2 YOHAANA 1

1Nyowe omukuru, nindamukya Omugole ayakomerwe Ruhanga, hamu n'abaana be aba ngonza omu mazima. Tali nyowe nyenka arukubagonza, baitu na boona abamanyire amazima. 2Ninkuramukya habw'amazima agali omuli itwe kandi agalitwikaramu ebiro byona: 3Emigisa, embabazi, n'obusinge ebiruga hali Ruhanga Isiitwe na hali Yesu Kristo Omwana we, biikalege na itwe omu mazima n'omu ngonzi. 4Nkasemererwa muno okurora abamu ha baana baawe nibahondera amazima nkooku twaragiirwe Ruhanga Isiitwe. 5Hati nu, ninkwesengereza Mugole wange, ntali nk'arukukuhandiikira ekiragiro ekihyaka, baitu eki kyonyini eki twahuliire okuruga kara ekirukugamba ngu, tugonzangane. 6Kandi okugonza nukwo kunu: itwe okukwata ebiragiro bya Ruhanga. Kinu nikyo ekiragiro eki mwahuliire okuruga omu kubanza, ekirukugamba kiti: Mwikale mwina engonzi. 7Abarukubiihabiiha abantu bakanyire omunsi, nubo abo abatarukwikiriza Kristo nkooku yafookere muntu. Weena anyakugamba ati, nuwe mubiihi w'ebisuba kandi munyanzigwa wa Kristo. 8Mwerinde, mutaikara kufeerwa ebi mwakoliire, baitu mutunge empeera enyakuhikire. 9Omuntu weena anyakwekiza ha nyegesa ya Kristo, taba wa Ruhanga; kandi ogu anyakugumira ha nyegesa ye, aina bombi: Isiitwe na Mwana. 10Kakuba omuntu aija nambere muli atarukwegesa nyegesa enu, mutalimutaahya omunju, n'okumuramukya mutalimuramukya. 11Ogu anyakumuramukya buli ateeraine nawe omu bikorwa bye ebibi. 12Noobu ndaba nyina bingi eby'okubahandiikira, tindukwenda kukozesa orupapura na bwino, baitu ninihira kwija kubarora n'okubaza na inywe niturorangana, nukwo okusemererwa kwaitu kuhikirre. 13Abaana b'owanyoko ayakomerwe Ruhanga, nibakuramukya.

will be added

X\