OKUSUUKURURWA 15

1Nubwo narozire omwiguru ekyamahano ekindi ekikuru kandi ekirukuhuniriza. Nubo bamalaika musanju abaina emihito musanju ey'okumalirra, habwokuba ekiniga kya Ruhanga niyo kirukugarukiraho. 2Kandi nkarora ekintu ekirukusisana enyanja ey'ekirahule etabwirwemu omurro, n'abo abaasingwire ekinyamaiswa n'ekisisani kyakyo n'enamba y'ibara lyakyo beemeriire ha rubaju rw'enyanja ey'ekirahule, bakwasire omu ngaro endongo za Ruhanga. 3Bakaba nibazina ekizina kya Musa omuheereza wa Ruhanga n'eky'Omwana gw'Entaama nibagamba bati: “Ai MUKAMA Ruhanga ow'obusobozi bwona, ebikorwa byawe bikuru kandi bihuniriza! Ai MUKAMA ow'obusinge bwona, emihanda yawe ehikire kandi y'amazima! 4Ai MUKAMA nooha atalikutiina kandi atalikunyumiza? Niiwe wenka Ahikiriire. Amahanga goona galiija gakuramye, habwokuba encwa yaawe ey'obulyo, hati eyolekerwe.” 5Ebi obu byahoire, nkarora omwiguru Enju ya Ruhanga erumu eheema y'obwakaiso ekingwirwe, 6haarugamu bamalaika musanju baina emihito musanju kandi bajwaire ekanzu eza bafuta enungi erukunekaneka, beetegere omu kifuba emyeko ya zaabbu. 7Kandi ekimu ha bihangwa ebbina ebyomeezi kyaha bamalaika musanju ebibindi musanju ebya zaabbu ebiijwire ekiniga kya Ruhanga anyakwomeera ebiro byona. 8Enju yaijura omwika ogwarugire omu kitiinisa kya Ruhanga n'omu maani ge, kandi busaho n'omu ayasoboire kugitaaha okuhika emihito musanju eya bamalaika musanju obu yahoire.

will be added

X\