1 Piitar 5

1ᐃᑭ ᓴ ᑳᓃᑳᓀᑖᑯᓯᐙᒡ ᑳᐊᔮᐙᒡ ᐌᑎ ᑳᐃᔑᐊᔮᔦᒃ, ᒦᐗᒃ ᓴ ᐃᑭ ᑳᑲᓅᓇᒀ; ᑫᓃᓐ ᐄᑐᒃ ᓂᓃᑳᓀᑖᑯᔅ ᐁᑮᐙᐸᒪᒃ X ᐁᑲᒀᑕᑭᑑᒡ, ᓂᐐᐐᑑᑳᔅ ᑕᔥ ᐅᑭᒋ​ᐃᓀᑖᑯᓯᐎᓐ ᑳᐐᓈᑯᒋᑳᑌᓂᒃ᙮ 2ᒦᑕᔥ ᐁᓇᒀ: ᓈᑲᒋᐃᑾᒃ ᑭᔐᒪᓂᑑ ᐅᒫᓇᒑᓂᔑᒪᐞ ᑳᒦᓂᓀᒃ ᒋᓈᑲᒋᐃᒣᒃ, ᑫᑯ ᐐᓐ ᐊᓂᓵᒡ ᐃᔑᒋᑫᑫᒃ, ᑮᓇᐙ ᓴ ᐱᑯ ᑭᑎᓀᑕᒧᐎᓂᐙᕽ ᒋᐅᒋ​ᐃᔑᒋᑫᔦᒃ ᒋᑑᑕᒧᐌᒃ ᑭᔐᒪᓂᑑ ᐅᑎᓀᑕᒧᐎᓐ᙮ ᑫᑯ ᐐᓐ ᐁᑕ ᒋᒥᒋᐅᑎᓯᔦᒃ ᐅᒋ​ᐃᔑᒋᑫᑫᒃ, ᒌᑫᑕᒧᒃ ᓴ ᐃ ᐁᐊᓄᑮᑕᐌᒃ ᐁᓈᓈᑲᒋᐃᐌᔦᒃ᙮ 3ᑫᑯ ᐐᓐ ᑲᔦ ᑲᑴᑎᐯᓂᒫᑫᒀᓂᒃ ᐃᑭ ᑳᒦᓂᑰᔦᒃ ᒋᓈᑲᒋᐁᒀ, ᐃᔑᐱᒫᑎᓯᒃ ᓴ ᑫᔑᑭᑭᓇᐙᐸᒥᓀᒀ᙮ 4ᐊᐲ ᑕᔥ ᓈᑯᓯᒡ ᐊᐊ ᑳᒫᐗᒋ​ᓃᑳᓀᑖᑯᓯᒡ ᐅᑲᓇᐎᒫᓇᒑᓂᔑᐌ, ᑭᑲᑌᐱᓈᒻ ᑕᔥ ᐃᐃ ᒋᑭᑳᓄᒀᓈᑕᒣᒃ ᐃᐃ ᑭᒋ​ᐃᓀᑖᑯᓯᐎᓐ ᐐᑳ ᑫᓂᐊᑯᓈᑾᓯᓄᒃ᙮ 5ᒦ ᓴ ᐯᔑᑾᓐ ᑫᑮᓇᐙ ᑳᐅᔥᑳᑎᓯᔦᒃ ᓇᐃᑕᐎᑾᒃ ᐃᑭ ᑳᑭᑖᑎᓯᐙᒡ᙮ ᑲᑭᓇ ᐱᑯ ᑳᑕᔑᔦᒃ ᐱᒋᑯᓇᔮᑕᒧᒃ ᑕᐸᓭᓂᒧᐎᓐ ᒋᐙᐐᑑᑯᑖᑎᔦᒃ, ᐋᓃᔥ ᑭᒋᒪᓯᓇᐃᑲᓐ ᐃᔑᐲᐃᑳᑌ: ᑭᔐᒪᓂᑑ ᐅᔕ ᐅᓇᑳᔥᑲᐙᐞ ᑳᑭᒋ​ᐃᓀᓂᑎᓱᓂᒡ; ᐅᒥᓄᑑᑕᐙᐞ ᐃᑕᔥ ᐐᓐ ᐃᐃ ᑳᑕᐸᓭᓂᒧᓂᒡ᙮ 6ᑮᓇᐙ ᑕᔥ ᑕᐸᓭᓂᑎᓱᒃ ᐱᓵᓐ ᒋᑎᐯᓂᒥᓀᒃ ᑭᔐᒪᓂᑑ ᑳᐃᔑᒪᔥᑲᐎᓰᒡ, ᒋᐅᐱᓂᓀᒃ ᐐᓐ ᐃᑯ ᐊᐲ ᑫᔑᒥᓍᐸᑕᕽ᙮ 7ᐸᑭᒋᐗᓀᑕᒪᐎᒃ ᐐᓂᑕᒻ ᒋᐱᒥᐗᓀᑕᒪᐎᓀᒃ ᑲᑭᓇ ᑳᒥᑯᔥᑳᑌᑕᒧᐃᑯᔦᒃ, ᐋᓃᔥ ᐐᓐ ᑭᓈᓈᑲᒋᐃᑯᐙ᙮ 8ᐙᐹᑲᒣᑕᒧᒃ, ᐊᔕᐙᐱᒃ ᑲᔦ, ᐋᓃᔥ ᑳᔒᑫᓂᒥᓀᒃ ᒪᒋᐊᔭᐋ ᐸᐸᒥᐊᔮ ᑖᐱᔥᑰ ᒥᔑᐱᔑᐤ ᑳᐸᐹᓅᑖᑯᓯᒡ ᐁᓇᓈᑕᐙᐸᒫᒡ ᐊᐌᓀᓇᓐ ᐙᑭᑕᒸᒡ᙮ 9ᐋᔩᒋᑳᐸᐎᒃ ᐃᑕᔥ ᐃᐃᒫ ᑭᑌᐺᑕᒧᐎᓂᐙᕽ, ᒋᓇᑳᔥᑲᐌᒃ ᒪᒋᐊᔭᐋ᙮ ᑭᑭᑫᑖᒻ ᐄᑐᒃ ᑫᐐᓇᐙ ᑲᑭᓇ ᑭᐐᒋᐅᑌᐺᑕᒨᒫᑲᓂᐙᒃ ᒥᓯᐌ ᐊᑮᕽ ᒦ ᐯᔑᑾᓐ ᐁᐃᔑᐱᒧᓭᐙᒡ ᑲᒀᑕᑭᐃᑰᐎᓂᕽ᙮ 10ᐊᐲ ᑕᔥ ᐊᒋᓇ ᑮᑲᒀᑕᑭᑑᔦᒃ, ᑭᔐᒪᓂᑑ ᑳᐌᓅᒋ​ᐐᒦᑭᐌᒡ ᑭᔐᐙᑎᓯᐎᓐ, ᑳᑮᐊᑑᒥᓀᒃ Xᐃᕽ ᒋᐃᔑᐐᑑᑳᓱᔦᒃ ᐃᐃᒫ ᑳᐃᔑᓀᐱᒋ​ᑭᒋ​ᐃᓀᑖᑯᓯᒡ, ᐐᓐ ᐃᑯ ᑭᑲᑮᔑᓈᑯᐃᑯᐙ, ᑭᑲᐃᔑᐃᑯᐙ ᑲᔦ ᒋᐋᔩᒋᑳᐸᐎᔦᒃ, ᒋᒪᔥᑲᐎᓰᔦᒃ, ᑭᑲᓀᐱᒋᐅᓇᓯᑯᐙ ᑲᔦ᙮ 11ᑕᑲ ᑭᔐᒪᓂᑑ ᑕᑎᐯᓂᒥᐌ ᓀᐱᒡ ᐃᑯ, ᐁᒣᓐ! 12ᓵᐃᓬᐊᔅ Silas ᓴ ᑳᑌᐺᔦᑖᑯᓯᒡ ᑮᑕᓇᒥᐋᓈᓐ ᑳᐃᓇᑭᒪᒃ, ᓂᐐᒋᐃᒃ ᐅᐅ ᐸᑮ ᑳᐅᔑᐲᐊᒪᐎᓇᑰᒃ, ᐁᐊᑕᐌᓂᒥᓇᑰᒃ ᒋᒪᔥᑲᐌᑕᒣᒃ, ᐁᐐᑕᒪᐎᓇᑰᒃ ᑲᔦ ᑭᔐᒪᓂᑑ ᐅᑭᔐᐙᑎᓯᐎᓐ ᐁᑌᐺᒪᑲᓂᓂᒃ᙮ ᐗᐐᑫ ᑕᔥ ᐃᐃᒫ ᐋᔩᒋᑳᐸᐎᒃ᙮ 13ᐃᑭ ᑕᔥ ᑲᔦ ᐅᑌᐺᑕᒨᒃ ᑳᐊᔮᐙᒡ ᐹᐱᓬᐊᓄᕽ Babylon ᑳᑮᐐᒋᐅᓀᑖᑯᓰᒥᓀᒀ, ᑭᐴᔔᐃᑯᐙᒃ᙮ ᑭᐴᔔᐃᑯᐙ ᑲᔦ ᓂᑯᓯᓯᕽ ᑳᐃᓀᓂᒪᒃ ᒫᕒᒃ Mark᙮ 14ᐅᒌᒥᑾᒃ ᑳᐴᔔᐁᒀ ᐅᑌᐺᑕᒨᒃ, ᒋᓈᑾᒃ ᐁᓵᑭᐃᑎᔦᒃ᙮ ᑕᑲ ᐱᓵᓀᑕᒧᐎᓐ ᑭᑲᐐᒌᐎᑯᒻ ᑲᑭᓇ ᑳᐐᒌᐌᒃ X᙮

will be added

X\