1 Korintotena 16

1Nɛnɛɛ toto keŋ ɛ ka do na baa mo kyↄ Wurubuarɛ balaŋ baŋ be kyaa Gyudia tɛɛle man nɛ, ɛ yɛɛ ŋgba mena keŋ mↄↄ wola Kristotena akpiise ŋan kya Galatia tɛɛle man nɛ. 2Kosida kamasɛ keŋ ɛ gyaŋee nɛ, kↄba keŋ walaŋ kamasɛ be yɛɛ tom Kosida kenaŋ man te ↄ be nyim nɛ, waa lese ke man ↄ doŋ ketalebii see yenaŋ. Na kↄbase ŋan pou kegyaŋee pɛna maa kↄŋ. 3Na akpaa me kaa gyoo ɛ gyaŋ na, ɛ ka mo ya abↄↄ ŋan do balaŋ baŋ ɛmɛɛ gbagba ba lese wↄ nɛ nyiŋmaa man, na maa ŋmarase me nyiŋmaa man tↄne kpu na ya abↄↄ ŋan fa wↄ, na baa mo gyina Kristotena baŋ be kyaa Gyerusalɛm donↄↄ man nɛ. 4Te akpaa de kↄŋ nyi maŋ gbagba maa gyu na, maa kpu na wↄ na de popou ke gyu. 5Nyi akpaa ma lee Masedonia tɛɛle man na maa kↄŋ ɛ gyaŋ, nawolo nyi ma te yɛɛ ma agyueŋ nyi maa mo na Masedonia tɛɛle man pɛ maa kↄŋ ɛ gyaŋ. 6Me kↄŋ na, mberem maa di weeya ala ŋaale ɛ gyaŋ, yaa maa kyaa kelii waare tɛɛ na ɛ ke nyiŋ kyↄ maŋ me gbɛɛneŋ ŋan maa gyu nɛ man. 7Me gbɛɛ kei man dↄↄ, mↄↄ ne gyae nyi maa kpase kↄŋ kaa do ŋon nↄↄ yakaa na maa bese ya, mↄna akpaa Wurubuarɛ de sɛɛ na, maa kaa di weeya akalansɛɛ ŋaale ɛ gyaŋ. 8Mↄna maa kyaa Efeso donↄↄ man kɛbo kelii Pentekosite wee keŋ. 9Doo nyi balaŋ burum ta koro seŋ tia maŋ, mↄna ma te naa nyi Wurubuarɛ ta toro gbɛɛ dinaa daale fa maŋ, nyi maa yɛɛ tom keŋ ke gyae ke yɛɛ tↄnↄↄ nɛ kɛbo. 10Akpaa Timoti de kↄŋ ɛ gyaŋ na ɛ lɛɛ e nideli na ↄ wↄe ke fɛɛ e, nawolo nyi ŋon mↄ ne yɛɛ de Gbeŋgyoo Yesu tom bo ŋgba maŋ nɛ. 11Ɛ man ŋolo na ŋolo na bɛɛ nyi ↄ be lɛɛ e ya, mↄna ɛ lↄ e gbɛɛ wosefɛɛreŋ man na waa nyiŋ bese kↄŋ me gyaŋ. Mɛɛ kɛɛ ↄ gbɛɛ nyi de tebia Kristotena baale baa kpu na e na baa kↄŋ. 12De gyoo Apolo dↄↄ ma doo e kakyeŋ nideli nyi waa kpu na de tebia Kristotena akaŋ baŋ na baa kↄŋ ɛ gyaŋ, mↄna ↄ te sɛɛ nyi waa kↄŋ ɛ gyaŋ debokeiman ya. Akpaa Wurubuarɛ de fa e gbɛɛ na, waa kↄŋ ɛ gyaŋ. 13Ɛ na wolee ɛ wose ya. Ɛ kyaŋ ɛ kelɛɛdi keŋ man keŋkeŋ. Ɛ seŋ ŋgba baala nɛ, na ɛ ke yɛɛ doŋ. 14Ɛ yɛɛ kpene kamasɛ dↄŋa kegyae man. 15Setefanase dↄↄ ɛmɛɛ gbagba gyeŋ nyi ŋon na ↄ dekpaŋalaŋmantena yɛna balaŋ baŋ bↄↄ taŋgbɛɛ lɛɛ Kristo di Akaya tɛɛle man. Be ta mo ba wose fa ↄsom keŋ, te bɛɛ kyↄ Kristotena baŋ nideli. Me tebia, mɛɛ waase ŋon bo nyi ɛ yↄkↄse ɛ wose fa mena balaŋ kɛwↄ dinↄↄ, na baŋ mↄ bɛɛ yɛɛ mena tom kei nɛ. 17Setefanase na Fↄtunatuse na Akayakuse ke kↄŋ me gyaŋ nɛ yɛɛ maŋ gyoŋ nideli. Nawolo nyi baŋ kↄŋala kaa seŋ ɛ nawↄↄ man. 18Nawolo nyi ba te yeli ma nyee man nombia te yɛɛ maŋ dokoloŋ, ŋgba mena keŋ ɛmɛɛ mↄ wui be yɛɛ ŋon dokoloŋ nɛ. Kaboena nyi dɛɛ lese mena balaŋ kɛwↄ dinↄↄ yele. 19Kristotena akpiise ŋan kyaa Esia tɛɛle man nɛ na do ŋon nↄↄ. Akuila na Pirisila na Kristotena dikpii keŋ ne gyaŋee be dɛɛ nɛ, na do ŋon nↄↄ nideli lee de Gbeŋgyoo Yesu yele man. 20De tebia Kristotena baŋ pou be kyaa kɛbo nɛ na do ŋon nↄↄ. Ɛ do dↄŋa nↄↄ gyoŋ man. 21Maŋ Pↄↄl gbagba moona me nyiŋmaa ŋmarase nↄↄkado tↄne kei. 22Akpaa nyi ŋolo bɛɛ gyae de Gbeŋgyoo Yesu nombia ya na, Wurubuarɛ waa falaa e. Maranata (ka asɛɛ yɛna nyi, de Gbeŋgyoo Yesu kↄŋ). 23De Gbeŋgyoo Yesu waa mo ↄ bɛrɛɛ boele ŋon, na waa seŋ ɛ wↄle. 24Mɛɛ gyae ɛ popou, te mɛɛ do ŋon nↄↄ de Gbeŋgyoo Yesu Kristo yele man. Amɛn.

will be added

X\