2 Peter 1

1Nyowe, Simooni Petero, omuheereza kandi entumwa ya Yesu Kristo, nimbahandiikira imwe abaatungire okwikiriza kw'obuguzi bwingi nk'okwaitu, nimukwiha mu kuhikiirira kwa Ruhanga waitu kandi Omujuni waitu Yesu Kristo. 2Emigisha n'obusingye nibikakanye omuriimwe, nimumanya Ruhanga na Yesu Mukama waitu. 3Mukama waitu ogwo, ahabw'amaani ge g'obwaruhanga, akatuha ebintu byona ebikwatiraine n'amagara n'okutiina Ruhanga, yaabituheera omu kumanya ogwo owaatwetsire kubagana aha kitiinwa kye n'aha burungi bwe. 4Ebyo nibyo yaatuheerairemu ebiraganiso by'obuguzi bwingi kandi ebikuru, ngu ahabwabyo mubone kukira okusiisikara kw'omu nsi, okureetwa okwetenga okubi, kandi mube abarikubagana nawe obwaruhanga bwe. 5N'ahabw'ekyo muteho munonga omutima kwongyera aha kwikiriza kwanyu emicwe mirungi, n'aha micwe mirungi okwetegyereza, 6n'aha kwetegyereza okwerinda, n'aha kwerinda okuhama, n'aha kuhama okutiina Ruhanga, 7n'aha kushongoka ahari Ruhanga mwongyereho okukundana, n'aha kukundana mwongyereho rukundo. 8Haza ebyo ku murikubigira byashaagaana, nibibatambira okuba abataine mugasho nari abatarikwana, kureka nibibahitsya aha kumanyira kimwe Mukama waitu Yesu Kristo. 9Manya weena obuzirweho ebyo, biri n'empumi erikureebera hagufu, kandi ayebirwe ku yaayogiibweho ebibi bye ebya ira. 10N'ahabw'ekyo beene Taata, mwongyere kugira omuhimbo gw'okuhamya okwetwa kwanyu n'okutooranwa kwanyu. Manya ku murikutwaza mutyo, timurigira bu mugwire; 11kandi muryaikiririzibwa kimwe kutaaha omu bukama obutahwaho obwa Mukama waitu kandi Omujuni waitu Yesu Kristo. 12Nikyo ntuura niinyendera kubaijutsya ebyo bigambo, nobu muraabe nimubimanya, kandi muhamiire omu mazima agu mwatungire. 13Ninteekateeka ngu kihikire, naaba nkiine ogu mubiri, kuguma nimbateera omuhimbo nimbibaijutsya; 14ahabw'okuba nimmanya ku ndangariire kujuura ogu mubiri gwangye, nk'oku Mukama waitu Yesu Kristo yangambiire. 15Kandi niinyija kutaho omutima kureeba ngu ku ndiheza kufa, mubone kuguma nimweijutsya ebyo bintu ahi biraayetengyerwe hoona. 16Obu twabamanyisa eby'obushoboorozi bwa Mukama waitu Yesu Kristo n'okureebeka kwe, bikaba bitari bigano ebigunzirwe obwengye bw'abantu, kureka tukeereebera n'agaitu ekitiinwa kye ky'obukama. 17Manya Ruhanga Taata akamuha ekitiinwa n'okuhimbisibwa, kandi n'eiraka rikamwizira niriruga omu kitiinwa kikuru ekya Ruhanga, nirigira riti: Ogu niwe Mwana wangye ou nkunda, kandi ou nshemerererwa munonga. 18Eryo iraka tukarihurira niryema omu iguru, ahabw'okuba tukaba turi hamwe nawe aha rushozi orurikwera. 19N'ahabw'ekyo twine ekigambo ky'oburangi ekihamire okukiraho. Nimwija kukora gye mwakitaho omutima, nk'oku baguta aha itabaaza ririkwakira ah'omwirima guri, okuhitsya obu omushekye gurijuguta, n'enyonyoozi y'omu busheeshe ekabonekyera omu mitima yaanyu. 20Eky'okubanza mushemereire kumanya eki, ku hatariho burangi bw'omu Byahandiikirwe obu omuntu ashoboorora wenka ahabwe. 21Manya tihakabahoga burangi obu omuntu areeteekateekyeire, kureka abantu bakaba bagamba ebirugire ahari Ruhanga, nibabigambisibwa Mutima Orikwera.

will be added

X\