Efesotena 5

1Ɛmɛɛ baŋ ɛ yɛɛ Wurubuarɛ bia baŋ ↄ ne gyae ɛ nombia nɛ, ɛ yɛɛ kakyeŋ na ɛ kekasee e. 2Ɛ kyaa na dↄŋa gyoŋ man, ŋgba mena keŋ Kristo be gyae daa, te ↄ ba mo ↄ wose yɛɛ ŋgba kedeesa nam, te ba gyoo Wurubuarɛ sia nɛ. 3Te kafoŋ na dinↄↄse kumɛɛ ŋan tekaboena ya, yaa sibii dↄↄ, ɛ na yeli baa baake ŋa yela ɛ man ya. Nawolo nyi ŋan tekaboena Kristotena ya. 4Mena yaa desɛŋ nombia, na diyiŋ ayɛɛsa, na nsendeekum tekaboena ŋon ya, mↄna ɛ fa Wurubuarɛ karaŋ debaŋ kamasɛ. 5Mɛɛ gyae ɛ ka gyeŋ nyi, kafoŋtena yaa baŋ bɛɛ yɛɛ ayimɛɛ nombia na baŋ be dana sibii nɛ betaŋ dekyae Kristo na Wurubuarɛ gyoori keŋ man ya. Nawolo nyi n dana sibii na, abↄↄ na bese bɛɛneŋ bo fa neŋ. 6Ɛ na yeli ŋolo ka mo akɛrɛɛ nↄↄwoya ŋan betaŋ tↄnↄↄ ya nɛ beo ŋon ya, nawolo nyi nombia kɛŋa dↄↄ te Wurubuarɛ baŋ ne kↄŋ balaŋ baŋ ba deŋela dana doŋ nɛ dↄↄ. 7Mena dↄↄ ɛ na mo ɛ wose do na balaŋ kɛwↄ dinↄↄ ya. 8Nafↄ gyaŋgba keŋ na ɛmɛɛ mↄ kyaa ditiŋtɛɛ man, te nɛnɛɛ keŋ ɛ ba bese Kristotena dↄↄ ɛ kyaa keŋmaŋee keŋ man. Lee mena dↄↄ ɛ ta ŋgba balaŋ baŋ be kyaa keŋmaŋee keŋ man nɛ. 9Keŋmaŋee kei tↄnↄↄ yɛna nyi, balaŋ ne yɛɛ abↄↄ kpaakpaa na abↄↄ ŋan tenɛɛ te bee di anokoare mↄ. 10Ɛ yɛɛ kakyeŋ na ɛ ke yɛɛ kpene kamasɛ keŋ gyae ke yɛɛ de Gbeŋgyoo Wurubuarɛ gyoŋ. 11Ɛ na mo ɛ wose do na balaŋ baŋ bɛɛ yɛɛ ditiŋtɛɛ man abↄↄ ŋan betaŋ tↄnↄↄ nɛ ya. Mↄna ɛ lese mena ditiŋtɛɛ man abↄↄ kumɛɛ ŋenaŋ debↄↄ. 12Yɛɛ desɛŋ ke gba nyi ɛmɛɛ mↄ yaa yↄↄ nombiakumɛɛ ŋan balaŋ ne yɛɛ ditiŋtɛɛ man nɛ afa. 13Te kpene kamasɛ keŋ keŋmaŋee keŋ da lee ke dↄↄ na, kɛɛ lese ke dinↄↄ gbagba wola. 14Nawolo nyi keŋmaŋee keŋ ne yɛɛ la balaŋ ne naa kpene kamasɛ keŋ nafↄ weesɛɛ nɛ dinↄↄ. Mena dↄↄ te be Wurubuarɛ nombia aŋmaraseŋ see ne yako nyiaa, "Nyaŋ ŋon n be doo nɛ foŋ lee n dosoroŋ man, Foŋ lee n yeŋ man. Na Kristo keŋmaŋee keŋ ke kↄŋ n man." 15Ɛ kɛɛ ɛ keta man nideli. Ɛ na tɛɛ ŋgba ayiŋtena ya, mↄna ɛ ta ŋgba siakaralatena nɛ. 16Te debaŋ kamasɛ keŋ ɛ nyim na, ɛ mo yɛɛ kolo kpaakpaa. Ɛ na yeli debaŋ ke laŋ ŋon ya, nawolo nyi nɛnɛɛ nombiakumɛɛ keyɛɛ ta boo. 17Mena dↄↄ ɛ na gyim ya, ɛ yɛɛ kakyeŋ na ɛ ka gyeŋ kpene keŋ Wurubuarɛ ne gyae ɛ ke yɛɛ nɛ. 18Ɛ na dɛɛse ya, nawolo nyi soloŋ kedɛɛse ne wↄlɛɛ walaŋ bo. Mↄna ɛ yela Wurubuarɛ feliŋ ŋon ke doo ɛ man nideli. 19Ɛ mo nombia ŋan doo Wurubuarɛ nↄↄneŋse man nɛ do dↄŋa kakyeŋ. Ɛ mo nↄↄneŋ kekpee na suya kegyↄ keŋ ba lee ɛ konↄↄse man nɛ lese de Gbeŋgyoo Wurubuarɛ yele. 20Debaŋ kamasɛ na ɛ ta de Gbeŋgyoo Yesu Kristo dↄↄ fa de kya Wurubuarɛ karaŋ lee kpene kamasɛ man. 21Keŋ Wurubuarɛ keyee doo ɛ man dↄↄ, ɛ yↄkↄse ɛ wose fa dↄŋa debaŋ kamasɛ. 22Ala, ɛ yↄkↄse ɛ wose fa ɛ baala kpene kamasɛ man, ŋgba mena keŋ ɛ ne yↄkↄse ɛ wose fa de Gbeŋgyoo nɛ. 23Nawolo nyi baale ŋon ne diina doŋ ↄ wɛɛle ŋon dↄↄ, ŋgba mena keŋ Kristo ne di doŋ Kristotena dikpii keŋ dↄↄ nɛ. Te Kristo kei gbagba lɛɛ na balaŋ baŋ be doo Kristotena dikpii keŋ yɛɛ ↄ wose ke nɛ nyee. 24Mena dↄↄ alo kamasɛ waa yↄkↄse ↄ wose fa ↄ baale kpene kamasɛ man, ŋgba mena keŋ Kristotena dikpii keŋ ne yↄkↄse ka wose fa Kristo nɛ. 25Baala, ɛ gyae ɛ wɛɛla nombia ŋgba mena keŋ Kristo ne gyae Kristotena dikpii keŋ nombia, te ↄ ba yem fa ke nɛ. 26Kristo yeŋawↄ fa Kristotena dikpii keŋ, te ↄ moo ↄ nombia ŋan yɛɛ ŋgba loŋ nɛ, faafo balaŋ baŋ be doo Kristotena dikpii keŋ man lese ba ayimɛɛ te ↄ moo wↄ see fa Wurubuarɛ. 27Ↄ yɛɛ kei na waa nyiŋ mo Kristotena dikpii kei kↄŋ ŋon gbagba ↄ siaman kaa yɛɛ ↄ wui, keŋ gyaŋtare yaa ayimɛɛ, yaa nombiikum kamasɛ be doo ka wose man ya. 28Mena ke mↄ te kaboena nyi baala baa gyae be wɛɛla nombia, ŋgba mena keŋ bɛɛ gyae baŋ gbagba ba wose nɛ. Baale ŋon ↄ ne gyae ↄ wɛɛle nombia nɛ, ne gyae ŋon gbagba ↄ wose baa. 29Ŋolo be kyaa keŋ ↄ ne kↄla ŋon gbagba ↄ wose ya, mↄna ↄ ne desina ke te ↄ ne kɛɛ ke dↄↄ mↄ. Nnɛ mↄ yaa Kristo mↄ ne desina, te ↄ ne kɛɛ Kristotena dikpii keŋ dↄↄ, nawolo nyi de yɛɛ ↄ wose man balaŋwↄ. 31Keŋ dↄↄ te Wurubuarɛ nombia aŋmaraseŋ see ne yako nyiaa, "Lee mena dↄↄ baale waa lee ↄ kya na ↄ naa gyaŋ, na waa gyu ke kpu na ↄ wɛɛle na ŋon na e ka bese walaŋ dokoloŋ." 32Mena nombii kei yɛɛ nombii keŋ ke dana yuŋ te ŋolo mↄ be tale nyii ka asɛɛ ya. Te maŋ dↄↄ ma gyeŋ nyi Kristo na balaŋ baŋ bↄↄ lɛɛ e di nɛ wose man nombia yaa bɛɛ yako. 33Mena dↄↄ kaboena nyi baale kamasɛ mↄ waa gyae ↄ wɛɛle ŋgba ŋon gbagba ↄ wose nɛ, na alo kamasɛ mↄ ke yↄkↄse ↄ wose fa ↄ baale.

will be added

X\