1 Tesalonikatena 2

1Me tebia, ɛmɛɛ gbagba ɛ gyeŋ nyi da kekↄŋ keŋ dↄↄ kↄŋ ɛ gyaŋ nɛ te yɛɛ yakaa ya. 2Ɛ gyeŋ mena keŋ bↄↄ naase daa diyem, te bↄↄ fulu daa Filipi donↄↄ man pɛte dↄↄ kↄŋ kaa lii ɛ gyaŋ. Mↄna keŋ na balaŋ ka koro seŋ tia daa koraŋ nɛ, Wurubuarɛ doo daa kakyeŋ te de gyↄↄ de konↄↄ kolosi ↄ nombia kpaakpaa ŋan fa ŋon. 3Nawolo nyi de nombia ŋan dɛɛ yako nɛ, te yɛɛ dekara yaa adao nombia ya. Te na dɛɛ gyae bo nyi dɛɛ kↄ ɛ nyeeya man di dↄↄ te dɛɛ yako ŋon mena nombia ŋenaŋ ya. 4Mↄna Wurubuarɛ lɛɛ na daa do, te ↄ mo nyeedoŋ nombia kɛŋa kekolosi do daa de nyiŋmaa man. Na denibalaŋ kegyaebii yaa dɛɛ yɛɛ ya, mↄna Wurubuarɛ ŋon ↄ gyeŋ de konↄↄse man nɛ kegyaebii yaa dɛɛ yɛɛ. 5Ɛ gyeŋ nideli nyi de ta mo nↄↄwoya ŋan ŋe dana gyoŋ, yaa kabeo nombia kↄŋ ɛ gyaŋ na dɛɛ mo nyiŋ kolo lee ɛ gyaŋ ya. Wurubuarɛ gbagba yɛna da adansɛɛte lee mena nombia kɛŋa man. 6Da te yɛɛ de nombia na ɛmɛɛ yaa ŋolo ke kɛlɛɛ daa ya. Lee mena keŋ de yɛɛ Kristo kpilalawↄ dↄↄ nɛ, nafↄ gbɛɛ doo nyi dɛɛ mo da wose lↄ ɛ dↄↄ. 7Mↄna de yↄkↄse da wose kyaa na ŋon, ŋgba mena keŋ talabo ne kɛɛ ↄ bia dↄↄ nɛ. 8Mena keŋ dɛɛ gyae ɛ nombia nideli dↄↄ, na Wurubuarɛ nombia ŋan ŋaageŋ te da moowↄ kↄna ŋon ya. Mↄna da moo daa gbagba da wose kpu fa ŋon gyoŋ man, nawolo nyi ɛ ta bese balaŋ baŋ ɛ nombia doo de konↄↄ man nideli. 9Me tebia, ma gyeŋ nyi ɛ ne tↄↄse mena keŋ dↄↄ yɛɛ tom na kaale nɛ. Debaŋ keŋ dee kolosi Wurubuarɛ nyeedoŋ nombia ŋan fa ŋon nɛ, de yɛɛ tom nelim na ka weese, na dↄↄ nyiŋ mo de kasolↄ lↄ ŋolo dↄↄ ya. 10Ɛmɛɛ Kristotena na Wurubuarɛ ne diina adansɛɛ fa daa nyi, debaŋ keŋ de kyaa ɛ gyaŋ na da wose be dana ayimɛɛ ya. De gbɛɛneŋ tenɛɛ te da wose mↄ be dana nombiikum daale ya. 11Ɛ gyeŋ nyi da tela ŋon ŋgba mena keŋ kya na tela ↄ bia nɛ. 12Da wola ŋon kpene keŋ dei, te da doo ŋon kakyeŋ te de kolosiwↄ fa ŋon na ɛ kekyaabii ke nyiŋ kaboena Wurubuarɛ ŋon ↄ be baake ŋon kↄŋ ↄ gyoori na ↄ gyoorobiiri keŋ man nɛ. 13Dɛɛ do Wurubuarɛ nↄↄ debaŋ kamasɛ, nawolo nyi debaŋ keŋ ɛ be nyii Wurubuarɛ nombia ŋan lee de gyaŋ nɛ, ɛ te lɛɛ nombia ŋenaŋ ŋgba denibalaŋ nombia nɛ ya. Mↄna ɛ lɛɛ ŋa di nyi ŋe yɛɛ Wurubuarɛ nombia ŋa ampaŋ. Mena nombia kɛŋa ne yɛɛ na tom ɛmɛɛ baŋ ɛ be lɛɛ di nɛ man. 14De tebia, da te naa nyi ɛmɛɛ mↄ ɛ yɛɛ ŋgba Wurubuarɛ balaŋ baŋ be yɛɛ Kristo Yesu wui, te be kyaa Gyudia tɛɛle man nɛ. Nawolo nyi ɛ naa diyem ɛ tebia nyiŋmaa man, ŋgba mena keŋ baŋ mↄ be naa diyem be tebia Gyudatena nyiŋmaa man nɛ. 15Baŋ Gyudatena benaŋ koona de Gbeŋgyoo Yesu, na Wurubuarɛ akpeŋkpeŋgyↄↄra, te be naase daa mↄ diyem gegi daa lee be donↄↄse man. Be nombia bɛɛ gyoo Wurubuarɛ sia ya, te bↄↄ ne gyae balaŋ mↄ nombia ya. 16Nawolo nyi be ta koro seŋ tↄ daa gbɛɛ, na dↄↄ nyiŋ kolosi nyeedoŋ nombia ŋan fa balaŋ baŋ ba te yɛɛ Gyudatenawↄ ya nɛ, na Wurubuarɛ ke nyiŋ lɛɛ ba nyee ya. Kei te yeli be nombiakumɛɛ ta boo kpu, mena dↄↄ Wurubuarɛ ta gyeŋ baŋ nyi waa wↄŋ ba deŋele. 17De tebia, ba ke yela daa na ŋon nsana ketira te dii ta weeya ya. Keŋ na de kyaa lem na lem de bɛɛ naa dↄŋa koraŋ ya nɛ, ɛ nombia doo de konↄↄ man nideli. Mena dↄↄ dɛɛ gyae gbɛɛ nideli nyi dɛɛ bese kↄŋ kaa kɛɛ ŋon. 18Nafↄ de gyae gbɛɛ nyi dɛɛ kↄŋ ɛ gyaŋ. Tuturu na, maŋ Pↄↄl gbagba yɛɛ kakyeŋ agbaatee agbaatee nyi maa kↄŋ ɛ gyaŋ, mↄna ↄbↄnsam te yeli dee nyiŋ gbɛɛ ya. 19De gyaewↄ nyi dɛɛ bese kↄŋ kaa naa ŋon, nawolo nyi da gyeŋ nyi ɛ seŋɛɛ ɛ kelɛɛdi man nideli. Mena dↄↄ de loo gyakaa ɛ dↄↄ nideli nyi, wee keŋ de Gbeŋgyoo Yesu waa bese kↄŋ nɛ, ɛmɛɛ ne gyae la ɛ ke yela waa kɛlɛɛ daa na dee nyiŋ yele na de sia kagye ↄ siaman. 20Kegbagba na, ɛmɛɛ ne gyae la ɛ ke yela dee nyiŋ yele na dee di gyoŋ.

will be added

X\