Matthew 1

1Okutondoora akarande k'obuzaare bwa Yesu Kristo, mwene Daudi, mwene Aburahamu. 2Aburahamu akazaara Isaaka, Isaaka yaazaara Yakobo, Yakobo yaazaara Yuda n'abarumuna, 3Yuda yaazaara Perezi na Zeera ahari Tamari, Perezi yaazaara Hezirooni, Hezirooni yaazaara Ramu, 4Ramu yaazaara Aminadabu, Aminadabu yaazaara Nahashooni, Nahashooni yaazaara Saalimoni, 5Saalimoni yaazaara Boazi ahari Rahabu, Boazi yaazaara Obedi ahari Ruuti, Obedi yaazaara Yese, 6kandi Yese yaazaara Daudi omugabe. Daudi akazaara Solomooni ahari muka Uriya, 7Solomooni yaazaara Rehoboamu, Rehoboamu yaazaara Abiya, Abiya yaazaara Asa, 8Asa yaazaara Yehoshafaati, Yehoshafaati yaazaara Yoramu, Yoramu yaazaara Uziya, 9Uziya yaazaara Yotamu, Yotamu yaazaara Ahazi, Ahazi yaazaara Hezekiya, 10Hezekiya yaazaara Manaase, Manaase yaazaara Amosi, 11Amosi yaazaara Yosiya, kandi Yosiya yaazaara Yekoniya n'abarumuna omu biro by'okutwarwa Babulooni bari enkwatwa. 12Bwanyima y'okutwarwa Babulooni, Yekoniya akazaara Sheyalitieli, Shealitieli yaazaara Zerubabeeli, 13Zerubabeeli yaazaara Abiudi, Abiudi yaazaara Eliyakimu, Eliyakimu yaazaara Azoori, 14Azoori yaazaara Zadoki, Zadoki yaazaara Akimu, Akimu yaazaara Eliudi, 15Eliudi yaazaara Eleazaari, Eleazaari yaazara Mataani, Mataani yaazaara Yakobo, 16kandi Yakobo yaazaara Yosefu, iba wa Mariya nyina wa Yesu orikwetwa Kristo. 17N'ahabw'ekyo enzaaro za baishenkurubo zikakuratana ziti: ikumi na ina okwiha ahari Aburahamu okuhitsya ahari Daudi, ikumi na ina okwiha ahari Daudi okuhitsya aha kutwarwa Babulooni bari enkwatwa; kandi ikumi na ina okwiha aha kutwarwa Babulooni bari enkwatwa okuhitsya ahari Kristo. 18Oku nikwo Yesu Kristo yaazairwe. Mariya nyina akaba naagambwa Yosefu obugyenyi. Ku yaabaire atakamutaahize, yaareebwa aine enda ahabwa Mutima Orikwera. 19Yosefu iba, ahabw'okuba omuntu ohikiriire, tiyaayenda kumuhemura, yaacuma enaama y'okwita obugyenyi bwesherekye. 20Ku yaabaire akiri omu mitima y'okukikora, maraika wa Nyakubaho yaamubonekyera omu kirooto, yaamugira ati: Yosefu mwene Daudi, otatiina kutwara Mariya owaawe kuba omukazi waawe, ahabw'okuba enda ei abakire n'ahabwa Mutima Orikwera. 21Aryazaara omwana omwojo, omwete Yesu, ahabw'okuba niwe arijuna abantu be ebibi byabo. 22Ebyo byona bikabaho kuhikiiriza ebi Nyakubaho yaagambiise omurangi ati: 23Reeba, omwishiki oshugaine aryabaka enda, azaare omwana omwojo, eiziina rye aryayetwa Emanueli, (eririkumanyisa ngu Ruhanga ari hamwe naitwe). 24Yosefu ku yaasisiimukire, yaakora nk'oku maraika yaamuragiire; yaataasya omukazi we, 25kwonka tiyaateerana nawe okuhitsya obu onu yaazaire omwana omwojo; haza Yosefu yaayeta ogwo mwana Yesu.

will be added

X\