Hiburutena 13

1Ɛ na tina dↄŋa kegyae yela korakora ya. Ɛ gyae dↄŋa debaŋ kamasɛ ŋgba naa lolobia nɛ. 2Ɛ na bɛɛ ŋↄↄla kelɛɛ ya. Nawolo nyi gyaŋgba baale lɛɛ ŋↄↄla, keŋ be ta gyem gba nyi be yɛɛ Wurubuarɛ kpilalawↄ ya. 3Ɛ tↄↄse ɛ tebia baŋ bↄↄ kyaŋ wↄ tↄ deni nɛ. Ɛ yela be nombia ke hia ŋon ŋgba ɛmɛɛ na wↄ yaa be kyaŋawↄ tↄ deni nɛ. Te baŋ mↄ bɛɛ naase wↄ diyem nɛ, ɛ yela baŋ mↄ nombia ke hia ŋon ŋgba ɛmɛɛ na wↄ ne naa na diyem kenaŋ nɛ. 4Ɛ bu yale nyi ke yɛɛ kolo kpaakpaa ke ɛ siaman, na ɛ ke di yale mmaraase dↄↄ nideli keŋ ŋolo ba lee ↄ dↄↄ wↄle ya. Tekaboena nyi baala na ala yalala baa lee dↄŋa wↄle yaletɛɛ ya. Nawolo nyi Wurubuarɛ waa wↄŋ baŋ pou bɛɛ yɛɛ kafoŋ nombia, na baŋ pou bɛɛ lee dↄŋa wↄle yale tɛɛ nɛ deŋele. 5Ɛ na yela ɛ sia keyɛɛ kↄba kegyae dↄↄ beiŋ ya. Ɛ yela kpene keŋ ɛ dana nɛ ka gyoo ɛ sia. Nawolo nyi Wurubuarɛ gbagba yakowↄ nyiaa, "Mↄↄ gyae maa tina ŋon yela ya, te mↄↄ gyae maa lese me sia mↄ yela ŋon ya." 6Lee mena dↄↄ dɛɛ tale gyↄ de konↄↄ yako nyiaa, "De Gbeŋgyoo Wurubuarɛ yɛna walaŋ ŋon ↄ ne kyↄ maŋ, mena dↄↄ mↄↄ ne yee gyakoloŋ ya. Woŋ te deniwalaŋ waa tale yɛɛ maŋ?" 7Ɛ tↄↄse ɛ siamantena baŋ gyaŋgba bↄↄ yako ŋon Wurubuarɛ nombia ŋan nɛ. Ɛ kɛɛ dinↄↄ kpaakpaa keŋ man bↄↄ kyaa mo ka yeŋ nɛ na ɛ ke kasee wↄ, na ɛ ke kyaŋ ɛ Kristo kelɛɛdi keŋ man keŋkeŋ. 8Nawolo nyi Yesu Kristo bɛɛ kyɛɛkee ya, ↄ kedoobii te ↄ doo. Mena keŋ ↄ doo gyaŋgba nɛ, mena te ↄ doo gyɛŋ te mena mↄ te waa doo kekpaakekpaa. 9Ɛ na yeli balaŋ ka mo kawola nkaraŋkaraŋ ŋaale kaa beo ŋon, na ke wↄŋ ŋon lee gbɛɛ kpaakpaate keŋ man ya. Nawolo nyi Wurubuarɛ bɛrɛɛ keŋ ↄ ba mo boele daa nɛ yɛna kpene keŋ na do da kelɛɛdi doŋ, na weenɛɛ kekↄla mmaraase dↄↄ kedi ya. Mena weenɛɛ kekↄla mmaraase kɛŋa bɛɛ tale kyↄ balaŋ baŋ bee di ŋe dↄↄ nɛ gbɛɛ kamasɛ man ya. 10Gyudatena saese baŋ bↄↄ som Wurubuarɛ kanyaŋ deni dinaa keŋ man nɛ, be man ŋolo be dana gbɛɛ waa kpu na daa na dɛɛ mo da kedeesa abↄↄ ŋan dɛɛ mo lese Wurubuarɛ yele nɛ, fa e dↄ ↄsom deni man ya. 11Kulutoo kamasɛ nɛ Gyudatena sae kegyia ŋon na mo wonembu fatabo gyoo Wurubuarɛ ↄsom deni dinaa keŋ tↄↄmante keŋ man gyu ke deesi sola balaŋ nombiakumɛɛ ŋan bↄↄ yɛɛ nɛ. Mↄna wonembu ŋon dibiliŋ dↄↄ, bɛɛ mo e lee donↄↄ keŋ man gyu ka too e. 12Mena ke mↄ te ba moo Yesu lee Gyerusalɛm donↄↄ keŋ man, te ↄ kenaa diyem yeŋ te ↄ moo ŋon gbagba fatabo gberaa nombiakumɛɛ pou lee balaŋ wose man na baa yɛɛ balaŋ baŋ be gbɛɛneŋ tenɛɛ Wurubuarɛ siaman. 13Yesu dii desɛŋ nideli donↄↄ keŋ nↄↄman. Mena dↄↄ ɛ yela daa mↄ ke wↄŋ da wose lee donↄↄ keŋ man gyu botↄↄ, na daa mↄ kaa di desɛŋ keŋ ↄ be dii nɛ. 14Nawolo nyi dↄↄ dana donↄↄ keŋ dɛɛ kyaa ke man kekpaakekpaa tɛɛle kei dↄↄ ya. Mↄna de sia gyakaa bo donↄↄ keŋ wee daale dɛɛ kaa kyaa ke man kekpaakekpaa nɛ dↄↄ. 15Lee mena dↄↄ daa baŋ dↄↄ tale gyuusu de nↄↄ yako nyi Wurubuarɛ yɛna de Gbeŋgyoo nɛ, da kedeesa keŋ dɛɛ tale mo fa Wurubuarɛ yɛna nyi dɛɛ ta Yesu dↄↄ na dɛɛ do Wurubuarɛ nↄↄ debaŋ kamasɛ. 16Ɛ yɛɛ kakyeŋ na ɛ ke yɛɛ deeli fa dↄŋa debaŋ kamasɛ, na ɛ ke kyↄ dↄŋa mↄ. Nawolo nyi mena abↄↄ kɛŋa keyɛɛ yɛna kedeesa keŋ na gyoo Wurubuarɛ sia. 17Kaboena nyi yaa mo obuo fa ɛ siamantena baŋ, na ɛ ke nyii be dei. Nawolo nyi baŋ ne kɛɛ na ɛ dↄↄ, te wee daale Wurubuarɛ waa bↄↄse ɛ wose man nombia lee be gyaŋ. Akpaa ɛ mo obuo fa wↄ na, baa yɛɛ ba tom keŋ gyoŋ man. Te akpaa ɛ ta mo obuo fa wↄ ya na, bↄↄ gyae baa yɛɛ ba tom keŋ gyoŋ man ya. Dekↄŋ mena na ɛmɛɛ mↄ be gyae ɛ ke nyiŋ tↄnↄↄ daale lee ke man ya. 18Ɛ fane fa daa debaŋ kamasɛ. Da gyeŋ nideli nyi de konↄↄ man nombia bee bu daa fↄↄ ya. Te da kegyaebii mↄ yɛna nyi dɛɛ yɛɛ kpene kamasɛ ke gbɛɛ dↄↄ. 19Mɛɛ waase ŋon nideli nyiaa, ɛ fane fa Wurubuarɛ na maa nyiŋ gbɛɛ kↄŋ ɛ gyaŋ bileŋ. 20Wurubuarɛ gyuusu na de Gbeŋgyoo Yesu lee yeŋ man. Yesu yɛɛ ŋgba namensekɛɛlere ŋon ↄ ne kɛɛ ↄ namense dↄↄ nideli nɛ. Nawolo nyi ŋon gbagba moona ↄ wose deesi fa Wurubuarɛ lee ↄ balaŋ dↄↄ. Ↄ fatabo te Wurubuarɛ moowↄ tↄ nↄↄkebakesee wↄle keŋ ↄ be bake na ↄ balaŋ te ke kyaa kekpaakekpaa nɛ nↄↄ. 21Mɛɛ fane nyi Wurubuarɛ ŋon ↄ ne fa wosefɛɛreŋ nɛ waa fa ŋon abↄↄ kpaakpaa kamasɛ, ŋan ŋe gyae ke kyↄ ŋon na ɛ ke tale yɛɛ ↄ kegyaebii. Mɛɛ fane nyi Wurubuarɛ waa ta Yesu Kristo dↄↄ na waa kyↄ ŋon, na ɛ ke tale yɛɛ kpene keŋ na gyoo ↄ sia. Ŋon Yesu te kaboena nyi dɛɛ lese ↄ yele kekpaakekpaa. Amɛn. 22Me tebia mɛɛ waase ŋon bo nyiaa, ɛ nyiŋ konↄↄ na ɛ ke tei me nombia kyomii ŋan mↄↄ ŋmarase me dana mɛɛ do ŋon kakyeŋ nɛ. 23Mɛɛ gyae ɛ ke nyii nyiaa, be ta lese de dↄↄ Timoti ŋon bↄↄ kyaŋ e tↄ deni nɛ lee deni man. Akpaa ↄ kↄŋ me gyaŋ bileŋ te mɛɛ kↄŋ ɛ gyaŋ nɛ, maa mo e kpu na ma wose na dɛɛ kↄŋ ɛ gyaŋ. 24Mɛɛ do ɛ siamantena baŋ na Wurubuarɛ balaŋ baŋ pou nↄↄ. De tebia baŋ pou bↄↄ lee Itali tɛɛle dↄↄ nɛ mↄ na do ŋon nↄↄ. 25Wurubuarɛ waa mo ↄ bɛrɛɛ boele ɛ popou, na ɛ ke kyaa wosefɛɛreŋ man. Amɛn.

will be added

X\