Kalesewola 6

1Me ka seŋ mɛɛ kɛɛ nɛ, te Nambu ŋon wolee keenise nyetooro ŋan bↄↄ mo mataa tↄne keŋ tↄ ke nↄↄ nɛ man gyaŋgbate keŋ. Botↄↄ te me nyii wonise banaara baŋ man ŋolo fae yeesa keŋkeŋ ŋgba ↄga fae la nɛ baake nyiaa, "Kↄŋ!" 2Karatetee dokoloŋ me kɛɛ na, dɛɛkyↄŋ wolom pareparepare ŋolo seŋɛɛ laa. Na walaŋ ŋon ↄ kyaa ↄ dↄↄ nɛ dana baŋdaŋ, te ba moo gyooro kotↄtↄↄ fa e. Keŋte ↄ kyaawↄ dɛɛkyↄŋ ŋon dↄↄ lee laŋ ŋgba walaŋ ŋon ↄ ne yoo di debaŋ kamasɛ nɛ, te ↄ laŋawↄ ↄ kaa yoo di. 3Nambu ŋon ke wolee keeni alate keŋ nɛ, te me nyii wonise banaara baŋ man balate ŋon woya baakewↄ nyiaa, "Kↄŋ!" 4Karatetee dokoloŋ te me naa dɛɛkyↄŋ balate ŋolo mↄ leewↄ kↄŋ. Kei ŋon yɛɛ dɛɛkyↄŋ yayam e. Te be faa walaŋ ŋon ↄ kyaa ↄ dↄↄ nɛ doŋ nyi waa lese wosefɛɛreŋ lee tɛɛle kei dↄↄ, na balaŋ ke nyiŋ yoo koe dↄŋa. Keŋte ba moo yoosila dinaa daale do e ↄ nyiŋmaa man. 5Nambu ŋon ke wolee keeni atoorote keŋ nɛ, me nyii wonise banaara baŋ man batoorote ŋon woya baakewↄ nyiaa, "Kↄŋ!" Me kɛɛ na dɛɛkyↄŋ bibiini kirikirikiri ŋolo seŋɛɛ laa me siaman. Na walaŋ ŋon ↄ kyaa ↄ dↄↄ nɛ dana kↄta keŋ bɛɛ mo keri abↄↄ nɛ ↄ nyiŋmaa man. 6Botↄↄ te me nyii kolo ŋgba walaŋ kekolosi nɛ wonise banaara baŋ man nyiaa, "Baa yↄↄ kefaa biliŋ kuruwaatↄↄ lɛɛ walaŋ wee dokoloŋ tom keyɛɛ kↄba. Mena mↄ te baa yↄↄ wambela biliŋ kuruwaa tↄↄse atooro lɛɛ walaŋ wee dokoloŋ tom keyɛɛ kↄba. Mↄna nuŋ na soloŋ dↄↄ, ŋolo na tina ŋa ya!" 7Nambu ŋon ke wolee keeni anaarate keŋ nɛ, te me nyii wonise banaara baŋ man banaarate ŋon woya baakewↄ nyiaa, "Kↄŋ!" 8Me gɛɛse kɛɛ na, dɛɛkyↄŋ kpalaa kↄŋkↄsↄŋ ŋolo seŋɛɛ laa botↄↄ. Walaŋ ŋon ↄ kyaa ↄ dↄↄ nɛ te bɛɛ baake nyi Yeŋ. Na woyadɛɛ mↄ silana e wↄle wↄle. Ba te fa wↄ doŋ nyi baa mo yoosila na tanam, na kaweese na wonembia kumɛɛ baŋ be kyaa tɛɛle kei dↄↄ nɛ, koe balaŋ baŋ be kyaa tɛɛle kei dↄↄ nɛ be man kekpase anaara man dekpeŋ dokoloŋ. 9Nambu ŋon ke wolee keeni anoŋte keŋ nɛ, te me naa balaŋ baale woya na be doo Wurubuarɛ kedeesa boe keŋ ateta. Mena woya kɛwↄ yɛna balaŋ baŋ lee Wurubuarɛ nombia ŋan keyako dↄↄ te bↄↄ koe wↄ nɛ. Mena balaŋ benaŋ seŋawↄ keŋkeŋ di Wurubuarɛ nombia ŋan wose man adansɛɛ, keŋ be ta lee be wↄle ya. 10Botↄↄ te woya baŋ fae yeesa keŋkeŋ bↄↄse nyiaa, "De Gbeŋgyoo Wurubuarɛ, nyaŋ yɛna doŋte. Nyaŋ nyaageŋ yɛna walaŋ ŋon n ne di anokoare, te ayimɛɛ kamasɛ mↄ be doo n man ya. Woromↄ te nyaŋ ke di tɛɛle kei dↄↄ balaŋ nombia, na n ke wↄŋ ba deŋele lee mena keŋ bↄↄ koe daa nɛ dↄↄ?" 11Keŋte Wurubuarɛ faa woya baŋ man walaŋ kamasɛ kegba wolom wurikyim. Te ↄ yako wↄ nyiaa, "Ɛ nyiŋ konↄↄ kyaa kyomii. Nawolo nyi kaboena nyi ɛ tebia Kristotena akaŋ baŋ kaboena nyi baa koe wↄ lee Wurubuarɛ nombia ŋan keyako dↄↄ, ŋgba mena keŋ bↄↄ koe ŋon nɛ be yaanↄↄle keŋ kelii pɛ." 12Nambu ŋon ke wolee keeni loorote keŋ nɛ, karatetee dokoloŋ te tɛɛle wosiwↄ keŋkeŋ, te weese kyɛɛkeewↄ biri tuum ŋgba kanyaŋ bibiini nɛ. Te gyaalaŋ mↄ kyɛɛkeewↄ yase gooŋ ŋgba fatabo nɛ. 13Botↄↄ te kyolobiise kuliiwↄ lee adido yala tɛɛle man, ŋgba mena keŋ feliŋ dinaa de gyↄↄ te daasebia adendelɛɛ ne tirii yala nɛ. 14Keŋte adido mↄ bↄↄwↄ ŋgba mena keŋ bɛɛ bↄↄ dofoŋoŋ nɛ te ke ŋaalaawↄ. Te bulase na tɛɛlesebia ŋan loŋ be kilisi ŋa gyaŋee nɛ, pou ŋaalaawↄ lee botↄↄ keŋ ŋa seŋɛɛ nɛ. 15Te tɛɛle kei dↄↄ gyooneŋ na yoonↄↄtena kegyiise, na balaŋ baŋ be dana kↄba na tɛɛle kei dↄↄ kegyiise na gbeŋi kamasɛ, na gyoorobia pou yekiiwↄ ka yo boya bↄↄneŋ man na kpanaŋse ŋan ŋe gyakaa bulase dↄↄ nɛ ateta. 16Keŋte be fae yeesa baake bulase na kpanaŋse ŋan nyiaa, "Ɛ biliŋi kaa wuu de dↄↄ. Na walaŋ ŋon ↄ kyaa gyooro gbeli keŋ dↄↄ nɛ be nyiŋ naa daa ya, na Nambu ŋon mↄ be nyiŋ mo baŋ wↄŋ da deŋele ya. 17Nawolo nyi wee dinaa keŋ baa mo baŋ di balaŋ nombia nɛ te lii. Te amↄte ne gyae la waa tale seŋ be siaman?"

will be added

X\