1 Timahti 1

1ᓃᓐ ᑆᓬ Paul ᐅᑎᔑᓂᔕᐙᑲᓇᓐ ᐊᐊ ᒋᓴᔅ X, ᒋᐃᔑᐊᓄᑮᔮᓐ ᒪᔮ ᐁᔑ​ᐃᓈᑯᓂᑫᒡ ᐊᐊᐌ ᑭᔐᒪᓂᑑ ᑳᐱᒫᒋᐃᓇᕽ, ᒋᓴᔅ X ᑲᔦ, ᒦ ᐊᐌ ᑭᑕᐯᓂᒧᐎᓂᓈᓐ᙮ 2ᑭᑑᔑᐲᐊᒪᐎᓐ ᑮᓐ ᑎᒪᑎ Timothy, ᑌᐺ ᐱᑯ ᑌᐺᔦᑕᒧᐎᓂᕽ ᐁᐅᒋᐅᑯᓯᓯᒥᓈᓐ᙮ ᔕᐌᑖᑯᓯᐎᓐ, ᑭᑎᒫᑭᓈᑰᐎᓐ, ᑯᔥᒀᐙᑌᑕᒧᐎᓐ ᑭᑲᐐᐅᒌᑕᒫᒃ ᑭᔐᒪᓂᑑ ᑳᐅᔫᓯᒥᓐᒡ, X ᒋᓴᔅ ᑲᔦ ᐁᑎᐯᓂᒥᓇᕽ᙮ 3ᑭᑎᔑᓇᑕᐌᓂᒥᓐ ᑫᔮᐱ ᒋᐃᔑᑲᐯᔑᔭᓐ ᐃᐃᒫ ᐁᐱᓴᔅ Ephesus ᐆᑌᓈᕽ, ᑳᑮᐃᓂᓈᐹᓐ ᐊᐸᓐ ᑳᑮᒫᒑᔮᓐ ᐌᑎ ᒫᓯᑑᓂᔭ Macedonia ᐊᑮᕽ᙮ ᐋᓂᑕ ᐊᐎᔭᒃ ᐃᐃᒫ ᐸᑳᓐ ᐃᔑᑭᑭᓄᐊᒫᑫᐗᒃ᙮ ᑭᑕᓅᓂᓐ ᒋᐃᔑᐐᑕᒪᐗᑣ ᒋᐴᓂᑑᐙᒡ ᐃᐌ ᓇᐹᒡ ᑭᑭᓄᐊᒫᑫᐎᓐ ᐁᑳ ᒋᑭᑭᓄᐊᒫᑫᓯᒀ ᒦᓇᐙ, 4ᐁᑳ ᑲᔦ ᒋᐱᓯᑕᓯᒀ ᐸᑳᓐ ᑎᐹᒋᒧᐎᓇᓐ ᐃᓂ ᑲᔦ ᑳᐴᓂᓭᓯᓄᑭᓐ ᐋᔮᓂᑫᑎᐹᒋᒧᐎᓇᓐ᙮ ᒦ ᐅᐌ ᑳᐅᒋᑲᑴᐸᓯᑸᒪᑲᑭᓐ ᑲᑴᒋᑎᐎᓇᓐ, ᑳᐐᓐ ᐐᓐ ᐃᐃᐌ ᑳᐃᔑᐊᑕᐌᑕᕽ ᑭᔐᒪᓂᑑ ᐃᐌ ᑌᐺᔦᑕᒧᐎᓂᕽ ᑳᐊᔮᒃ᙮ 5ᒦ ᐅᐌ ᑳᑲᑴᐅᑎᓂᑫᒪᑲᒃ ᐅᐅ ᓂᑭᑭᓄᐊᒫᑫᐎᓐ, ᒋᐹᑏᓇᒃ ᓵᑭᐃᑎᐎᓐ, ᒋᐅᒋᐊᔮᒪᑲᒃ ᒥᓄᑌᐁᐎᓂᕽ, ᒥᓄᑭᑫᓂᑎᓱᐎᓂᕽ ᑲᔦ, ᑳᑌᐺᒪᑲᒃ ᑌᐺᑕᒧᐎᓂᕽ ᑲᔦ᙮ 6ᐋᓂᓐᑦ ᐃᐃᒫ ᐊᐎᔭᒃ ᑮᐅᒋᐸᑫᐗᒃ ᐁᑮᐃᔑᐗᓂᔑᓄᐙᒡ, ᐊᓂᔖ ᐁᑲᑴᔖᑰᓱᑎᐙᒡ᙮ 7ᐐᓅᑌ ᑭᑭᓄᐊᒫᑫᐗᒃ ᑭᔐᒪᓂᑑᓐ ᐅᑎᓈᑯᓂᑫᐎᓂᓂ, ᐋᓇᐐᓐ ᐁᑕᔑᑭᑫᑕᓯᒀ ᐐᓇᐙ ᑯ ᐅᑎᑭᑐᐎᓂᐙᓐ ᑲᔦ ᐌᑯᓀᓐ ᐃᐃ ᑳᑕᔑᑕᒧᐙᒡ ᐁᑾᔭᑴᓂᒧᐙᒡ᙮ 8ᑮᓇᐎᓐᑦ ᐃᑕᔥ ᑭᑭᑫᑖᒥᓐ ᐁᐅᓂᔑᔑᒃ ᐃᓈᑯᓂᑫᐎᓐ, ᐊᐌᓀᓐ ᐃᑯ ᑾᔭᒃ ᑫᐋᐸᒋᑑᒡ᙮ 9ᑭᑭᑫᑖᒥᓐ ᑳᐐᓐ ᐐᓐ ᐅᒋ ᑳᒥᓄᐃᔑᐌᐱᓯᐙᒡ ᑮᐅᒋᐅᔑᐲᐃᑳᑌᓯᓅᓐ ᐃᓈᑯᓂᑫᐎᓐ, ᐃᑭ ᓴ ᐐᓐ ᑳᓂᑖᒪᒫᔒᐙᒡ, ᑳᑲᑴᑎᐯᓂᑎᓱᐙᒡ ᑲᔦ, ᐃᑭ ᑲᔦ ᑳᑭᑌᓂᒫᓯᒀ ᑭᔐᒪᓂᑑᓐ, ᐅᒪᒋᑑᑕᒨᒃ ᑲᔦ, ᑳᐯᑭᐱᒫᑎᓯᓯᒀ, ᑳᒫᓀᑕᒧᐙᒡ ᑲᔦ ᐊᓇᒥᐋᐎᓐ, ᐃᑭ ᑲᔦ ᑳᓂᓵᐙᒡ ᐅᓃᑭᐃᑯᐙᐞ, ᐊᐌᓀᓐ ᓴ ᐱᑯ ᑳᓂᔑᐌᒡ, 10ᔑᑾ ᑳᐱᔑᒀᑎᓯᐙᒡ, ᑳᒪᒋᒥᓴᐌᓂᒫᐙᒡ ᑲᔦ ᐐᒋᓂᓃᒥᐙᐞ, ᐃᑭ ᑲᔦ ᑳᑮᒨᒋᑭᒨᑎᐙᒡ ᐊᐎᔭᐞ ᒋᐊᑖᐙᑫᐙᒡ, ᐃᑭ ᑳᓂᑖ ᑲᑮᓇᐎᔥᑭᐙᒡ, ᑳᑲᑮᓇᐎᔥᑳᒋᒧᐙᒡ ᑲᔦ, ᐊᐎᔭ ᑯ ᑲᔦ ᑳᑲᑴᓇᑳᔥᑲᕽ ᒥᓄᑭᑭᓄᐊᒫᑫᐎᓐ᙮ 11ᒦ ᐅᐅ ᑭᑭᓄᐊᒫᑫᐎᓐ ᑳᐃᓇᑌᓂᒃ ᐅᒥᓍᒋᒧᐎᓐ ᑳᑭᒋ​ᐃᓀᑖᑯᓯᒡ ᑲᔦ ᑳᓇᓈᑯᒥᓐᒡ ᑭᔐᒪᓂᑑ; ᒦ ᐅᐌ ᒥᓍᒋᒧᐎᓐ ᓃᓐ ᐃᑯ ᑳᐸᒥᓇᒧᐃᑰᔮᓐ ᒋᐐᑕᒫᑫᔮᓐ᙮ 12ᓂᒦᑴᒋᐌᓂᒫ ᑕᔥ X ᒋᓴᔅ ᑌᐯᓂᒥᓇᕽ ᑳᒦᔑᒡ ᒪᔥᑲᐎᓰᐎᓐ, ᐅᑕᔮᒀᒥᓰ ᑳᑮᐃᓇᑭᒥᒡ, ᑳᐊᓅᔑᒡ ᒋᐊᓄᑲᐗᒃ, 13ᓃᓐ ᑲᔭᑌ ᑳᑮᒪᒋ​ᐃᓇᒃ᙮ ᓂᑮᑲᒀᑕᑭᐋ, ᓂᑮᐹᐱᓄᑕᐙ ᑲᔦ᙮ ᓂᑮᑰᐹᑌᓂᒥᒃ ᐃᑕᔥ ᐃᐌ ᐅᒋ ᐁᑮᑭᑫᑕᓯᐙᓐ ᑳᐃᔑᒋᑫᔮᓐ ᒣᒀ ᐁᑌᐺᑕᓯᐙᐹᓐ᙮ 14ᑲᔦᔥ ᑮᐹᑏᓇᑎᓂᓂ ᐅᔕᐌᒋᑫᐎᓐ ᑳᒦᔑᒡ ᑳᑎᐯᓂᒥᓇᕽ, ᐊᔑᒡ ᐃᐃᐌᓂ ᑌᐺᔦᑕᒧᐎᓐ, ᓵᑭᐃᐌᐎᓐ ᑲᔦ, ᑳᐅᒌᑕᒫᑯᔭᕽ X ᒋᓴᔅ ᐁᐐᒌᐗᕽ᙮ 15ᑌᐺᒪᑲᓐ ᐃᓴ ᐃ ᐃᑭᑐᐎᓐ, ᑌᐊᐲᑌᑖᑾᓐ ᑲᔦ ᑲᑭᓇ ᐊᐎᔭ ᒋᐅᑖᐱᓇᒧᐙᒡ: ᐊᐊ ᓴ X ᒋᓴᔅ ᐁᑮᐲᔖᒡ ᐅᐅᒫ ᐊᑮᕽ ᐅᒪᒋᑑᑕᒨᐞ ᒋᐱᒫᒋᐋᒡ, ᐁᑕᔑᐙᒡ ᓃᓐ ᐃᑕᔥ ᓂᒫᒪᐌᑖᑯᔅ ᐁᑎᓄᐎᔮᓐ᙮ 16ᒦ ᒪᔮ ᐅᐌ ᑳᑮᐅᒋᔕᐌᓂᒥᒡ ᑭᔐᒪᓂᑑ, ᐁᑮᐃᓀᑕᕽ X ᒋᓴᔅ ᐗᐐᑫ ᒋᐙᐸᑕᐃᐌᒡ ᐁᔑᔕᔒᐯᓂᒥᒡ, ᓃᓐ ᐋᓇ ᒫᒪᐌᑖᑯᓯᔮᓐ ᒪᒋ​ᐃᔑᐌᐱᓯᐎᓂᕽ᙮ ᒦ ᐃᐌ ᑫᐅᒋᑭᑭᓇᐙᐸᑕᒧᐙᒡ ᑲᑭᓇ ᐃᑭ ᓈᑫ ᑫᑌᐺᔦᓂᒫᐙᒡ ᒋᒦᓂᑣ ᐱᒫᑎᓯᐎᓐ ᐐᑳ ᑫᐃᔥᒀᓭᓯᓄᒃ᙮ 17ᒫᓄ ᑕᔥ ᐱᔑᔑᒃ ᐊᐸᓀ ᑕᑭᒋ​ᐃᓀᓂᒫ, ᑕᓇᓈᑯᒫ ᐊᐊ ᑭᒋᐅᑭᒫ ᐱᔑᔑᒃ ᑳᐱᒫᑎᓯᒡ, ᐐᑳ ᑫᓂᐳᓯᒃ, ᐎᔮᐸᒫᓯᐎᓐᒡ, ᒦ ᐁᑕ ᐊᐌ ᑳᑭᔐᒪᓂᑑᐎᒡ᙮ ᐁᒣᓐ᙮ 18ᑎᒪᑎ Timothy ᓂᑯᓯᔅ, ᐅᐅ ᑲᑮᑴᐎᓐ ᑭᑲᓇᐌᑕᐃᓐ: ᑖᐱᔥᑰ ᑮᔖᒡ ᐃᑯ ᑳᑮᐃᓈᒋᒥᑰᔭᓐ, ᒦᐗᓐ ᐃᑭᑐᐎᓇᓐ ᒋᐊᔛᐙᑫᔭᓐ ᒥᓄ ᒦᑳᓱᐎᓂᕽ᙮ 19ᒥᒋᒥᓇᓐ ᐃᐃ ᑭᑌᐺᔦᑕᒧᐎᓐ, ᐃᐃ ᑲᔦ ᒥᓄᐃᓀᓂᑎᓱᐎᓐ᙮ ᐃᑭ ᐋᓂᓐᑦ ᐁᐌᐱᓇᒧᐙᒡ ᐅᑮᓂᔑᐗᓈᒋᑑᓈᐙ ᐅᑌᐺᔦᑕᒧᐎᓂᐙᓐ, 20ᐅᐅ ᐁᔑᐌᐱᓯᐙᒡ ᐋᐃᒥᓃᔭᔅ Hymenaeus, ᐊᐊ ᑲᔦ ᐋᓬᐃᑭᓵᑕᕒ Alexander᙮ ᓂᑮᐸᑭᑎᓇᒪᐙᒃ ᒋᑭᑭᓄᐊᒫᑯᐙᒡ ᐃᓂ ᓭᑕᓇᓐ Satan, ᒋᑭᑫᑕᒧᐙᒡ ᒋᐹᐱᓄᑖᑫᓯᒀ᙮

will be added

X\