2 Korintotena 3

1Nombia da ayakoŋ kɛŋa nɛ, nawolo nyi da bese yaa dɛɛ kɛlɛɛ da wose baa yaa? Yaa kaboena nyi dɛɛ tela tↄne keŋ gyae ka lese daa wola nɛ kↄna ŋon? Yaa dɛɛ lɛɛ tↄne keŋ gyae ka lese daa wola nɛ lee ɛ gyaŋ, ŋgba mena keŋ baale ne yɛɛ nɛ? 2Tekaboena nyi dɛɛ yɛɛ mena ya, nawolo nyi ɛmɛɛ gbagba yɛna tↄne keŋ na lese de dinↄↄ wola, keŋ Kristo be ŋmarase do de konↄↄse man nɛ. Mena dↄↄ ɛmɛɛ yɛna tↄne keŋ walaŋ kamasɛ waa kala na waa naa de dinↄↄ. 3Mena dↄↄ ɛmɛɛ na wola la nyi, ɛmɛɛ yɛna Kristo tↄne keŋ be tɛɛ de dↄↄ kↄŋ nɛ. Kei te yɛɛ tↄne keŋ bↄↄ mo nyiŋmaa yakaa ŋmarase ya. Mↄna Wurubuarɛ feliŋ te ba moowↄ ŋmarase ke. Ka te yɛɛ ŋgba mena keŋ gyaŋgbatena ne ŋmarase gyakaa boya paŋsapaŋsa dↄↄ nɛ ya, mↄna be ŋmarase ŋa bo do deniwalaŋ konↄↄ man. 4Dɛɛ yako mena nombia kɛŋa pou nawolo nyi, dɛɛ lɛɛ Wurubuarɛ di lee Kristo yele man. 5Daa gbagba de doŋ man na, nafↄ da tekaboena tom kei keyɛɛ ya. Nawolo nyi daa gbagba bɛɛ tale yɛɛ kolo de baam dↄↄ ya. De doŋ pou lee Wurubuarɛ gyaŋ. 6Ŋon faa na daa doŋ te de kaa bese Wurubuarɛ nↄↄkebakesee wↄle keŋ somra. Nↄↄkebakesee wↄle kei doŋ ta lee mmaraase ŋan bↄↄ ŋmarase see nɛ man ya, mↄna doŋ kenaŋ lee Wurubuarɛ feliŋ ŋon gyaŋ. Nawolo nyi mmaraase ŋan bↄↄ ŋmarase see nɛ ne kↄna yeŋ. Mↄna Wurubuarɛ feliŋ ŋon dↄↄ, ŋon ne fa nyeedoŋ bo. 7Mosesi mmaraase ŋan dↄↄ, be ŋmarase ŋa bo gyakaa boya patalapatala dↄↄ. Te debaŋ keŋ Wurubuarɛ ba mo mmaraase ŋan fa ŋon Mosesi nɛ, ŋe kↄŋae Wurubuarɛ gyoorobiiri man te ke yela Mosesi siagbɛɛ ŋalakeewↄ keŋ Iseraetena te tale kɛɛ ↄ siagbɛɛ ya. Mↄna mena keŋalakee kenaŋ dↄↄ, na ke nↄↄ na yem. Mena dↄↄ akpaa nyi Mosesi mmaraase ŋan na mo yeŋ kↄŋ nɛ, kↄŋae na Wurubuarɛ gyoorobiiri keŋ na, 8kenaŋ na Wurubuarɛ feliŋ ŋon ↄ ne fa nyeedoŋ nɛ, wui gyoorobiiri be gyae ka kela kei yee? 9Nyi akpaa ↄsom keŋ ne bu balaŋ fↄↄ nɛ dana gyoorobiiri mena na, kenaŋ na ↄ som keŋ ne yele balaŋ gbɛɛneŋ na tenee Wurubuarɛ siaman nɛ, wui gyoorobiiri be gyae ka kela kenaŋ yee? 10Gyoorobiiri keŋ ke kyaa debaŋ kei nɛ dↄↄ, te yeli gyoorobiiri keŋ nafↄ ke kyaa gyaŋgba keŋ nɛ te ŋaalaa. 11Akpaa nyi keŋ ka te kyaa kekpaa ya nɛ kↄŋawↄ na gyoorobiiri na, kenaŋ na keŋ gyae ke kyaa kekpaakekpaa nɛ wui gyoorobiiri gyae ka bo kela ke. 12Keŋ de dana mena loo kegyakaa kei dↄↄ, te dɛɛ tale gyↄ de konↄↄ kolosi. 13Daa be doo ŋgba Mosesi ŋon ↄ ba mo kolo wu ↄ siagbɛɛ, na Iseraetena be nyiŋ naa ↄ siagbɛɛ debaŋ keŋ keŋalakee keŋ nↄↄ na yem nɛ ya. 14Ke yɛɛ anokoare ke nyi, na ba agyueŋse ta toro ta na baa nyii Wurubuarɛ nombia ŋan man ya. Te kaa lii na gyɛŋ kei nɛ, akpaa bɛɛ kala Wurubuarɛ nombia ŋan doo nↄↄkebakesee bene keŋ man nɛ, bↄↄ ne nyii ŋe man ya. Na yɛɛ yaa ŋgba kolo sɛɛ wuɛ ba agyueŋse dↄↄ nɛ. Nawolo nyi de Gbeŋgyoo Kristo kelɛɛdi kaageŋ ne gyae la ke tale gyuusu walaŋ agyueŋ, na ↄ kala Wurubuarɛ nombia ŋan na, waa tale nyii ŋe man. 15Kaa lii na gyɛŋ kei koraŋ nɛ, akpaa Iseraetena de kala Mosesi mmaraase ŋan na, bↄↄ ne nyii ŋe man ya. Yɛɛ yaa ŋgba kolo sɛɛ wuɛ ba agyueŋse dↄↄ nɛ. 16Mↄna akpaa nyi ŋolo da mo ↄ wose fa de Gbeŋgyoo Kristo na, waa gyuusu kpene keŋ wuɛ walaŋ ŋonaŋ agyueŋ dↄↄ nɛ, na waa nyii ↄ nombia ŋan man. 17Nawolo nyi de Gbeŋgyoo Kristo na Wurubuarɛ feliŋ ŋon yɛɛ dokoloŋ. Te botↄↄ keŋ de Gbeŋgyoo feliŋ ŋon kyaa na, walaŋ ne nyiŋ ↄ wose lee mmaraase ŋan tɛɛ. 18Te daa baŋ kolo be wuɛ de siagbɛɛ ya nɛ, dɛɛ lese de Gbeŋgyoo gyoorobiiri keŋ wola. Wurubuarɛ feliŋ ŋon ne kyɛɛkee de dinↄↄ na ke yɛɛ ŋgba Kristo dinↄↄ nɛ, te debaŋ kamasɛ mↄ na dee nyiŋ ↄ gyoorobiiri keŋ kpu. Mena nombia kɛŋa lee de Gbeŋgyoo Kristo gyaŋ. Ŋon mↄ yɛna Wurubuarɛ feliŋ ŋon.

will be added

X\