᔦ ᐹᑏᓍ ᓂᑮᐸᐸᔕᔐᐅᑰ, ᓇᐗᒡ ᓃᓐ ᑲᔦ ᐹᑏᓍ ᑫᑳ ᓂᑮᓂᑉ᙮ 24ᒎᐗᒃ ᓂᓯᒥᑕᓇᔑᔖᑲᒋᕽ 39 ᓴ ᐊᐎᔭᓐ ᐅᐸᐸᔕᔐᐙᐙᓐ ᐋᐱᑎᕽ ᐁᐸᔕᔐᐙᐙᒡ᙮ ᓈᓂᕽ ᐃᑕᔥ ᐃᐃᐌ ᓂᑮᑑᑖᑰᒃ ᒎᐗᒃ᙮ 25ᓂᓯᕽ 3 ᑲᔦ ᓂᑮᐸᐸᑭᑌᐅᑰ ᒥᑎᑰᓐ ᐁᑮᐋᐸᒋᒋᑳᑌᑭᓐ᙮ ᐋᐱᑎᕽ ᑲᔦ ᓂᑮᐸᐱᒶᓯᓇᐃᑰ, ᓃᔣ 3 ᑲᔦ ᐁᑮᐲᑾᐊᕽ ᓂᑭᒋᒌᒫᓂᓈᓐ, ᐋᐱᑎᕽ ᑕᔥ ᑲᐯᑎᐱᒃ, ᑲᐯᑮᔑᒃ ᑲᔦ ᓂᑮᐸᐹᒫᐅᒃ ᑭᒋᑲᒦᕽ᙮ 26ᒨᔕᒃ ᑲᔦ ᐁᐸᐹᒥᐊᔮᔮᓐ, ᐁᑮᓇᓃᓵᓂᓯᔮᓐ ᒋᓂᑭᐲᔮᓐ ᓰᐲᑳᕽ, ᐁᑮᓇᓃᓵᓂᐃᐙᒡ ᑲᔦ ᑭᒨᒋᔥᑲᒃ, ᐁᑮᓇᓃᓵᓂᐃᐙᒡ ᑲᔦ ᒎᐗᒃ ᑲᔦ ᐁᑳ ᑳᒎᐎᐎᓯᒀ, ᐁᑮᓇᓃᓵᓂᓯᔮᓐ ᑲᔦ ᑭᒋᐆᑌᓈᑳᕽ, ᐁᑮᓇᓃᓵᓂᓯᔮᓐ ᑲᔦ ᐱᑾᑕᑲᒥᑯᕽ, ᐁᑮᓇᓃᓵᓂᓯᔮᓐ ᑲᔦ ᑭᒋᑲᒦᕽ, ᐁᑮᓇᓃᓵᓂᐃᐙᒡ ᑲᔦ ᐃᑭ ᑳᑮᐊᓇᒥᐁᑳᓱᐙᒡ᙮ 27ᐋᐱᒋ ᑕᔥ ᑲᔦ ᐁᑮᑭᒋᐊᓄᑮᔮᓐ, ᐁᑮᑲᒀᑕᑭᓭᔮᓐ ᑲᔦ, ᒨᔕᒃ ᑲᔦ ᐌᐌᓂ ᐁᑮᓂᐹᓯᐙᓐ, ᒨᔕᒃ ᑲᔦ ᐁᑮᐐᐐᓯᓂᔮᓐ, ᐁᑮᐐᒥᓂᑴᔮᓐ ᑲᔦ, ᒨᔕᒃ ᑲᔦ ᒦᒋᒻ ᑌᒥᓂᒃ ᐁᑮᐊᔮᓯᐙᓐ, ᐊᑾᒌᕽ ᑲᔦ ᒨᔕᒃ ᐁᑮᐊᔮᔮᓐ, ᐁᑮᑮᑲᒋᔮᓐ ᑲᔦ ᒨᔕᒃ᙮ 28ᑳᐐᓐ ᑕᔥ ᐐᓐ ᑲᑭᓇ ᑫᑰᓇᓐ ᓂᐐᐐᑕᓰᓇᓐ᙮ ᐁᑕᓱᑮᔑᒃ ᑲᔦ ᐁᐅᒋᑯᓯᑴᑕᒫᓐ ᐁᓈᓈᑲᑕᐌᓂᒪᒀ ᐅᑌᐺᑕᒨᒃ ᑲᑭᓇ ᐊᔮᐎᓂᕽ ᑳᐃᔑᒫᐗᒋᐃᑎᐙᒡ᙮ 29ᐊᐎᔭ ᓴ ᑮᒪᒉᓂᒧᒡ ᐋᐱᒋ ᓴ ᓂᑯᐹᑌᓂᒫ᙮ ᐊᐎᔭ ᑲᔦ ᑮᐃᔑᐎᓂᓐᒡ ᒪᒋᑑᑕᒧᐎᓂᕽ, ᐋᐱᒋ ᓴ ᓂᑭᒋᒫᓀᑕᒻ᙮ 30ᑮᔥᐱᓐ ᑕᔥ ᐐᒪᒦᒀᓂᑎᓱᔮᓐ, ᒦ ᓴ ᐃᓂ ᑫᑕᔑᑕᒫᓐ ᒋᐐᑕᒫᓐ ᐋᓃᓐ ᐁᔑᓃᓇᒥᓯᔮᓐ᙮ 31ᑭᔐᒪᓂᑑᓐ ᑳᑎᐯᒋᑫᒡ ᒋᓴᔅ ᑳᐅᔫᓯᒡ ᒨᔕᒃ ᑳᒦᑴᒋᐌᓂᒥᒥᓐᒡ, ᓂᑭᑫᓂᒥᒃ ᐁᑳ ᐁᑮᐗᓂᒧᓯᐙᓐ᙮ 32ᐌᑎ ᑕᔥ ᒣᒀ ᑎᒫᔅᑲᓯᕽ Damascus ᑮᐊᔮᔮᓐ, ᐊᐊ ᓴ ᐋᓂᑫᐅᑭᒫ ᑳᑮᑎᐯᓂᒥᑯᒡ ᐃᓂ ᑭᒋᐅᑭᒫᓐ ᐊᕒᐄᑕᓴᓐ Aretas ᐅᑮᐊᓵᐞ ᔑᒫᑲᓂᔕᐞ ᒥᓯᐌ ᑭᒋ​ᐃᔥᒀᑌᒥᑳᕽ ᐁᐐᑲᑴᑕᑯᓂᒡ᙮ 33ᐃᐃᒫ ᑕᔥ ᑳᑮᐃᔑᐸᑯᓀᔮᒃ ᑳᔑᐙᑳᔮᐱᑭᓂᑳᑌᒃ ᐆᑌᓇ ᒦ ᐃᒫ ᓂᑮᐅᒋ​ᓃᓵᐲᑭᓂᑰ, ᑭᒋᐐᑯᐲᒪᑲᑯᕽ ᐁᑮᐃᔑᑳᓂᑰᔮᓐ᙮ ᒦᑕᔥ ᐃᐃᒫ ᑳᑮᐅᒋᔖᐾᑲᑕᐗᒃ ᐊᐊ ᑭᒋᐅᑭᒫ᙮

will be added

X\