2 Timoti 1

1Tↄne kei lee maŋ Pↄↄl gyaŋ. Mɛɛ ŋmarase ke mee yelee nyaŋ me bu gyaagyi Timoti. Wurubuarɛ kegyaebii man te ↄ lese maŋ nyi maa yɛɛ Yesu Kristo kpilale. Ↄ kpila maŋ nyi maa gyu ke yako nyeekelɛɛ nombia ŋan ↄ be yako see nyi dee nyiŋ lee daa na Yesu Kristo dokoloŋ keyɛɛ man dↄↄ nɛ fa balaŋ. De kya Wurubuarɛ na de Gbeŋgyoo Yesu Kristo baa mo be bɛrɛɛ boele neŋ, na baa wii n waraŋase na baa fa neŋ wosefɛɛreŋ. 3Debaŋ kamasɛ keŋ mɛɛ fane na, mɛɛ tↄↄse neŋ te mɛɛ fa Wurubuarɛ mↄ karaŋ. Mɛɛ som e lee me konↄↄ kpaakpaa man ŋgba mena keŋ me naanaↄ be yɛɛ nɛ. 4Mɛɛ tↄↄse debaŋ keŋ mↄↄ tina neŋ yela te n be wii nɛ. Mena dↄↄ me loo gyakaa nyi maa naa neŋ na me wↄe ke fɛɛ maŋ. 5Mɛɛ tↄↄse mena keŋ n ba mo n konↄↄ pou lɛɛ Yesu Kristo di ŋgba mena keŋ n naana alo Lↄise na n naa Yunisi be lɛɛ di nɛ. Ma gyeŋ mↄ nyi nyaŋ mↄ n sɛɛ n dana mena kelɛɛdi kenaŋ. 6Mena dↄↄ mɛɛ tↄↄse neŋ nyiaa, kpene keŋ Wurubuarɛ ba mo fa neŋ debaŋ keŋ mↄↄ mo me nyiŋmaa gyakaa n dↄↄ nɛ, kɛɛ na n ke kyaŋ ke nideli keŋ kↄↄ lee n nyiŋmaa man ya. 7Nawolo nyi Wurubuarɛ te fa daa feliŋ ŋon gyae ka do daa gyakoloŋ ya. Mↄna feliŋ ŋon gyae ka do daa doŋ te kee yeli, dɛɛ gyae balaŋ te kee yeli dɛɛ tale di da wose dↄↄ nɛ te ↄ faa daa. 8Na yeli desɛŋ ke kyaŋ neŋ lee de Gbeŋgyoo nyeekelɛɛ nombia ŋan keyako man ya. Mena mↄ te na yeli desɛŋ ke kyaŋ neŋ nyi ba te kyaŋ maŋ do deni man ya. Mↄna lee Wurubuarɛ doŋ keŋ dↄↄ, nyaŋ mↄ yɛɛ kakyeŋ na n kena diyem nyeekelɛɛ nombia ŋan keyako man ŋgba maŋ nɛ. 9Ŋon Wurubuarɛ lɛɛ na da nyee, te ↄ baake daa nyi de kaa bese ↄ bia. Na de nombia ŋan dↄↄ yɛɛ nɛ dↄↄ te ↄ baake daa ya, mↄna lee mena keŋ ŋon gbagba be wulaa yako see dↄↄ te ↄ boele daa. Wurubuarɛ tɛɛwↄ ↄ bu Yesu Kristo dↄↄ mo ↄ bɛrɛɛ kei boele daa pɛte ↄ yɛɛ kpene kamasɛ 10Mↄna nɛnɛɛ ↄ ta lese ↄ bɛrɛɛ keŋ wola lee da nyeelɛɛre Yesu Kristo kekↄŋ man. Ŋon diina yeŋ dↄↄ te ↄ tɛɛwↄ nyeekelɛɛ nombia kpaakpaa ŋan dↄↄ wola daa gbɛɛ keŋ dɛɛ mo nyiŋ nyeedoŋ kekpaa keŋ. 11Wurubuarɛ lese na maŋ nyi maa yɛɛ ↄ kpilale na maa ta kolosi na maa wola ↄ nombia ŋan. 12Lee kei dↄↄ te mɛɛ naa diyem ma anenaaŋ kei. Mↄna desɛŋ be dana maŋ ya, nawolo nyi ma gyeŋ walaŋ ŋon mↄↄ lɛɛ e di. Te mɛɛ lɛɛ di nideli mↄ nyi waa tale kɛɛ kpene keŋ mↄↄ mo do e ↄ nyiŋmaa maŋ nɛ dↄↄ nideli kelii wee keŋ waa bese kↄŋ nɛ. 13Tela nombia kpaakpaa ŋan n be nyii lee me gyaŋ nɛ nideli, na n ka mo ŋa yɛɛ gbɛɛ keŋ nyaŋ ke sila. Tela kelɛɛdi na balaŋ kegyae keŋ dↄↄ nyim lee Kristo Yesu dↄↄ nɛ nideli. 14Tela kpene keŋ Wurubuarɛ feliŋ ŋon ↄ doo de man ba do n nyiŋmaa man nɛ nideli. 15N gyeŋ nyi Kristotena baŋ bↄↄ lee Esia tɛɛle man nɛ pou te bɛɛ maŋ. Be man baale yɛna Figeluse na Hɛmogenese. 16Mↄna Onesiforuse dↄↄ Wurubuarɛ waa wii ŋon na ↄ dekpaŋalaŋmantena pou waraŋase, nawolo nyi ↄ ne yeli ma wose ne fɛɛ maŋ te bɛɛ yɛɛ e desɛŋ gba nyi ba te kyaŋ maŋ tↄ deni ya. 17Kenaŋ wↄle koraŋ na ↄ ka gyoo Roman donↄↄ man na ↄ yɛɛ kakyeŋ kɛo maŋ kaboena ↄ naa maŋ. 18De Gbeŋgyoo Wurubuarɛ waa yela de Gbeŋgyoo Yesu ke wii ↄ waraŋase ↄ wee dinaa keŋ waa bese kↄŋ nɛ man. N gyeŋ mena keŋ ↄ be kyↄ maŋ lee gbɛɛneŋ burum man debaŋ keŋ me kyaa Efeso donↄↄ man nɛ.

will be added

X\