Kalesewola 16

1Keŋte me nyii woya ŋaale Wurubuarɛ ↄsom deni dinaa keŋ man ne yako Wurubuarɛ kpilala nyetooro baŋ keŋkeŋ nyiaa, "Ɛ gyu ke kyɛɛkee Wurubuarɛ baŋ kumɛɛ ŋan ŋe doo ɛ nyefalɛɛ nyetooro ŋan man nɛ woli tɛɛle dↄↄ." 2Botↄↄ te Wurubuarɛ kpilale gyaŋgbate ŋon gyuuwↄ ke kyɛɛkee kpene keŋ doo ↄ nyefale keŋ man nɛ woli tɛɛle dↄↄ. Ↄ ke kyɛɛkee ke woli tɛɛle dↄↄ pɛ, te gyamɛɛ kumɛɛ ŋaale kaa gyↄↄ balaŋ baŋ pou bↄↄ do wↄ wonembukum ŋon nso, te bɛɛ som bane ŋon bↄↄ maa wonembukum ŋonaŋ dinↄↄ man nɛ. 3Kenaŋ wↄle te Wurubuarɛ kpilale balate ŋon mↄ kyɛɛkee kpene keŋ doo ↄ nyefale keŋ man nɛ do ɛpo man. Botↄↄ te ɛpo loŋ keŋ kyɛɛkeewↄ yɛɛ ŋgba walaŋ deyeŋe fatabo nɛ, te wonembu kamasɛ ŋon ↄ doo ɛpo man nɛ yeŋawↄ. 4Keŋte Wurubuarɛ kpilale batoorote ŋon mↄ kyɛɛkee kpene keŋ doo ↄ nyefale man nɛ do booneŋ na loŋse man, te ŋe popou bese fatabose. 5Botↄↄ te me nyii Wurubuarɛ kpilale ŋon ↄ ne kɛɛ loŋse ŋan dↄↄ nɛ yakowↄ nyiaa, "Nyaŋ yɛna Wurubuarɛ ŋon n wulaa n kyaa lee kewalaŋ keŋ, te nyaŋ yɛna Wurubuarɛ ŋon n kyaa debaŋ kei. Nyaŋ yɛna Wurubuarɛ ŋon ayimɛɛ kamasɛ be doo n man ya. Te n deŋele kewↄŋ keŋ n ne wↄŋ balaŋ nɛ, doo na ke gbɛɛ. 6Nawolo nyi ba koe n balaŋ na nya akpeŋkpeŋgyↄↄra baŋ. Mena dↄↄ te n moo fatabo fa wↄ nyi baa nyↄↄ, ŋgba mena keŋ kaboena wↄ nɛ." 7Keŋte me nyii ŋolo kolosiwↄ lee botↄↄ keŋ bee deesi nɛ nyiaa, "Ampaŋ, de Gbeŋgyoo Wurubuarɛ doŋ pou nyee, n nombia kedi yɛɛ anokoare te ke doo na ke gbɛɛ." 8Kenaŋ wↄle te Wurubuarɛ kpilale banaarate ŋon mↄ kyɛɛkee kpene keŋ doo ↄ nyefale keŋ man nɛ woli weese dↄↄ. Te be faa weese doŋ nyi waa nyakee balaŋ ŋgba boalaŋ nɛ. 9Mena dↄↄ weese ŋon nyakee balaŋ baŋ nideli, te be falaa Wurubuarɛ ŋon ↄ dana doŋ mena kayeyɛɛ nombia ŋan dↄↄ nɛ yele. Mↄna be bɛe ba te kyɛɛkee ba agyueŋ na baa tina be nombiakumɛɛ keyɛɛ yela, na baa lese Wurubuarɛ yele ya. 10Keŋte Wurubuarɛ kpilale banoŋte ŋon mↄ kyɛɛkee kpene keŋ doo ↄ nyefale keŋ man nɛ woli wonembukum ŋon gyooro gbeli keŋ dↄↄ. Botↄↄ te ditiŋtɛɛ gyoo wonembukum ŋon gyoori keŋ pou. Kayeyɛɛ keŋ be kↄŋ balaŋ dↄↄ nɛ, yela be nyii weeleŋ nideli te be tao be kela. 11Be gyamɛɛ ŋan bↄↄ nyim na weeleŋ keŋ bↄↄ nyii nɛ, yela be falaa Wurubuarɛ ŋon ↄ kyaa adido nɛ. Mↄna be bɛe ba te kyɛɛkee ba agyueŋ na baa tina be nombiakumɛɛ keyɛɛ yela, na baa kↄŋ ↄ gyaŋ ya. 12Keŋte Wurubuarɛ kpilale loorote ŋon mↄ kyɛɛkee kpene keŋ doo ↄ nyefale keŋ man nɛ, do boo dinaa keŋ bɛɛ baake ke nyi Efurate nɛ man. Te loŋ keŋ pou yoowↄ, na gbɛɛ ke doo fa gyooneŋ baŋ baa lee weese dɛɛlee man kↄŋ nɛ. 13Botↄↄ te me naa feliŋkumɛɛ atooro ŋaale na ŋe yɛɛ ŋgba penlase nɛ. Ŋa lee wonembukum dekpatakpere ŋon na wonembukum gyaŋgbate ŋon, na wonembukum balate dekarate ŋon nↄↄse man. 14Mena feliŋkumɛɛ kɛwↄ yɛɛ ↄbↄnsam tewulɛɛwↄ, te be dana doŋ keŋ bɛɛ tale yɛɛ gyakoloŋ nombia dinaana. Be dↄŋ tɛɛle kei gyooneŋ pou dↄↄ bee yilaa wↄ, na be kaa yoo na Wurubuarɛ doŋte ŋon ↄ wee dinaa keŋ man. 15De Gbeŋgyoo kpa nyiaa, "Ɛ tↄↄse nyi maa kↄŋ kaa futaa ŋon bo ŋgba ŋmɛɛlate nɛ! Mena dↄↄ walaŋ kamasɛ ŋon waa kyaa gyee keŋ ↄ be wolee ↄ wose ya, te waa desina ↄ wose keŋ ↄ be tɛɛ diteŋteli na desɛŋ balaŋ man mena wee kenaŋ ya nɛ, ŋon na nyeebam." 16Keŋte feliŋkumɛɛ ŋan yilaa gyooneŋ baŋ, te be gyuuwↄ kegyaŋee botↄↄ keŋ bɛɛ baake ke Gyudatena dei man nyi Amagedↄn nɛ. 17Kenaŋ wↄle te Wurubuarɛ kpilale nyetoorote ŋon mↄ kyɛɛkee kpene keŋ doo ↄ nyefale keŋ man nɛ woli feliŋ man. Botↄↄ te me nyii yeesa keŋkeŋ ŋaale lee gyooro gbeli keŋ ke doo Wurubuarɛ ↄsom deni dinaa keŋ man nɛ nyiaa, "Nɛnɛɛ dↄↄ te taŋ!" 18Kei wↄle te ↄga ŋmaalewↄ agbaatee agbaatee, te ↄ faewↄ agbaatee agbaatee, te tɛɛle wosiwↄ nideli. Leenaŋ debaŋ keŋ balaŋ be kyaa tɛɛle kei dↄↄ pou nɛ, tɛɛle te wosi ta mena see ya. 19Keŋte donↄↄ dinaa keŋ kpasewↄ akpeŋ atooro, te donↄↄse dinaana ŋan pou ŋe kyaa tɛɛle kei dↄↄ nɛ yɛlɛɛwↄ. Te Wurubuarɛ tↄↄse nombiakumɛɛ ŋan Babilↄntena be yɛɛ nɛ, mena dↄↄ ↄ gyeŋa baŋ kum do wↄ nideli ŋgba mena keŋ kaboena nɛ. 20Te donↄↄse ŋan pou loŋ be kilisi ŋa gyaŋee nɛ, na bulase pou ŋaalaawↄ. 21Te akpeleŋkpeleŋbia dinaana ŋan ŋe dana yuŋ nideli nɛ leewↄ adido yala balaŋ dↄↄ. Mena dↄↄ balaŋ baŋ falaa Wurubuarɛ lee kayeyɛɛ nombia ŋan akpeleŋkpeleŋbia ŋan ba mo kↄŋ be dↄↄ nɛ dↄↄ. Nawolo nyi diyem keŋ akpeleŋkpeleŋbia ŋan be naase wↄ nɛ, te yɛɛ nsendee ya.

will be added

X\