Maake 1

1Wurubuarɛ bu Yesu Kristo nombia kpaakpaa ŋan kewalaŋ yaa. 2Wurubuarɛ kpila tobaale ŋon bɛɛ baake nyi Gyↄn nɛ nyi waa kyaŋ Yesu gbɛɛ kↄŋ, ŋgba mena keŋ Wurubuarɛ dekpeŋkpeŋgyↄↄre ŋon bɛɛ baake e nyi Yesaya be yako Wurubuarɛ nombia aŋmaraseŋ see ŋan man nɛ. Ↄ yakowↄ nyiaa, "Kɛɛ! Mee kpila me kpilale na waa ta n siaman. Ŋon ne gyae la waa desina n gbɛɛneŋ see neŋ." 3Wurubuarɛ dekpeŋkpeŋgyↄↄre Yesaya besewↄ yako Gyↄn wose man nombia Wurubuarɛ nombia aŋmaraseŋ see ŋan man bela nyiaa, "Ŋolo ne fae yeesa depampaa dinaa keŋ man nyiaa, 'Ɛ desina de Gbeŋgyoo gbɛɛnaa, na ɛ ke yela ↄ gbɛɛneŋ pou ka tenee.' " 4Mena dↄↄ kↄŋawↄ ampaŋ nyiaa, Gyↄn ŋon ↄ ne sↄ balaŋ Wurubuarɛ loŋ nɛ kyaawↄ depampaa dinaa keŋ man. Na ↄ ne kolosi fa balaŋ nyi baa kyɛɛkee lee be gbɛɛneŋ kumɛɛ man na baa kↄŋ Wurubuarɛ gyaŋ, na baa sↄ wↄ Wurubuarɛ loŋ na Wurubuarɛ ka mo be nombiakumɛɛ kyɛɛ wↄ. 5Mena dↄↄ balaŋ burum leewↄ Gyudia tɛɛlese pou man, na Gyerusalɛm donↄↄ man gyu ketↄlɛɛ be nombiakumɛɛ ŋan bɛɛ yɛɛ nɛ fa Gyↄn, te ↄ sↄↄ wↄ Wurubuarɛ loŋ Gyↄↄdan boo man. 6Na kurumↄↄ tↄne te ba moowↄ ŋara Gyↄn kegba, te wonembu tↄne te ↄ moowↄ yɛɛ abↄsↄↄ kpaŋ ↄ teŋa man. Akpataana na teebↄↄ yɛna ↄ weenɛɛ ŋan ↄ ne dii. 7Keŋte Gyↄn yako balaŋ baŋ nyiaa, "Walaŋ ŋolo dↄŋ me wↄle ↄ ne kↄŋ keŋ ↄ kela maŋ. Maŋ tekaboena nyi maa buŋ booli ↄtenate nkyokota ŋmeeseŋ gba ya. 8Maŋ dↄↄ loŋ te maŋ dana mɛɛ sↄ ŋon Wurubuarɛ loŋ, mↄna akpaa ŋon de kↄŋ na Wurubuarɛ feliŋ te waa mo sↄ ŋon Wurubuarɛ loŋ." 9Gyↄn kɛɛ sↄ balaŋ Wurubuarɛ loŋ nɛ, te Yesu leewↄ Nasarɛte donↄↄ keŋ ke kyaa Galelia tɛɛle man nɛ kↄŋ, te Gyↄn sↄↄ e Wurubuarɛ loŋ Gyↄↄdan boo man. 10Yesu ka mo waa lee loŋ keŋ man nɛ, karatetee dokoloŋ te ↄ naawↄ na adido ta toro, te Wurubuarɛ feliŋ ŋon moo duwuluŋ dinↄↄ tisi lee adido kaa gyakaa ↄ dↄↄ. 11Botↄↄ te be nyii woya ŋaale kolosiwↄ lee adido yako nyiaa, "Nyaŋ yɛna me bu ŋon mɛɛ gyae lee me konↄↄ man, te n na gyoo me sia nideli." 12Debokenaŋ man te Wurubuarɛ feliŋ ŋon yela Yesu gyuuwↄ depampaa dinaa daale man. 13Yesu kyaawↄ depampaa kenaŋ man weeya sↄŋola (40). Ↄ kekyaa botↄↄ nɛ, te ↄbↄnsam kↄŋawↄ kaa kɛɛse e kɛɛse e kina. Na Yesu kyae ŋale man wonembia man, te Wurubuarɛ kpilala leewↄ adido kↄŋ kaa kɛɛ ↄ dↄↄ. 14Te di weeya ala ya te be kyaŋa Gyↄn tↄ deni. Ba ke kyaŋ e tↄ deni wↄle nɛ, Yesu kↄŋawↄ Galelia tɛɛle dↄↄ ↄ ne kolosi Wurubuarɛ nombia kpaakpaa ŋan fa balaŋ nyiaa, 15"Debaŋ keŋ te lii, te Wurubuarɛ gyoori keŋ mↄ ta benaa. Ɛ kyɛɛkee lee ɛ gbɛɛneŋ kumɛɛ man kↄŋ Wurubuarɛ gyaŋ, na ɛ ke lɛɛ nombia kpaakpaa ŋan di!" 16Keŋte Yesu gyuuwↄ ka mo Galelia boo nↄↄman. Botↄↄ te ↄ naa Simↄn na ↄ naabu Anderiase na bɛɛ lↄ asawuse boo keŋ man, nawolo nyi be yɛɛ kpɛɛ kyaŋarawↄ. 17Keŋte Yesu yako wↄ nyiaa, "Ɛ kaa sila maŋ, na maa yela ɛ ke yilaa balaŋ fa maŋ ŋgba mena keŋ ɛ ne kyaŋ kpɛɛ nɛ." 18Debokenaŋ man te be tinaa ba asawuse ŋan yela, te be kaa sila Yesu. 19Ↄ ke gyu ↄ siaman kyomii nɛ, ↄ naa Sebedeo bia Gyemisi na ↄ naabu Gyↄn na be doo ba degbele man bee desina ba asawuse. 20Debokenaŋ man te Yesu baake wↄ, te be tinaa be kya Sebedeo na be paasetena baŋ pou yela degbele keŋ man te be kaa sila Yesu. 21Keŋte be gyuuwↄ Kapanum donↄↄ man. Te Gyudatena kefɛɛfowee kelii nɛ, Yesu gyuuwↄ bↄ ↄsom deni man ↄ kaa wola wↄ Wurubuarɛ nombia. 22Yesu kawola keŋ doo balaŋ baŋ pou nↄↄ. Nawolo nyi ↄ ne gyↄ ↄ konↄↄ wola ŋgba walaŋ ŋon ↄ dana doŋ nombia ŋan ↄ na wolo nɛ dↄↄ nɛ. Ↄ kawola keŋ te yɛɛ ŋgba Gyudatena mmaraa wolala baŋ nɛ ya. 23Debaŋ kenaŋ na balee ŋolo kyaa bↄ ↄsom deni man botↄↄ keŋ feliŋkum doo ↄ man. Karatetee dokoloŋ te ↄ fae yeesa keŋkeŋ nyiaa, 24"Nyaŋ Yesu Nasarɛte baale, woŋ yaa n ne gyae de gyaŋ? N kↄŋae n kaa wↄlɛɛ daa? Ma gyeŋ neŋ nyi nyaŋ yɛna Wurubuarɛ walaŋ ŋon ayimɛɛ be doo n man ya nɛ." 25Botↄↄ te Yesu faree feliŋkum keŋ nyiaa, "Wu n nↄↄ, na n ka lee ↄ man." 26Keŋte feliŋkum keŋ wosi balee ŋon nideli, te ke fae yeesa keŋkeŋ te ka leewↄ ↄ man laŋ. 27Nombii kei doo balaŋ baŋ pou nↄↄ te be bↄↄse dↄŋa nyiaa, "Woŋ nombii yaa? Kawola wↄle? Ↄ dana doŋ feliŋkumɛɛ dↄↄ, keŋ nyi ↄ ne kolosi fa ŋa na ŋee nyii ↄ dei." 28Mena dↄↄ Yesu wose man nombia yaaseewↄ gyu Galelia tɛɛle man na ka yenaase pou. 29Be ka lee bↄ ↄsom deni keŋ man pɛ, te baŋ na Gyemisi na Gyↄn gyuuwↄ Simↄn na Anderiase dɛɛ. 30Be ke gyu na Simↄn wa awu doo ↄ na wee kpaŋalaŋ, keŋte be yako Yesu. 31Botↄↄ te Yesu gyuuwↄ alo ŋon gyaŋ, te ↄ kyaŋa e ↄ nyiŋmaa man gate e kyaase. Debokenaŋ man te alo ŋon kawee keŋ taŋawↄ, te ↄ kɛɛ be dↄↄ. 32Mena wee kenaŋ balinↄↄ weese kagyoo nɛ, balaŋ moo be kaweesetena na baŋ pou feliŋkumɛɛ doo be man nɛ kↄŋ Yesu gyaŋ. 33Keŋte donↄↄ keŋ man balaŋ pou kↄŋawↄ kaa wuu dekpaŋalaŋ keŋ denanↄↄ man. 34Te Yesu kyↄↄ balaŋ burum be kaweese kpookpoo pou. Ↄ gegi feliŋkumɛɛ burum mↄ lee balaŋ man keŋ ↄ te fa ŋa gbɛɛ nyi ŋe dee kolosi ya, nawolo nyi ŋa gyeŋ walaŋ ŋon dinↄↄ Yesu yɛɛ. 35Ke tɛɛ kena nebo nebo fuu nɛ, Yesu karatɛɛwↄ lee dekpaŋalaŋ man gyu yenaŋ daale keŋ botↄↄ yɛɛ yididi nɛ, te ↄ ke fanewↄ fa Wurubuarɛ. 36Keŋte Simↄn na ↄ tebia baŋ gyuuwↄ bɛɛ kɛo e. 37Ba kena e nɛ te be yako e nyiaa, "Balaŋ baŋ pou ne kɛo neŋ." 38Botↄↄ te Yesu yako wↄ nyiaa, "Ɛ yela dee gyu donↄↄse ŋan ŋe kyaa siaman nɛ man, na me kaa kolosi Wurubuarɛ nombia ŋan botↄↄ mↄ. Nawolo nyi keŋ dↄↄ te me kↄŋawↄ tɛɛle kei dↄↄ." 39Mena dↄↄ ↄ tɛɛwↄ kila Galelia tɛɛle pou dↄↄ, te ↄ kolosi Wurubuarɛ nombia ŋan fa wↄ bↄ ↄsom denɛɛ man pou, te ↄ gegi feliŋkumɛɛ lee balaŋ man. 40Te akuŋtuŋte ŋolo kaa buŋawↄ ↄ doona dↄↄ Yesu nawↄↄtɛɛ waase e nyiaa, "Me Gbeŋgyoo, akpaa n ne gyae na n ke tale kyↄ maŋ me kawee kei." 41Botↄↄ nɛ, ↄ nombia yɛɛ Yesu waraŋase te ↄ moo ↄ nyiŋmaa gyakaa ↄ dↄↄ yako e nyiaa, "Mɛɛ gyae, n kawee dɛɛ taŋ." 42Debokenaŋ man te ↄ kawee keŋ taŋawↄ, te ↄ nyiŋa ↄ wose. 43Pɛ Yesu ke lↄ balee ŋon gbɛɛ nɛ, ↄ faree e nideli nyiaa, 44"Kɛɛ nyi walaŋ na walaŋ na nyii kpene keŋ be kↄŋ nɛ ya. Mↄna mo n wose gyu kawola Wurubuarɛ sae ŋon, na n ketↄ kedeesa abↄↄ ŋan de naana Mosesi ba wolo nyi yaa tↄ nɛ. Kei gyae ke yela walaŋ kamasɛ kena nyi n kawee keŋ te taŋ." 45Mↄna balee ŋon ka lee debↄↄ man pɛ te ↄ gyoo nombia ŋan dekpeŋkpeŋ kegyↄ, te walaŋ kamasɛ nyiiwↄ. Lee mena dↄↄ Yesu te tale gyoo donↄↄ kamasɛ man na balaŋ kena e ya. Ↄ ne gyu bo ke kyaa donↄↄ keŋ nↄↄman, botↄↄ keŋ balaŋ be gyae baa naa e ya nɛ. Mↄ keŋ koraŋ na, balaŋ na lee yenaŋ kamasɛ kↄŋ ↄ gyaŋ.

will be added

X\