Romantena 9

1Nombii na anokoare yaa mee kolosi fa ŋon nɛ. Ka te yɛɛ dekara ya nawolo nyi me yɛɛ Kristo kpilale e. Wurubuarɛ feliŋ ŋon ↄ doo me man nɛ ne di maŋ adansɛɛ nyi me konↄↄ man nombii kei yɛɛ anokoare. 2Dana maŋ waraŋase te na wee maŋ nideli, lee me tebia Gyudatena baŋ daa na wↄ yɛɛ fatabo dokoloŋ te bↄↄ bɛɛ nyi bↄↄ lɛɛ Kristo di ya nɛ dↄↄ. 3Nyi ke yɛɛ kpene keŋ ke gyae ke de nyi Wurubuarɛ waa falaa maŋ na daa na Kristo nsana ke tira, na me tebia Iseraetena kenyiŋ nyiŋ nyeedoŋ na nafↄ me gyae. 4Iseraetena yɛna balaŋ baŋ Wurubuarɛ ba lese wↄ te ↄ ba mo wↄ yɛɛ ↄ bia. Wurubuarɛ lese ↄ gyoorobiiri wola wↄ te ↄ yakowↄ see nyi waa hiraa wↄ. Ↄ moo ↄ mmaraase ŋan fa wↄ, te ↄ wola wↄ gbɛɛ kpaakpaate keŋ baa mo som e. Kɛŋa wↄle na Wurubuarɛ besewↄ yako see nyi, waa mo abↄↄ kpaakpaa burum ŋaale mↄ kpu wↄ. 5Iseraetena kɛwↄ man te Wurubuarɛ balaŋ tuturu baŋ bↄↄ kyaa kaalaŋ nɛ leewↄ. Kalola man na, Yesu Kristo mↄ lee Iseraetena duuluŋ man te ŋon yɛna kpene kamasɛ nyee. Wurubuarɛ te kaboena nyi baa lese ↄ yele kekpaakekpaa Amɛn. 6Kei bɛɛ wolo nyi abↄↄ ŋan Wurubuarɛ be yako see nyi waa yɛɛ fa Iseraetena nɛ, ↄ te yɛɛ kina ya. Nawolo nyi na balaŋ baŋ pou bↄↄ lee Iserae nɛ yɛna Wurubuarɛ balaŋ gbagba ya. 7Mena mↄ te na balaŋ baŋ pou bↄↄ lee Aberaham duuluŋ man nɛ yɛna Aberaham bia gbagba Wurubuarɛ siaman ya. Nawolo nyi Wurubuarɛ yako Aberaham nyiaa, "Asiki man te n duuluŋ man balaŋ gbagba baŋ baa lee." 8Kei nawolo baa nyiaa, na bia baŋ pou Aberaham ba lolo nɛ yɛna Wurubuarɛ bia gbagba ya. Mↄna baŋ Wurubuarɛ be yako see pɛte Aberaham ba lola wↄ nɛ, baŋ yɛna Aberaham duuluŋ man balaŋ gbagba. 9Nawolo nyi nombia ŋan Wurubuarɛ be yako see fa Aberaham yɛna nyiaa, "Ŋaale kala debaŋ kei me kaa bese kↄŋ na, n wɛɛle Saara ta lola bu baale." 10Na nombii kei kaageŋ ya. Mↄna Rebeka lola bia baala bala, te be popou be kya yɛna de naana Asiki. 11Pɛte Rebeka ka lola bia kɛwↄ na be kaa bee gyeŋ kolo kpaakpaa na kolo kum nɛ, na Wurubuarɛ wulaa yako ba wose man nombia see nyiaa, "Kegyia ŋon waa kaa som kemaasa ŋon." Kpene keŋ dↄↄ Wurubuarɛ be yɛɛ mena yɛna nyi, ↄ ne gyae balaŋ ka gyeŋ nyi te yɛɛ nyi ŋolo tom keŋ ↄ ne yɛɛ nɛ dↄↄ te ŋon Wurubuarɛ na lese ↄtenate mo e yɛɛ ↄ wui ya. Mↄna Wurubuarɛ na lese walaŋ bo lee ŋon gbagba kegyaebii man. 13Mena ke te be yakowↄ Wurubuarɛ nombia aŋmaraseŋ see ŋan man nyiaa, "Gyekↄpo te ma lesewↄ, te me tinaa Esawu yela." 14Nɛnɛɛ sena yaa dɛɛ yako lee nombia kɛŋa man? Kei nawolo baa nyi Wurubuarɛ nombia be doo na ke gbɛɛ yee? Korakora, be doo mena ya. 15Nawolo nyi Wurubuarɛ wulaa yako Mosesi leenaŋ gyaŋgba gyaŋgba keŋ nyiaa, "Balaŋ baŋ mɛɛ gyae nyi maa wii be waraŋase na, baŋ te maa wii be waraŋase. Te balaŋ baŋ mɛɛ gyae nyi maa nyiŋ konↄↄ fa wↄ na, baŋ te maa nyiŋ konↄↄ fa." 16Mena dↄↄ nyi Wurubuarɛ da lese ŋolo na, te yɛɛ nyi ↄtenate kegyaebii yaa ↄ tom keŋ ↄ ne yɛɛ nɛ dↄↄ ya, mↄna keŋ Wurubuarɛ gbagba be wii ↄtenate waraŋase dↄↄ te ↄ lese e. 17Nawolo nyi Wurubuarɛ yakowↄ ↄ nombia aŋmaraseŋ see ŋan man lee Igyipite gyoo Faaro wose man nyiaa, "Kpene keŋ dↄↄ te mↄↄ see neŋ gyoori yɛna nyi, mɛɛ gyae nyi maa ta n dↄↄ lese me doŋ wola na tɛɛle kei dↄↄ balaŋ pou kenyiŋ nyii ma yele." 18Mena dↄↄ da te naa nyi akpaa Wurubuarɛ ne gyae nyi waa wii balaŋ waraŋase na ↄ ne wii be waraŋase, te akpaa ↄ ne gyae nyi balaŋ ke yɛɛ konↄↄyuŋ na ↄ ne yeli bɛɛ yɛɛ konↄↄyuŋ. 19Ɛ man ŋolo waa tale bↄↄse nyiaa, "Nyi akpaa mena te doo na, weera dↄↄ te Wurubuarɛ ne bu balaŋ fↄↄ lee be nombiakumɛɛ keyɛɛ dↄↄ? Te amↄte ne gyae la waa tale kyɛɛkee Wurubuarɛ kegyaebii?" 20Mɛɛ bↄↄse ŋon baa nyiaa, deniwalaŋ yɛna amↄte keŋ waa tale ŋon na Wurubuarɛ ke wↄŋee nombia? Osuŋ gyae ke tale bↄↄse walaŋ ŋon ↄ be ma ke nɛ nyi, "Weera dↄↄ te n maa maŋ nnɛ?" 21Kei be tale kↄŋ mena ya, nawolo nyi walaŋ ŋon ↄ ne ma osuŋse nɛ waa tale mo tɛɛle degbaŋ dokoloŋ ma osuŋ kpaakpaate. Mena mↄ te waa tale mo tɛɛle degbaŋ dokoloŋ kenaŋ ma osuŋ yakaate. 22Mena ke te Wurubuarɛ mↄ doo. Nafↄ ↄ ne gyae nyi waa lese ↄ baŋ wola na balaŋ kena nyi ↄ dana doŋ. Mↄna ↄ ne nyiŋ konↄↄ nideli fa baŋ ↄ ba gyeŋ baŋ be dↄↄ nɛ. Nafↄ kaboena nyi waa wↄlɛɛ mena balaŋ benaŋ kekpaakekpaa. 23Wurubuarɛ nyiŋa konↄↄ fa daa baŋ ↄ ne gyae nyi waa nyiŋ konↄↄ fa nɛ, nawolo nyi ↄ ne gyae nyi waa lese ↄ gyoorobiiri dinaa keŋ wola balaŋ baŋ ↄ be wulaa lese wↄ see nyi baa kaa di gyoori kpu na e nɛ. 24Mena balaŋ benaŋ yɛna daa baŋ ↄ be baake nɛ. Te na de popou mↄ yɛna Gyudatena ya, mↄna baale mↄ lee yenaase. 25Wurubuarɛ yako mena nombia kɛŋa ↄ dekpeŋkpeŋgyↄↄre Hosea tↄne man nyiaa, "Balaŋ baŋ nafↄ ba te yɛɛ me balaŋwↄ ya nɛ, maa baake wↄ nyi me balaŋ. Te balaŋ baŋ nafↄ mↄↄ ne gyae wↄ ya nɛ, baa kaa yɛɛ me balaŋ baŋ mɛɛ gyae." 26Mena mↄ te, "Botↄↄ keŋ nafↄ bɛɛ yako wↄ nyi ba te yɛɛ me balaŋwↄ ya nɛ, botↄↄtena te baa kaa baake nyi Wurubuarɛ ŋon ↄ kyaa kekpaakekpaa nɛ bia." 27Wurubuarɛ dekpeŋkpeŋgyↄↄre Yesaya mↄ gyↄↄ dekpeŋkpeŋ yako lee Iseraetena wose man nyiaa, "Doo nyi Iseraetena boe ŋgba ɛpo nↄↄman aŋasa nɛ, mↄna be man balaŋ kyomii baale te Wurubuarɛ waa lɛɛ ba nyee. 28Nawolo nyi be gyae ke kyare ya, de Gbeŋgyoo Wurubuarɛ waa di tɛɛle kei dↄↄ balaŋ pou nombia karatetee dokoloŋ." 29Wurubuarɛ dekpeŋkpeŋgyↄↄre Yesaya mↄ yako mena nombii kei kaalaŋ nyiaa, "Nafↄ Wurubuarɛ doŋte ŋon deŋ te kaase de duuluŋ man balaŋ kyomii baale see ya nɛ, nafↄ de popou deŋ munuwↄ ŋgba mena keŋ Sodom na Gomora donↄↄse na ŋe man balaŋ pou be munu nɛ." 30Lee mena dↄↄ kpene keŋ mɛɛ gyae maa yako yɛna nyi balaŋ baŋ ba te yɛɛ Gyudatenawↄ ya nɛ, nafↄ ba te yase be sia nyi baa yela be gbɛɛneŋ ka tenee Wurubuarɛ siaman ya. Mↄna lee ba kelɛɛdi dↄↄ te Wurubuarɛ lɛɛ wↄ do yela be gbɛɛneŋ teneewↄ ↄ siaman. 31Te Iseraetena dↄↄ baŋ yase be sia be silana Mosesi mmaraase ŋan, na ŋa ke yela be gbɛɛneŋ ka tenee Wurubuarɛ siaman. Mↄna be yɛe kina keŋ be gbɛɛneŋ ta tenee Wurubuarɛ siaman ya. 32Weera dↄↄ te be yɛɛwↄ kina? Nawolo nyi ba te kɛɛ ke nyi Wurubuarɛ kelɛɛdi ne gyae la ke yela be gbɛɛneŋ ka tenee Wurubuarɛ siaman ya. Baŋ gyeŋ nyi be nombia ayɛɛsa ne gyae la ke yela be gbɛɛneŋ ka tenee Wurubuarɛ siaman. Lee kei dↄↄ ba te yɛɛ ŋgba balaŋ baŋ bↄↄ gyoo na boe dinaa nɛ. 33Wurubuarɛ nombia aŋmaraseŋ see yako boe kei nombia nyiaa, "Kɛɛ, me ta mo boe dinaa daale see Siyↄn donↄↄ man. Balaŋ baa gyoo na boe kei kpaŋte, na baa gyoo na ke yala. Mↄna walaŋ ŋon ↄ mo ↄ wose lↄ walaŋ ŋon boe kei seŋɛɛ fa e nɛ dↄↄ na, desɛŋ be gyae ke di e ya."

will be added

X\