1 Korintotena 5

1Balaŋ te yeli me te nyii nyi kafoŋ kum daale dinↄↄ ta gyoo ɛ man, keŋ ɛ man baale gba ne doo na be kyaↄ wɛɛla. Mena dinↄↄ kum kei be doo banɛɛ somra man gba koraŋ ya. 2Mↄna ke dana ŋon gyoŋ te ɛ ne gyina ɛ wose adido. Nafↄ kaboena bo nyi nombia ŋenaŋ dɛɛ takaa ŋon na ke yɛɛ ŋon desɛŋ, na ɛ ka lese walaŋ ŋon ↄ be yɛɛ mena nombia ŋenaŋ dinↄↄ nɛ lee ɛ dikpii keŋ man. 3Doo nyi maŋ gbagba be kyaa ɛ gyaŋ koraŋ ya nɛ, me konↄↄ man na me kyaa ɛ gyaŋ. Mena dↄↄ me taŋ ke wulaa bu walaŋ ŋon ↄ be yɛɛ mena nombia nkaraŋkaraŋ ŋenaŋ nɛ fↄↄ lee de Gbeŋgyoo Yesu yele man, ŋgba maŋ gbagba kyaa ɛ gyaŋ bo nɛ. 4Debaŋ keŋ ɛmɛɛ Kristotena ɛ gyaŋee de Gbeŋgyoo Yesu yele man, te me konↄↄ man na me kyaa ɛ gyaŋ, te de Gbeŋgyoo Yesu doŋ keŋ doo ɛ man nɛ, 5ɛ mo mena walaŋ ŋonaŋ do ↄbↄnsam nyiŋmaa man, na waa naase ↄ wosenaane diyem, na Wurubuarɛ kenyiŋ lɛɛ ↄ nyee de Gbeŋgyoo wee ↄtomante keŋ man. 6Mena keŋ ɛ na wola ɛ wose nɛ be dei ya. Ɛ ba gyeŋ nyi bodobodo tee kyomii ne yele la te bodobodo na koro yee? 7Mena dↄↄ ɛ lese bodobodo tee keŋ seŋɛɛ fa dukum nɛ lee ɛ wose man, na ɛ ka bese bodobodo biliŋ keŋ tee be doo ke man ya nɛ. Dinↄↄ kei kaboela na ŋon. Nawolo nyi be ta mo Kristo ŋon ↄ yɛɛ da nyeekelɛɛ nambu e nɛ deesi. 8Mena dↄↄ tekaboena nyi dɛɛ mo bodobodo keŋ tee doo ke man nɛ, di da nyeekelɛɛwee dinaa keŋ ya. Tee keŋ ne yeli bodobodo na koro nɛ, seŋɛɛ fa nombiakumɛɛ na akpanyaŋnyaŋ keyɛɛ. Mↄna ɛ yela dɛɛ mo bodobodo keŋ tee be doo ke man ya nɛ, di da nyeekelɛɛwee dinaa keŋ. Bodobodo kei mↄ seŋɛɛ fa nombia kpaakpaa na anokoare keŋ. 9Me te wulaa ŋmarase tↄne yelee ŋon nyi, ɛ na mo ɛ wose do na balaŋ kafoŋtena ya. 10Mↄna na tɛɛle kei dↄↄ balaŋ baŋ bɛɛ yɛɛ kafoŋ, na baŋ be dana sibii, na ŋmɛɛlatena na banɛɛ somra yaa me dana ya. Nyi akpaa mena balaŋ kɛwↄ yaa me dana na, kenaŋ na nafↄ kaboena nyi yaa lese ɛ wose lee tɛɛle kei dↄↄ pou. 11Mↄna kpene keŋ mↄↄ ŋmarase yelee ŋon yɛna nyi, akpaa ŋolo ne baake ↄ wose nyi Kristo walaŋ, te ↄ sɛɛ ↄ ne yɛɛ kewↄlɛɛ nombia, yaa ↄ dana sibii yaa ↄ na som bane yaa ↄ ne wↄlɛɛ balaŋ yele, yaa ↄ yɛɛ soloŋnyↄↄre e, yaa ↄ yɛɛ ŋmɛɛlate e na, ɛ wↄŋ ɛ wose lee mena walaŋ ŋonaŋ man. Ɛ na dii bom na mena walaŋ ŋonaŋ koraŋ gba ya. 12Me woŋ faa la keŋ nyi maa di balaŋ baŋ ba te yɛɛ Kristotenawↄ ya nɛ nombia? Mↄna ɛmɛɛ Kristotena dↄↄ, kaboena nyi yaa di dↄŋa nombia. 13Baŋ ba te yɛɛ Kristotenawↄ ya nɛ dↄↄ, Wurubuarɛ ne gyae la waa di be nombia. Mↄna kaboena nyi yaa yɛɛ ŋgba mena keŋ Wurubuarɛ nombia ŋan ne yako nɛ. Nombia ŋenaŋ yɛna nyiaa, ɛ lese walaŋkum ŋon lee ɛ dikpii keŋ man.

will be added

X\