1 ABATEESALONIKA 4

1Eky'okumalirra, bagenzi bange, nitubeesengerereza kandi nitubateererra omu ibara lya MUKAMA Yesu tuti: nkooku mwatwegiireho okuba n'engeso enungi n'okukora ebisiimwa Ruhanga, mweyongere muno, kukira nkooku murukukora hati. 2Mumanyire ebiragiro ebi twabahaire habwa MUKAMA Yesu. 3Ningira kinu nikyo Ruhanga agonza: mube abarukwera, mwetantale obusiihani. 4Buli omu omuli inywe amanye okulema omubiri gwe gwikale nigwera kandi gwina ekitiinisa; 5mutatwarwa okwegomba okw'omubiri nk'abakafiiiri abatamanya Ruhanga. 6Nukwo haleke kubaho muntu weena anyakusobeza mugenzi we akamusiisira oburungi bwe obu, habwokuba MUKAMA nuwe muhoozi w'enzigu omuli ebi byona, nkooku twabahabwire kara nitubakomeetereza. 7Ningira Ruhanga atatwetere eby'obugwagwa, baitu akatwetera oburukwera. 8Weena anyakugaya enyegesa enu, tagaya muntu, baitu agaya Ruhanga anyakubaha Mwoyo we Ahikiriire. 9Baitu ha kigambo ky'okugonza ab'oruganda, timurukwetaaga muntu n'omu kubahandiikira, habwokuba inywe inywenka Ruhanga akabeegesa okugonzangana; 10kandi mazimakwo nimugonza ab'oruganda boona abali omu Makedoniya. Baitu nitubateererra bagenzi baitu, mweyongere muno okukora muti. 11Muteho omutima kwikara mutaina bwogo, mwekambire emirimo yanyu, kandi mukole n'emikono yanyu nkooku twabahabwire, 12nukwo abantu b'aheeru babahe akitiinisa, kandi mwemale inywenka mutarukukwatirirwa muntu n'omu. 13Bagenzi bange, tirurukwenda inywe okutamanya ha by'abaagwijagiire nukwo muleke kusaalirwa nk'abandi abataina kunihira oku basaalirwa. 14Baitu obu turaaba nitwikiriza Yesu nkooku yafiire kandi yahumbuuka, nukwo n'abo abaagwijagiriire omu Yesu, Ruhanga alibaleeta hamu nawe obu aligaruka. 15Ka tubaijukye MUKAMA ngu, itwe aboomire abaliba baroho MUKAMA haaligarukira, titulibanza abo abaagwijagiire. 16Habwokuba MUKAMA wonyini alisirimuka naaruga omwiguru, naaragira n'iraka ery'obusobozi, na mukuru wa bamalaika aliba naayamirra, kandi n'engwara ya Ruhanga eriba neegamba. Nubwo abaafeeriire omu Kristo balibanza kuhumbuuka. 17Hanyuma na itwe aboomiire abaliba bakyaroho, tulitwarwa hamu nabo omu bicu okutangirra MUKAMA omu mwanya; nukwo tuliikara tuti nawe ebiro byona. 18Nahabweki muhuumuzangane n'ebigambo ebi.

will be added

X\