1 De tebia, nombia ŋan be kaa mɛɛ gyae maa yako ŋon yɛna nyi ɛ fane fa daa, na de Gbeŋgyoo Yesu nombia ŋan ke nyiŋ gbɛɛ yaasee bileŋbileŋ na balaŋ ke lɛɛ ŋa di obuo man ŋgba mena keŋ ɛ be lɛɛ ŋa di obuo man nɛ. 2 Ɛ bese fane nyi Wurubuarɛ waa lese daa lee nombiakumɛɛ na balaŋ kumɛɛ nyiŋmaa man, nawolo nyi na balaŋ pou lɛɛ na Wurubuarɛ di ya. 3 Wurubuarɛ yɛɛ walaŋ ŋon ↄ ne di ↄ nombia dↄↄ, mena dↄↄ waa do ŋon doŋ na waa kɛɛ ɛ dↄↄ keŋ nyi ɛ ba gyoo walaŋkum ŋon nyiŋmaa man ya. 4 Dɛɛ lɛɛ di lee de Gbeŋgyoo Yesu yele man nyi ɛ ne yɛɛ nombia ŋan dↄↄ wola ŋon nɛ. Te dɛɛ lɛɛ di mↄ nyi ɛ ke yɛɛ mena kelii ↄto. 5 Dɛɛ sola de Gbeŋgyoo nyi waa desina ɛ konↄↄse na ɛ ka gyeŋ kegyae keŋ Wurubuarɛ ne gyae ŋon nɛ, na ɛ ke nyiŋ konↄↄ seŋ kayeyɛɛ man ŋgba mena keŋ Kristo mↄ be nyiŋ konↄↄ seŋ nɛ. 6 De tebia, dɛɛ faree ŋon lee Yesu Kristo yele man nyiaa, Kristobaale kamasɛ ŋon ↄ yɛɛ kebↄŋalete e te ↄ nombia ayɛɛsa mↄ bɛɛ kyaa na nombia ŋan dↄↄ wola ŋon ya nɛ, ɛ wↄŋ ɛ wose lee mena walaŋ ŋonaŋ man. 7 Ɛmɛɛ gbagba ɛ gyeŋ mena keŋ kaboena nyi yaa kasee daa, nawolo nyi debaŋ keŋ de kyaa ɛ gyaŋ nɛ da te yɛɛ kebↄŋale ya. 8 Mena mↄ te de te di ŋolo weenɛɛ yakaa keŋ nyi da te tↄ e kom ya. Mↄna de yase de sia kyaŋ da wose yɛɛ tom nideli nelim na ka weese, na dↄↄ nyiŋ bese kasolↄ ɛ man ŋolo dↄↄ ya. 9 Ka te yɛɛ nyi gbɛɛ be doo keŋ nyi dɛɛ lɛɛ kolo lee ɛ gyaŋ bo dↄↄ te de yɛɛ tom mena ya, mↄna de yɛe mena na kabese kolo kekasee fa ŋon na ɛ ke nyiŋ kasee daa. 10 Debaŋ keŋ de kyaa ɛ gyaŋ koraŋ na de faa ŋon mmaraa nyiaa, "Nyi akpaa ŋolo bɛɛ gyae nyi waa yɛɛ tom ya nɛ, tekaboena nyi waa di ya." 11 De te nyii nyi ɛ man balaŋ baale dↄŋɛɛ keŋ bↄↄ ne yɛɛ tom daale ya. Be dↄŋ bo bɛɛ do be nↄↄse balaŋ nombia man. 12 Mena dↄↄ dɛɛ faree mena balaŋ benaŋ te dɛɛ do wↄ kakyeŋ de Gbeŋgyoo Yesu Kristo yele man nyiaa, baa tisi kyaa ba mokↄↄ dↄↄ na baa yɛɛ tom na baa nyiŋ kolo do be nↄↄman. 13 De tebia, ɛmɛɛ dↄↄ ɛ na yela nombia kpaakpaa keyɛɛ ke takaa ŋon ya. 14 Akpaa ŋolo te di de nombia ŋan doo tↄne kei man dↄↄ ya nɛ, ɛ mo ɛ sia gyakaa ↄ dↄↄ na ɛ ke wↄŋ ɛ wose lee ↄ man, na desɛŋ kenyiŋ kyaŋ e. 15 Mↄna ɛ na kɛɛ e nyi ↄ yɛɛ ɛ kↄlare e ya, ɛ faree e ŋgba ɛ dↄↄ Kristobaale nɛ. 16 Nɛnɛɛ dɛɛ fane nyi Yesu Kristo ŋon ↄ yɛɛ wosefɛɛreŋ Gbeŋgyoo e nɛ, waa fa ŋon wosefɛɛreŋ abↄↄ pou man debaŋ kamasɛ na waa kpu na ɛ popou. 17 Maŋ Pↄↄl gbagba moona me nyiŋmaa ŋmarase nↄↄkado tↄne kei mee yelee ŋon nɛ. Mena keŋmarase kei te mɛɛ ŋmarase me tↄna pou man lese wola nyi maŋ ŋmarase la. 18 De Gbeŋgyoo Yesu Kristo waa mo ↄ bɛrɛɛ boele ɛ popou na waa seŋ ɛ wↄle.
