1 YOHAANA 3

1Murole Isiitwe nkooku yatugondeze, itwe okwetwa baana ba Ruhanga, kandi nukwo tuli. Nikyo ensi etarukutumanyira, habwokuba nawe etamumanye. 2Abagonzibwa, hati tuli baana ba Ruhanga; tikikamanyirwe nkooku tuliba, baitu nitumanya Kristo obu alizooka, nitwija kumusisana habwokuba tulimurora nkooku ali. 3Kandi weena arukumwesiga, ayeyeza, Kristo nkooku yayeziibwe. 4Weena anyakukora ekibi, aba n'omusango ogw'okucwa Ebiragiro bya Ruhanga, habwokuba kukora ekibi nukwo kucwa Ebiragiro. 5Mumanyire Kristo eki yaiziriire, nukwo kwihaho ebibi, kandi omuli uwe tiharumu kibi. 6Busaho n'omu anyakwikara omuli uwe akyakora ekibi; kandi weena anyakukora ekibi buli takamubonaga kandi takamumanyaga. 7Baana bange, mutaikiriza muntu n'omu kubahabisa! Ogu anyakukora ebihikire, nawe ahikiriire nka Kristo oku ahikiriire. 8Ogu anyakukora ekibi, aba wa sitaani; habwokuba Sitaani akakora ebibi kuruga kara. Ekyaleesire Omwana wa Ruhanga, nukwo kuhwerekereza byona sitaani ebi akora. 9Busaho n'omu ayazairwe Ruhanga aikara naakora ebibi ningira obwomeezi bwa Ruhanga bwikara omuli uwe, kandi tasobora kukora ekibi habwokuba akazaarwa Ruhanga. 10Aho abaana ba Ruhanga n'abaana ba Sitaani nuho bamanyirwa: Weena anyakukora ekitahikire, tali wa Ruhanga kandi ogu atagonza mugenzi we, nawe tali wa Ruhanga. 11Ekigambo eki mwahuliire okuruga kara nikyo kinu: Tugonzangane. 12Tuleke kusisana Kaini ow'akaba ali w'Omubi, kandi yaita mugenzi we. Akamwitira ki? Habwokuba ebikorwa bye bikaba biri bibi, baitu eby' owanyina bikaba biri birungi. 13Bagenzi bange, kitabahuniriza okurora ensi neebanoba. 14Itwe tumanyire nkooku twarugire omu rufu, twataaha omu bwomeezi, habwokuba nitugonza bagenzi baitu. Ogu atagira ngonzi, aikara afiire. 15Weena anyakunoba mugenzi we aba mwisi, kandi nimumanya nkooku hataroho mwisi anyakwina obwomeezi obutahwaho omuli uwe. 16Aho nuho turukumanyira engonzi nkooku ziri, habwokuba Kristo akahayo obwomeezi bwe habwaitu; na itwe kituhikiriire kuhayo obwomeezi bwaitu habwa bagenzi baitu. 17Kakuba omuntu aba atungire ebintu by'ensi, kandi akarora mugenzi we aina eki arukwetaaga, akanga kumugirra embabazi, ogu asobora ata kugira ngu, naagonza Ruhanga? 18Baana bange, okugonza kwaitu kuleke kuba kw'akalimi rundi kwa ha minwa, baitu kuzooke omu bikorwa n'omu mazima. 19Aho nuho turaamanyira nkooku tuli b'amazima, kandi emitima yaitu nkooku eriteekana omumaiso ga Ruhanga. 20Emitima yaitu noobu etujunaana eta, baitu twikale nitumanya Ruhanga nkooku ali mukuru kukira omutima ebi gurukutujunaana, kandi naamanya ebintu byona. 21Abagonzibwa, kakuba emitima yaitu etatucwera musango, buli titwina eky'okutiina omumaiso ga Ruhanga. 22Kyona eki tumusaba akituha, habwokuba tukwata ebiragiro bye kandi tukora ebi asiima. 23Kinu nikyo kiragiro kye ekigamba kiti: Kituhikiriire okwikiriza Omwana we Yesu Kristo kandi na itwe okugonzangana, Kristo nkooku yaturagiire. 24Boona abakwata Ebiragiro bya Ruhanga baikara omuli Kristo nawe aikara omuli bo. Mwoyo ou yatuhaire, nuwe atumanyisa Kristo nkooku aikara omuli itwe.

will be added

X\