2 ABATEESALONIKA 3

1Eky'okumalirra bagenzi bange, mutusabire, nukwo ekigambo kya MUKAMA kyanguhe kuraranga hoona kandi kisingule, nkooku kyasingwire omuli inywe; 2na itwe tusobole kutabuka abantu ababi kandi engumangani, habwokuba boona tibaina okwikiriza. 3Baitu MUKAMA mwesigwa; alibaha amaani kandi abajune Omubi. 4Nitubeesiga omu MUKAMA, habwokuba nimukora kandi mulyongera kukora ebintu ebi turukubaragira. 5MUKAMA aterekereze emitima yanyu omu ngonzi za Ruhanga n'omu kugumiisiriza kwa Kristo. 6Bagenzi bange, nitubaragira omu ibara lya MUKAMA waitu Yesu Kristo, mwecweho ow'oruganda weena atarukwenda kukora emirimo kandi atarukukuraatira engeso ezi twabamanyize. 7Inywe inywenka mumanyire nkooku musemeriire kutukuraatira. Obu tukaba tuli na inywe tukaba tutali bagara, 8tutaliire busa ebyokulya by'omuntu weena, baitu twatalibanaga, twajwahaga kandi twakoraga nyamusana n'ekiro, nukwo tuleke kulemeera omuntu n'omu omuli inywe. 9Tikuli kugamba ngu, tukaba tutaina bulyo obw'okubikolerwa, baitu tukagonza kubaha ekyokurorraho omu ngeso zaitu, eki muraakuraatira. 10Obu tukaba tuli na inywe, tukabaha ekiragiro ekirukugamba ngu: Atarukwenda kukora, aleke kulya. 11Habwokuba nituhurra abamu omuli inywe nkooku bali bagara, beetaahya omu by'abandi, tibagira eki bakora. 12Abantu nk'abo nitubaragira kandi nitubateererra omu MUKAMA Yesu Kristo, bakole emirimo yabo hataroho bwogo, beetungire ebyokulya byabo nyabwabu. 13Ab'oruganda, mutajwaha omu kukora ebirungi. 14Kakuba habaho arukwanga kukwata ebi turukugamba omu bbaruha enu, omuntu ogu mumwetegereze, mutongera kukorrana nawe, nukwo akwatwe ensoni. 15Muleke kumurora nk'omunyanzigwa, baitu mumuhabule nka mugenzi wanyu. 16MUKAMA w'obusinge wonyini, abahe obusinge obusumi bwona n'omu bintu byona. MUKAMA abe nainywe inywena. 17Okuraga kunu nkwehandiikire nyenka n'omukono gwange: Ninyowe Paulo. Kanu nuko karorwaho omu bbaruha zange zoona; nukwo mpandiika nti. 18Embabazi za MUKAMA waitu Yesu Kristo ziikalege na inywe inywena.

will be added

X\