3 Gyↄn 1

1Maŋ kegyia Gyↄn ŋon ne ŋmarasena tↄne kei mee yelee nyaŋ me gyoo kpaakpaa Gayose ŋon mɛɛ gyae neŋ lee me konↄↄ man nɛ. 2Me gyoo kpaakpaa, mɛɛ fane nyi kpene kamasɛ dɛɛ de fa neŋ, na n ke kyaa wosedoŋ man ŋgba mena keŋ n dↄŋɛɛ Kristo gbɛɛneŋ dↄↄ nideli nɛ. 3Yɛɛ maŋ gyoŋ debaŋ keŋ de tebia Kristotena baale be kↄŋ kaa yako maŋ nyi n dana anokoare keŋ man nideli debaŋ kamasɛ nɛ. Te maŋ gbagba mↄ ma gyeŋ nyi n dↄŋɛɛ anokoare keŋ man nideli. 4Kolo bɛɛ yɛɛ maŋ gyoŋ nideli ŋgba me nyii nyi me bia silana anokoare keŋ nɛ ya. 5Me gyoo kpaakpaa, n dana anokoare ŋgba mena keŋ n ne kɛɛ da loŋtona Kristotena dↄↄ na baŋ gba be yɛɛ ŋↄↄlawↄ nɛ. 6Be man baale te yako daa Kristotena baŋ de kyaa kɛbo nɛ mena keŋ n ne gyae balaŋ. Be kↄŋ bee gyu na, yɛɛ kakyeŋ na n ka lese n konↄↄ man lↄ wↄ gbɛɛ, ŋgba mena keŋ Wurubuarɛ ne gyae nɛ. 7Nawolo nyi lee Kristo yele man dↄↄ te be dↄŋɛɛ, te bↄↄ ne lɛɛ kolo lee baŋ ba te yɛɛ Kristotenawↄ ya nɛ gyaŋ ya. 8Mena dↄↄ daa Kristotena te kaboena nyi dɛɛ tela balaŋ kɛwↄ dinↄↄ nideli, na daa na wↄ ke yɛɛ nↄↄdokoloŋ na dee nyiŋ yako anokoare nombia ŋan Wurubuarɛ ba lese wola nɛ fa balaŋ. 9Ma te taŋgbɛɛ ŋmarase tↄne yelee ɛmɛɛ Kristotena baŋ ɛ kyaa botↄↄ nɛ, mↄna Dioterefese bɛɛ mo nombia ŋan mↄↄ ŋmarase yelee ŋon nɛ yɛɛ kolo ya. Nawolo nyi ↄ kegyaebii yɛna nyi ŋon ke yɛɛ ɛ siamante. 10Mena dↄↄ akpaa me kↄŋ na maa lese nombia ŋan ↄ ne yɛɛ nɛ pou debↄↄ. Ↄ dↄŋ ↄ ne di akɛrɛɛ wↄlɛɛ da yele. Kɛŋa pou bɛɛ baa e ya, kenaŋ wↄle na ↄ ne bɛɛ de tebia Kristotena baŋ be dↄŋɛɛ bɛɛ yako Wurubuarɛ nombia nɛ kelɛɛ. Te ↄ ne tↄ baŋ bɛɛ gyae baa lɛɛ wↄ nɛ gbɛɛ, te ↄ ne gegi wↄ gba lee Kristotena baŋ man. 11Me gyoo kpaakpaa, na kasee dukum keyɛɛ ya mↄna kasee deeli keyɛɛ. Nyaŋ ŋon n ne yɛɛ deeli na, n yɛɛ Wurubuarɛ bu e, te nyaŋ ŋon n ne yɛɛ dukum na n ba gyeŋ Wurubuarɛ ya. 12Walaŋ kamasɛ ne di adansɛɛ lee Demetiriyu wose man nyi ↄ yɛɛ walaŋ kpaakpaa e. Te mena keŋ ↄ ne sila Wurubuarɛ anokoare keŋ nɛ nawolo nyi ↄ yɛɛ walaŋ kpaakpaa e. Te daa gbagba mↄ ne di adansɛɛ lee ↄ wose man nyi ↄ yɛɛ walaŋ kpaakpaa e, te ɛ gyeŋ nyi nombia ŋan pou dɛɛ yako nɛ yɛɛ anokoare. 13Me dana nombia burum maa yako neŋ, mↄna me bɛɛ gyae maa ŋmarase ŋa do tↄne man ya. 14Me loo doo nyi maa kↄŋ kaa naa neŋ weeya ala kɛŋa. Wurubuarɛ waa fa neŋ wosefɛɛreŋ. N tebia baŋ be kyaa kɛbo nɛ pou na do neŋ nↄↄ. Do de tebia baŋ pou be kyaa botↄↄ nɛ walaŋ kamasɛ nↄↄ fa maŋ.

will be added

X\