TĨTO 1

1Ĩngye Paũlo, omugombe wa Nyamuhanga, n'omukwenda wa Yesu Kristo. Ĩngye nayisogawa, kandi natumawa erĩwatĩkya erĩkĩrĩrya ly'abandu Nyamuhanga ayĩsoga. Kandi erĩwatĩkyabo eriminya eky'ekwenene omo kisomo kyetu ky'erikenga Nyamuhanga. 2Kihangane omo maha w'engebe y'erikota eyoNyamuhanga oyutebiha atulaga oko migulu ya kera-kera. 3Nĩkwa oko mugulu arolere mwakũmbũla engebe eyĩ omo kĩnywa kiwe. Kandi mwamba ekĩnywa ekyo, nage ngabũgakyo ngoko Nyamuhanga Omũlamya wetu abirinyihana. 4Ĩngye ngakusakira uwe Tĩto, omugala wage kũndũ omw'ĩkĩrĩrya lyetu; Nyamuhanga Tata, na Kristo Yesu Omũlamya wetũ, bakuhe olukogo n'obũholo. 5Monakũsĩga eKrete busana n'erĩtegekama emyatsi eyasĩgalira, kandi busana n'erĩhĩra abakulu b'ekanisa omo buli mũyĩ, ngoko nakuhana. 6Omukulu atolere iniabya butsira kahmira, abye na mũkalĩ muguma musa, n'abana buwe babye ababĩrĩkĩrĩrya Omukama, sibabye b'omwaga kutse abatekenga. 7Kusangwa omukulu oyukasondola omũbĩrĩ wa Nyamuhanga, litolere iniabya butsira kahinira. Siabye oyukayiheka, kutse oyukahitana lũba, kutse eribya mũkũndĩrya, kutse w'omwaga, kutse oyuli n'omwĩso. 8Nĩkwa abye oyũkakokaya abagenĩ, ĩnĩanzĩre ekibuya. Atolere iniabya oyukayihana, oyutunganene, oyũbũyĩrĩre, oyũkayĩtegaya. 9Kandi abye oyukahamba ndeke ekĩnywa ky'ekwenene, ky 'erĩkangĩrĩrya lyetu. Neryo atoke erihana abandi omw'ikangĩrĩrya litunganene, kandi iniatoka erĩsmga abali n'obuhaka. 10Kusangwa hali bangi abakapona n'eriteba abandi omo bĩnywa bitya-bitya, n'abandi ba kubo bakalũa oko Bayũda abakabana. 11Litolere erĩhũneryabo, kusangwa bakatsandaya amalengekanĩa w'abandu ab'awandi manyũmba, ĩbakakangĩrĩrayabo ebitatolere, busana n'eribana endũndĩ yabo nyibi. 12Omukrete muguma, omũmĩnyererĩ wabo, mwabũga ati, Abanya Krete nĩ babehĩ ebiro byosĩ, bali nga nyama nyibi sy'omolĩ, ni b'omururu, n'abagata. 13Nĩkwa mwahulabo kwenene. Busana n'omwatsi oyũ, ukungebo kutsibu, ibatoka erĩsĩka omw'ĩkĩrĩrya litunganene. 14Kandi sibakwame ebihaniriro by'Abayũda, kutse ebihano by'abandu ababĩrĩsĩganĩa omwatsi w'e kwenene. 15Oko babuya, ebyosĩ ni bibuya. Nĩkwa oko batsandĩre n'abatĩkĩrĩrye, sihali kindu kibuya, kusangwa obũlengekania bwabo n'obunya-mutima bwabo byabiritsanda. 16Bakabũga bati banasĩ Nyamuhanga, nĩkwa emĩbĩrĩ yabo ikamugana. Ibo ni nye, sibekenga, kandi sibatolere n'ahake busana n'obuli mũbĩrĩ owene.

will be added

X\