1 Timothy 5

1Otarikabukira omushaija mukuru, kureka omwehanangirize nka sho. Abatsigazi obatwaze nka barumuna baawe; 2abakazi bakuru obatwaze nka baanyoko; n'abakazi bato nka banyaanyoko, obaineho omutima gwezire. 3Abafaakazi, enfaakazi buzima, obahe ekitiinwa. 4Omufaakazi ku araabe aine abaana nari abaijukuru, bashemereire kubanza kwega ebi ediini erikubaragiira kukorera eka yaabo, n'okuzimuurira abazaire baabo; ahabw'okuba ekyo nikisiimwa Ruhanga. 5Omufaakazi buzima, otsigaire wenka, aba ataire amatsiko ahari Ruhanga, haza aguma naayeshengyereza kandi naashaba nyomushana na nyekiro. 6Kwonka ogwo oyemarira omu kwejaramya, aba afiire, nobu aba akihuriire. 7Ekyo okibagambire, barekye kugira eki barikuhaahuuzibwa. 8Omuntu weena otarikuha baabo eby'okubatunga, na munonga ab'omu ka ye, biri aba ayehakaine enyikiriza, kandi aba ari mubi okukira otarikwikiriza. 9Hatarigira omufaakazi owaahandiikwa atakahikize myaka makumi mukaaga y'obukuru, kandi abe ari owaashweirwe omushaija omwe. 10Ashemereire hoona kwetegyerezibwa yaaba aine ebirungi ebi akora, nk'okushangwa yaayoroire gye abaana be, akakunira abagyenyi, akanaabisa abarikwera ebigyere, akahwera abari omu busaasi; kandi abe yaayehaireyo kukora ebirungi omu muringo gwona. 11Kwonka guma oyangye kuhandiika abafaakazi bato omu rubu rw'abafaakazi, ahabw'okuba omubiri ku gubaremesa kweheerayo kimwe ahari Kristo, benda kugaruka kushwerwa. 12Batyo beeshombera orubanja ahabw'okwita okuhiga kwabo okw'okubanza. 13N'ekindi, bagira omuze gw'okutagira ki barikukora, baguma nibabungyeera omu maka, kandi ti kutagira ky'okukora kyonka, bataho n'okubuzya orukuru, nibeetaasya omu bitari byabo, nibagamba ebi batakugambire. 14N'ahabw'ekyo, nkaayenzire abafaakazi bato bashwerwe, bazaare abaana, bareeberere amaka gaabo, barekye kuha abazigu obwiho bw'okutugambaho kubi. 15Manya abamwe omuribo baateishukire nibakuratira Sitaane. 16Omuntu weena omwikiriza, ku yaakuba aine abanyabuzaare abafaakazi, abe niwe yaabahwera, ekigombe ky'abaikiriza kirekye kuremeererwa, haza kibone kuhwera abafaakazi emburaburirwa. 17Abakuru abarikutegyeka gye, ka bagume bamanywe ku bashemereire kwihurwa kabiri, na munonga abarikwecurenga nibarangirira kandi nibeegyesa. 18Manya ekyahandiikirwe nikigira kiti: Otariboha akanwa k'endaaho neejunga obushiisha; kandi kiti: Omukozi ashemereire ebihembo bye. 19Otariikiriza omukuru kutabaarizibwa, kureka haaba hariho baamushinja babiri nari bashatu. 20Kandi abagangaarira omu kibi, guma obahanire omu maisho g'abantu, abandi bantu babone kutiina. 21Omu maisho ga Ruhanga n'aga Kristo Yesu n'aga baamaraika abarikwera, ninkuragiira ku oguma noorinda ebyo biragiro, otaine ou orikutetsa, nobu kwakuba okukora ekintu kyona noogwera orubaju. 22Otarirahukiiriza kuta emikono aha muntu, nari okukwatanisa n'omuntu ondi omu bibi; iwe ogume nooyera. 23Rekyera aho kunywa amaizi gonka, kureka onywe viino nkye, ahabw'enda yaawe n'okurwaraguzibwa kwawe. 24Ebibi by'abantu bamwe bireebwa butunu, bitakabahikize ha kucwerwa orubanja, kwonka eby'abandi bireebwa bwanyima. 25Kandi n'ebirungi ebikorwa, nabyo bireebwa butunu, nangwa nobu biba bitakareebirwe, tibibaasa kuguma bisherekirwe.

will be added

X\