Luka 3

1Debaŋ keŋ Sakaria bu Gyↄn sɛɛ ↄ kyaa depampaa dinaa keŋ man nɛ, Wurubuarɛ kolosiwↄ fa e nyi waa gyu kekolosi Wurubuarɛ nombia fa balaŋ. Debaŋ kenaŋ na gyoo dinaa Kaesa Tiberiuse ke di gyoori Roman tɛɛle dↄↄ kulutooneŋ kufu anoŋte man kenaŋ, na Pↄntiↄse Pilato ne diina gyoori Gyudia tɛɛle dↄↄ. Herode mↄ ne diina gyoori Galelia tɛɛle dↄↄ, te ↄ naabu Filipo mↄ ne diina gyoori Iturea na Tirakonitise tɛɛlese dↄↄ, te Lisaniase mↄ ne di gyoori Abilene tɛɛle dↄↄ. Na Ana na Kaifase mↄ yɛna Wurubuarɛ saese kegyiise Gyerusalɛm donↄↄ man. 3Keŋte Gyↄn tɛɛwↄ donↄↄse ŋan ŋe kyaa Gyↄↄdan boo nↄↄman nɛ pou dↄↄ ↄ ne kolosi nyiaa, "Ɛ kyɛɛkee lee ɛ gbɛɛneŋ kumɛɛ man na ɛ ke kↄŋ Wurubuarɛ gyaŋ, na waa mo ɛ nombiakumɛɛ pou kyɛɛ ŋon." 4Ŋgba mena keŋ Wurubuarɛ dekpeŋkpeŋgyↄↄre ŋon bɛɛ baake nyi Yesaya be ŋmarase ↄ tↄne man lee Gyↄn wose man nɛ nyiaa, "Ŋolo ne fae yeesa depampaa dinaa man nyiaa, ɛ desina de Gbeŋgyoo gbɛɛneŋ, na ɛ ke yela ↄ gbɛɛneŋ pou ka tenee. 5Ɛ tↄ boŋobii kamasɛ na ɛ ke yɛlɛɛ bulase na bulasebia pou, na ŋa ke doo kyɛɛkyɛɛ. Ɛ tenee gbɛɛneŋ ŋan be gokii nɛ, na ɛ ke kyalase gbɛɛneŋ ŋan ŋa be kyalasɛɛ ya nɛ. 6Kɛŋa pou wↄle na, balaŋ pou baa naa nyeelɛɛre ŋon Wurubuarɛ ba lese nyi ↄ kaa lɛɛ daa nɛ." 7Balaŋ burum kↄŋawↄ Gyↄn gyaŋ nyi waa sↄ wↄ Wurubuarɛ loŋ te ↄ bↄↄse wↄ nyiaa, "Ɛmɛɛ baŋ ɛ dana nombiakumɛɛ ŋgba doma nɛ, amↄte faree na ŋon nyi yaa yeu lee Wurubuarɛ baŋ dinaa keŋ gyae kekↄŋ balaŋ dↄↄ nɛ man? 8Ɛ yɛɛ nombia kpaakpaa ŋan nawolo nyi ɛ te kyɛɛkee lee ɛ gbɛɛneŋ kumɛɛ man nɛ. Ɛ na yɛɛ ya agyueŋ nyi keŋ ɛ yɛɛ Aberaham ↄ naanasewↄ dↄↄ te Wurubuarɛ lɛɛ ŋon ya. Mɛɛ yako ŋon nyi Wurubuarɛ waa tale yela boya adoŋ kɛŋa ka bese naanase fa Aberaham. 9Wurubuarɛ te desina ↄ debeŋa see waa tuŋii daase lↄ, mena dↄↄ daŋ kamasɛ keŋ bɛɛ se bia kpaakpaa ya na, waa tuŋ ke lↄ na baa keretii ke do boalaŋ man." 10Botↄↄ te balaŋ dikpii keŋ bↄↄse Gyↄn nyiaa, "Akpaa mena na, woŋ te kaboena nyi dɛɛ yɛɛ?" 11Keŋte Gyↄn tiranↄↄ fa wↄ nyiaa, "Nyaŋ ŋon n dana kegbase ala na, mo dokoloŋ fa ŋon ↄ be taŋ ya nɛ, te nyaŋ ŋon mↄ n dana weenɛɛ na, fa ŋon ↄ be taŋ ya nɛ." 12Lempoolɛɛra baale mↄ kↄŋawↄ nyi Gyↄn dɛɛ sↄ wↄ Wurubuarɛ loŋ te be bↄↄse e nyiaa, "De Gbeŋgyoo, woŋ te kaboena nyi daa mↄ dɛɛ yɛɛ?" 13Keŋte Gyↄn tiranↄↄ fa wↄ nyiaa, "Ɛ na lɛɛ kↄba kela keŋ kaboena nyi yaa lɛɛ nɛ ya." 14Yoonↄↄtena baale mↄ bↄↄse e nyiaa, "Daa mↄ de? Woŋ te kaboena nyi dɛɛ yɛɛ?" Keŋte Gyↄn yako wↄ nyiaa, "Ɛ na mo siadoŋ lɛo ŋolo kↄba ya, yaa ɛ na mo nombiakumɛɛ gyakaa ŋolo dↄↄ ya. Ɛ yela kↄba keŋ bɛɛ tↄ ŋon nɛ ka gyoo ɛ sia." 15Lee mena keŋ balaŋ baŋ ne daa nyeelɛɛre ŋon Wurubuarɛ be yako see nyi waa kↄŋ dↄↄ nɛ, walaŋ kamasɛ yɛɛ wa agyueŋ nyi Gyↄn yɛna nyeelɛɛre ŋon. 16Keŋte Gyↄn tiranↄↄ fa be popou nyiaa, "Maŋ dↄↄ loŋ te mɛɛ mo sↄ ŋon Wurubuarɛ loŋ, mↄna ŋon ↄ kela maŋ nɛ waa kↄŋ keŋ maŋ tekaboe gba nyi maa buŋ booli ↄ nkyokota ŋmeeseŋ koraŋ gba ya. Ŋon dↄↄ Wurubuarɛ feliŋ na boalaŋ, te waa mo sↄ ŋon Wurubuarɛ loŋ. 17Ↄ dana ↄ pampaa ↄ nyiŋmaa man waa mo feefu wa amↄla, na waa lese amↄla bia ŋan do ↄ kpee man, na waa kuu wura ŋan ka do boalaŋ keŋ bɛɛ yem ya nɛ man." 18Keŋte Gyↄn tɛɛwↄ gbɛɛneŋ burum dↄↄ kolosi Wurubuarɛ nombia fa wↄ, te ↄ doo wↄ kakyeŋ nyi baa kyɛɛkee lee be gbɛɛneŋ kumɛɛ man. 19Gyↄn lese nombiakumɛɛ burum ŋan Herode ŋon ↄ seŋɛɛ Romantena gyoo dinaa nawↄↄ man be yɛɛ nɛ si e, na mena keŋ ↄ be lɛo ŋon gbagba ↄ kegyia wɛɛle Herodia yala nɛ. 20Te nombiikum keŋ Herode be yɛɛ tↄ nↄↄ koraŋ yɛna nyi, ↄ yela be kyaŋa Gyↄn ke tↄ deni. 21Gyↄn ke sↄ balaŋ dikpii keŋ Wurubuarɛ loŋ taŋ nɛ, ↄ sↄↄ Yesu mↄ Wurubuarɛ loŋ. Ↄ ke sↄ e taŋ na te Yesu moowↄ ↄ ne fane. Botↄↄ te adido torowↄ, 22keŋte Wurubuarɛ feliŋ ŋon moo duwuluŋ dinↄↄ te ↄ kaa gyakaawↄ Yesu dↄↄ. Botↄↄ te be nyii nↄↄwoya ŋaale lee adido nyiaa, "Nyaŋ yɛna me bu ŋon mɛɛ gyae neŋ lee me konↄↄ man, te n na gyoo me sia nideli." 23Debaŋ keŋ Yesu be fi ↄ tom keyɛɛ asɛɛ nɛ, na ↄ te di ŋgba kulutooneŋ sao na kufu nɛ, na balaŋ na gyueŋ nyi Yesu yɛɛ Gyosɛfo bu dalolasa e. Gyosɛfo ↄ kya yɛna Heli, 24Heli mↄ ↄ kya yɛna Matati, te Matati mↄ ↄ kya yɛna Lewi. Lewi ↄ kya yɛna Melki te Melki mↄ ↄ kya yɛna Yanai te Yanai ↄ kya yɛna Gyosɛfo. 25Gyosɛfo ↄ kya yɛna Matatia, te Matatia ↄ kya yɛna Amose te Amose ↄ kya yɛna Nahum te Nahum mↄ ↄ kya yɛna Esili, te Esili ↄ kya yɛna Nagai. 26Nagai ↄ kya yɛna Maati te Maati mↄ ↄ kya yɛna Matatia, te Matatia ↄ kya yɛna Semeni te Semeni ↄ kya yɛna Gyoseki te Gyoseki ↄ kya yɛna Gyoda. 27Gyoda ↄ kya yɛna Gyoana te Gyoana ↄ kya yɛna Resa te Resa ↄ kya yɛna Sorobabeli, te Sorobabeli ↄ kya yɛna Selateli te Selateli ↄ kya yɛna Neri. 28Neri mↄ ↄ kya yɛna Mɛliki te Mɛliki mↄ ↄ kya yɛna Adi. Adi ↄ kya yɛna Kosam te Kosam mↄ ↄ kya yɛna Elemadam te Elemadam mↄ ↄ kya yɛna Eri. 29Eri ↄ kya yɛna Gyosua te Gyosua mↄ ↄ kya yɛna Eliasa te Eliasa ↄ kya yɛna Gyorim te Gyorim ↄ kya yɛna Matati te Matati mↄ ↄ kya yɛna Lewi. 30Lewi ↄ kya yɛna Simeↄn te Simeↄn ↄ kya yɛna Gyuda, te Gyuda ↄ kya yɛna Gyosɛfo te Gyosɛfo ↄ kya yɛna Gyonam, te Gyonam ↄ kya yɛna Eliakim. 31Eliakim ↄ kya yɛna Melea te Melea ↄ kya yɛna Mena. Mena ↄ kya yɛna Matata te Matata mↄ ↄ kya yɛna Natan, te Natan mↄ ↄ kya yɛna Defidi. 32Defidi ↄ kya yɛna Gyese te Gyese mↄ ↄ kya yɛna Obedi. Obedi ↄ kya yɛna Boase te Boase ↄ kya yɛna Salimↄn, te Salimↄn mↄ ↄ kya yɛna Nasↄn. 33Nasↄn ↄ kya yɛna Aminadabo te Aminadabo ↄ kya yɛna Adimi, te Adimi mↄ ↄ kya yɛna Arini te Arini ↄ kya yɛna Heserↄn te Heserↄn mↄ ↄ kya yɛna Peresi, te Peresi ↄ kya yɛna Gyuda. 34Gyuda ↄ kya yɛna Gyekↄpo te Gyekↄpo ↄ kya yɛna Asiki te Asiki ↄ kya yɛna Aberaham, te Aberaham mↄ ↄ kya yɛna Tera te Tera ↄ kya yɛna Nahↄ. 35Nahↄ mↄ ↄ kya yɛna Serugi te Serugi ↄ kya yɛna Rewu, te Rewu ↄ kya yɛna Pelegi te Pelegi mↄ ↄ kya yɛna Eberi, te Eberi mↄ ↄ kya yɛna Sɛla. 36Sɛla ↄ kya yɛna Kainan te Kainan mↄ kya yɛna Afahade te Afahade mↄ ↄ kya yɛna Sem, te Sem mↄ ↄ kya yɛna Nowa, te Nowa mↄ ↄ kya yɛna Lamɛke. 37Lamɛke ↄ kya yɛna Metusala te Metusala mↄ ↄ kya yɛna Enↄke, te Enↄke mↄ ↄ kya yɛna Gyarɛdi te Gyarɛdi mↄ ↄ kya yɛna Mahalali, te Mahalali mↄ ↄ kya yɛna Kainan. 38Kainan mↄ ↄ kya yɛna Enose te Enose mↄ ↄ kya yɛna Sɛɛte, te Sɛɛte ↄ kya yɛna Adam, te Wurubuarɛ mↄ yɛɛna Adam.

will be added

X\