Matiee 1

1Nyɔ -lue ʋn-ʋ 'la'a Zezii, -ɔ 'ma-a -Lagɔ'ɔ 'Bhozayi -ɔ 'pʋʋn'a nyʋ, 'ɔ -glɩgbawɔnyi'a ''na ''we'a 'nynɩ 'ka-a: Ɔ-ɔ 'mo-o Ablaamʋ -ke Daviidɩ'a ''nayu. 2Ablaamʋ 'wlʋ'o Izaakɩ, Izaakɩ 'wlʋ'o Zakɔɔpʋ, Zakɔɔpʋ 'wlʋ'o Zidaa -ke 'ɔ 'lotʋ'a ''nynuu. 3Zidaa 'wlʋ'o Falɛsɩ -ke -Zalaa -nɩ 'sɔn, 'le Tamaa ''du'o 'wa 'lotʋ, Falɛsɩ 'ye Ɛsɩlɔmʋ 'wlʋ 'le Ɛsɩlɔmʋ 'ye Alaamʋ 'wlʋ. 4Alaamʋ 'wlʋ'o Aminadabʋ, Aminadabʋ 'wlʋ'o Nasɔɔ 'le Nasɔɔ 'ye Salɩmɔɔ 'wlʋ. 5Salɩmɔɔ 'wlʋ'o Bʋazɩ 'le Raabʋ ''du'o 'ɔ 'lotʋ; Bʋazɩ 'wlʋ'o Obɛdɩ 'le Wlutɩ ''du'o 'ɔ 'lotʋ. Obɛdɩ 'wlʋ'o Izayii. 6Izayii 'wlʋ'o Daviidɩ -ɔ 'ma-a 'bhlʋkpayowliklagba. Daviidɩ 'wlʋ'o Salomɔɔ. 'Ɔ 'lotʋ-ʋ 'mo-o Ulii'a -dɩgbanynaakpʋ. 7Salomɔɔ 'wlʋ'o Wlʋbʋamʋ, Wlʋbʋamʋ 'wlʋ'o Abia, 8Abia 'wlʋ'o Azafʋ, Azafʋ 'wlʋ'o Zozafaa, Zozafaa 'wlʋ'o Zolaamʋ, Zolaamʋ 'wlʋ'o Oziasɩ, 9Oziasɩ 'wlʋ'o Zʋatamʋ, Zʋatamʋ 'wlʋ'o Akaazɩ, Akaazɩ 'wlʋ'o Ezekiasɩ, 10Ezekiasɩ 'wlʋ'o Manasee, Manasee 'wlʋ'o Amɔɔ, Amɔɔ 'wlʋ'o Zoziasɩ, 11Zoziasɩ 'wlʋ'o Zekoniasɩ -ke 'ɔ 'lotʋ'a ''nynuu. -Nɔɔ -ke ti ʋn kpʋn'a Izrayɛɛlɩkɔmʋ, ʋn 'ye 'ʋ Babilɔɔnʋ kpa, 'bho-o mo'o. 12Izrayɛɛlɩkɔmʋ nyni'a Babilɔɔnʋ, -nɔɔ -lrɛɛ zi'a, 'le Zekoniasɩ 'ye Salatiɛlɩ 'wlʋ. Salatiɛlɩ 'wlʋ'o Zolobabɛlɩ, 13Zolobabɛlɩ 'wlʋ'o Abiyudɩ, Abiyudɩ 'wlʋ'o Eliakimʋ, Eliakimʋ 'wlʋ'o Azɔlʋ, 14Azɔlʋ 'wlʋ'o Sadokɩ, Sadokɩ 'wlʋ'o Akimʋ, Akimʋ 'wlʋ'o Eliudɩ, 15Eliudɩ 'wlʋ'o Eliazaa, Eliazaa 'wlʋ'o Mataa, Mataa 'wlʋ'o Zakɔɔpʋ, 16Zakɔɔpʋ 'wlʋ'o 'Zɩzɛɛfʋ. Malii -ʋ 'wlʋ'a Zezii ʋn-ʋ 'la'a -Lagɔ'ɔ 'Bhozayi -ɔ 'pʋʋn'a nyʋ, 'wa nyimiɛ ɔ ''du'o. 17-Ɛ 'wlʋ'a 'bho Ablaamʋ ''kpi, ''na ''we'a ''na kpɛ -bue 'yɔ nyiɛ-ɛ zi'o 'le ɛ 'ye Daviidɩ -yɛ. -Ɛ 'wlʋ'a 'bho Daviidɩ ''kpi ɛ 'ke -nɔɔ -ke ti Izrayɛɛlɩkɔmʋ'a Babilɔɔnʋ'a -nɩnɩa -yɛ ɛ, ''na ''we'a ''na kpɛ -bue 'yɔ nyiɛ-ɛ ka'a wɔn. 'Wlʋ 'bho 'le ɛ 'ke -Lagɔ'ɔ 'Bhozayi -ɔ 'pʋʋn'a nyʋ, 'ɔ 'wlʋwlʋnɔɔ ''kpi bhla, ''na ''we'a ''na -zakpɩ -bue 'yɔ nyiɛ -lrɩɩ-ɩ -nɩ'e 'bho. 18A -gblee, -ka Zezii Kliisɩ 'wlʋwlʋ'a 'mʋti, 'kla-a 'ka-a: 'Ɔ 'lotʋ, Malii 'mo-o 'Zɩzɛɛfʋ'a wɔnbha. -Da ʋn -ke ɔ -see'a -dalue ti-de ke a, 'bho-o ʋn 'bhle -nɩ'e -nɩgblaa. Ʋn 'ka -nɩgblaa 'bhle a, -Lagɔ'ɔ Lisaazuzu 'dree 'nʋ-ʋ 'mʋ ti. 19-Ka ɛ ''du -nɩ'a -Lagɔ'ɔ Lisaazuzu'a wɔnkuɛ 'mʋ ʋn 'bhle -nɩ ɛ-bɛ -nɩgblaa 'mnɛ, 'wa wɔnbha 'Zɩzɛɛfʋ -mnɔɔ se ɩ yibo. 'Ɔ dɩlikpʋnkamʋ ɔ -see 'ybha ɔ 'ke ʋ gbɔ-za 'bho nyʋ 'wee'a ''yigbeyi. Ɔ 'bɔ-ɔ ti ɔ -ke ʋn 'ke 'le ''zizekwla 'mʋ ''yrilisʋsɔ -nɩ. 20Ɔ-ɔ popo'a 'tɔ -kaa 'gwlʋti a, 'le -Lagɔ gbo'a -dalbhoyi -lue 'ye ɔ -bodɩ yi 'le ya 'mʋ. Ɔ na: Daviidɩ'a ''nayu, 'Zɩzɛɛfʋ, -a'a -pɔlʋ'a 'kɔlʋ -nɩ Malii'a ''kpi -le! ''Luo nʋ 'mʋ, -ɩn 'ke ʋ kpa, -ɛkedɩmaa, 'le -Lagɔ'ɔ Lisaazuzu'a wɔnkuɛ 'mʋ, 'le-e ʋn-ʋ fuo nɩ'e ''yu wɔn. 21Ʋn-ʋ 'ye-e ''yunyukpasu 'wlʋ -mʋ 'le -ɩn 'ke ɔ Zezii 'nynɩ ''duu. Ɔbɔ 'mnɔ, 'ɩnnɔ 'ye 'ɔ nyʋ 'pʋʋn mʋ 'le 'wa ''nyinynidɩ 'mʋ 'bho -a'ba -Kɔyi -Lagɔ'ɔ ''yigbeyi. 22A -gblee, -ka -a'ba -Kɔyi 'mnɔ 'lɛ 'ka 'ɔ wlu'a 'mʋtizayi ʋn-ʋ 'la'a Ezayii ''yi see, 'ɛ ''yri'a 'bɩ-ɩ 'wlʋ'o -daa. Ɔ naq 23'Nynaakpʋdraa-a se'a nyukpasu yibo tukutuku, ʋn-ʋ 'ye-e -nɩgblaa 'bhle -mʋ, 'le, ''yu ʋn-ʋ 'ye'a 'wlʋ mʋ a, ʋn 'ke ɔ Emanuɛlɩ 'la. 'Ɛ 'zɔ-ɔ 'mo-o: -A -ke -Lagɔ -na'o. 24'Zɩzɛɛfʋ nʋ'a -kaa, ɔ -sɔ'ɔ-ɔ ''nynɔɔ 'mʋ. -Ka -Lagɔ gbo'a -dalbhoyi 'lɛ'ɛ 'tɩn, 'ka-a ɔ nʋ'o 'le ɔ 'ye 'le Malii jri kpakpakamʋ. 25Ɩ zi'a -kaa a, ɔ -fuo 'nʋ-ʋ wɔn -kpayɩ! ʋn 'ye -gba. Ʋn 'wlʋ'a ɔ-bɔ ''yu 'mnɔ 'le ɔ 'ye ɔ 'nynɩ ''duu. Ɔ 'lɔ ɔ Zezii-ɔ, -yrɔzaa, 'le ɔ -ke Malii 'ye linyinyni.

will be added

X\