Mateo 3

1Debaŋ kenaŋ man nɛ, Gyↄn Wurubuarɛ loŋsↄↄre kↄŋawↄ ↄ ne kolosi Wurubuarɛ nombia Gyudia depampaa dinaa keŋ man. Ↄ yakowↄ nyiaa, 2"Ɛ kyɛɛkee lee ɛ gbɛɛneŋ kumɛɛ man na ɛ ke kↄŋ Wurubuarɛ gyaŋ, nawolo nyi Wurubuarɛ gyoori keŋ ta benaa." 3Gyↄn kei yɛna ŋon Wurubuarɛ dekpeŋkpeŋgyↄↄre Yesaya be yako ↄ wose man nombia nyiaa, "Ŋolo ne fae yeesa depampaa dinaa keŋ man nyiaa, ɛ desina de Gbeŋgyoo gbɛɛneŋ. Ɛ yela ↄ gbɛɛneŋ pou ka tenee." 4Kurumↄↄ tↄne te ba moowↄ ŋara Gyↄn kegba, te wonembu tↄne te ↄ moowↄ yɛɛ abↄsↄↄ kpaŋ ↄ teŋa man. Akpataana na teebↄↄ yɛna ↄ weenɛɛ. 5Balaŋ lee Gyerusalɛm donↄↄ man na Gyudia tɛɛlese man, na donↄↄse ŋan ŋe kyaa Gyↄↄdan boo keŋ yenaase nɛ kↄŋ ↄ gyaŋ. 6Bɛɛ kaa tↄlɛɛ be nombiakumɛɛ ŋan pou bↄↄ yɛɛ nɛ fa e, na ↄ te sↄ wↄ Wurubuarɛ loŋ Gyↄↄdan boo keŋ man. 7Gyↄn kena balaŋ burum baŋ bↄↄ lee Farasiitena na Sadukiitena akpii ŋan man kↄŋ ↄ gyaŋ nyi waa sↄ wↄ Wurubuarɛ loŋ nɛ ↄ bↄↄse wↄ nyiaa, "Kyoa, ɛmɛɛ baŋ ɛ dana nombiakumɛɛ ŋgba doma nɛ. Amↄte faree na ŋon nyi yaa yeu lee Wurubuarɛ deŋele kewↄŋ keŋ gyae ke kↄŋ balaŋ dↄↄ nɛ man?" 8Ɛ yɛɛ nombia kpaakpaa ŋan nawolo nyi ɛ te kyɛɛkee lee ɛ gbɛɛneŋ kumɛɛ man kↄŋ Wurubuarɛ gyaŋ. 9Ɛ na yɛɛ ya agyueŋ nyi keŋ ɛ yɛɛ Aberaham ↄ naanasewↄ dↄↄ te Wurubuarɛ lɛɛ ŋon ya. Mɛɛ yako ŋon ɛ ke nyii nyiaa, Wurubuarɛ waa tale yela boya adoŋ kɛŋa ka bese naanase fa Aberaham. 10Ɛ kɛɛ, Wurubuarɛ taŋ desina ↄ debeŋa see waa tuŋii daase lↄ. Mena dↄↄ daŋ kamasɛ keŋ ke bɛɛ se bia kpaakpaa ya na, waa tuŋ ke lↄ na baa keretii ke do boalaŋ man. 11Keŋte Gyↄn besewↄ yako wↄ nyiaa, maŋ dↄↄ loŋ te me dana mɛɛ sↄ ŋon Wurubuarɛ loŋ na kawola nyi ɛ te kyɛɛkee lee ɛ gbɛɛneŋ kumɛɛ man kↄŋ Wurubuarɛ gyaŋ. Mↄna maŋ wↄle na ŋon ↄ kela maŋ nɛ waa kↄŋ, keŋ maŋ tekaboe gba nyi maa tela ↄtenate nkyokotase gba ya. Ŋon dↄↄ, Wurubuarɛ feliŋ na boalaŋ te waa mo sↄ ŋon Wurubuarɛ loŋ. 12Ↄ dana ↄ pampaa ↄ nyiŋmaa man waa mo feefu wa amↄla na waa lese amↄla bia ŋan do ↄ kpee man, na waa kuu wura ŋan ka do boalaŋ keŋ ke bɛɛ yem ya nɛ man. 13Gyↄn kɛɛ sↄ balaŋ Wurubuarɛ loŋ keŋ nɛ, te Yesu leewↄ Galelia tɛɛle man kↄŋ Gyↄↄdan boo nↄↄman nyi Gyↄn waa sↄ e Wurubuarɛ loŋ. 14Mↄna Gyↄn gyaewↄ waa yɛɛ na Yesu ke kyɛɛkee wa agyueŋ. Keŋte ↄ bↄↄse Yesu nyiaa, "Nyaŋ te kaboena nyi nya sↄ maŋ Wurubuarɛ loŋ. Weera te nyaŋ besewↄ kↄŋ me gyaŋ nyi maŋ maa sↄ neŋ Wurubuarɛ loŋ?" 15Keŋte Yesu tiranↄↄ fa Gyↄn nyiaa, "Debaŋ kei man nɛ, nyaŋ yɛɛ ke mena. De yɛɛ nnɛ na, Wurubuarɛ kegyaebii yaa dɛɛ yɛɛ baa." Keŋte Gyↄn mↄ sɛɛwↄ. 16Gyↄn ke sↄ Yesu Wurubuarɛ loŋ taŋ, te Yesu ka mo waa lee loŋ keŋ man pɛ, te adido torowↄ. Keŋte ↄ naa Wurubuarɛ feliŋ ŋon moo duwuluŋ dinↄↄ tisi kaa gyakaa ↄ dↄↄ. 17Botↄↄ te be nyii Wurubuarɛ kolosiwↄ lee adido yako nyiaa, "Kei yɛna me bu ŋon mɛɛ gyae lee me konↄↄ man, te ↄ na gyoo me sia nideli."

will be added

X\