1 YOHAANA 1

1Nitubahandiikira ha bya Kigambo ky'obwomeezi ow'akaba aroho kuruga okubanza, ou twahuliireho, ou twarozire n'amaiso gaitu, kandi ou twayetegeriize twamukwataho n'engaro zaitu. 2Obwomeezi obu bukoolekwa, twaburora, tuli bakaiso babwo; kandi na inywe nitubarangirra obwomeezi obu obutahwaho, obukaba buli owa isiitwe, baitu hati butwolekerwe. 3Eki twarozire kandi twahuliire, na inywe nikyo turukubarangirra, nukwo musobole kuteerana na itwe; kandi okuteerana kwaitu kuli omu Isiitwe hamu n'Omwana we Yesu Kristo. 4Binu nitubibahandiikira nukwo musobole kusemerererwa kimu. 5Ganu nugo makuru aga twahuliire Omwana we naagamba, kandi nugo turukubarangirra tuti: Ruhanga aba musana kandi omuli Uwe tiharumu mwirima naakake. 6Kakuba tugamba tuti: Nituteerana nawe, kandi kunu nitugendera omu mwirima, buli nitubiiha ebisuba n'engeso zaitu tiziri z'amazima. 7Baitu obu tuba nitugendera omu musana, Uwe nkooku ali musana, buli na itwe tuteeraine hamu, kandi esagama y'Omwana we Yesu etwogyaho buli kibi kyona. 8Kakuba tugamba tuti: Titwina kibi, buli nitwebiiha itwenka kandi tuba tutali b'amazima. 9Kakuba twatura ebibi byaitu, Ruhanga aba mwesigwa kandi mwinganiza, naija kubituganyira atwogyeho ebitahikire byona. 10kakuba tugamba tuti: Titukasiisaga, tuba nitumufoora mubiihi w'ebisuba kandi n'ekigambo kye tikiri omuli itwe.

will be added

X\