ABANYA ROMA 10

1Balĩkyetu, ngwĩre olukando lunene omo mutima wage busana n'abalĩkyetu, kumbe ĩbalamĩbwa. Ngasaba Nyamuhanga busana nabo. 2Ngatũlago busana nabo, ngoko bawite omũhwa busana na Nyamuhanga, nĩkwa sibekola n'amenge. 3Kusangwa sĩbasĩ enzira ya Nyamuhanga y'erĩtũngananĩa abandu, ibakasonda erĩhanganĩa eritunganene ryabo. Bakagana eritunganene erĩkalũa ewa Nyamuhanga. 4Kusangwa Kristo abĩrĩberererya Emigambo, naye akatũngananaya obuli mundu oyũkĩkĩrĩraya. 5Kusangwa Musa mwasaka omwatsi w'erĩtũngananĩbwa busana n'erikwama Emigambo ati omundu oyukakolayo asyabyaho omw'itunganana lyayo. 6Nĩkwa erĩtũngananĩbwa busana n'erĩkĩrĩrya liti, Sũbũge omo mutima wawe uti, Nindi wasyahetukira elubula kwehĩ? busana n'erĩandagalya Kristo. Kutse, 7Nindi wasyandagalira omo Kũlĩmũ kwehĩ? busana n'erĩlũsya Kristo omo baholĩ. 8Nĩkwa ekitabu kĩkabũga kĩtĩkĩ kwehĩ? kiti, Ekĩnywa ekyo kiri hakũhĩ nawe, kiri omo buno bwawe n'omo mutima wawe, kyo kĩnywa ky'erĩkĩrĩrya ekyo tũkatũla. 9Kusangwa wamakangya omo buno ko Yesu ni Mukama, kandi wamĩkĩrĩrya omo mutima wawe ko Nyamuhanga amũlũbũkaya oko baholĩ, ĩwalamĩbwa. 10Kusangwa omundu amĩkĩrĩrya omo mutima wuwe busana n'erĩtũngananĩbwa na Nyamuhanga, kandi akatũlago omo buno buwe, ĩnĩalamĩbwa. 11Kusangwa Amasako ati, Obuli mundu oyũkamwĩkĩrĩraya siendisyahemulwa. 12Sihali erisombola busana n'abandu bosĩ, kutse Omũyũda, kutse omundu w'Ebihanda. Kusangwa Nyamuhanga ni Mukama w'abandu bosĩ, kandi akatsumula ndeke abosĩ abakamulakira. 13Kusangwa kiti, Obuli mundu oyukalakira erĩna ly'Omukama asyalamĩbwa. 14Neryo basyamulakira bati, oyo batĩkĩrĩraya kwehĩ? Kandi basĩkĩrĩrya bati oyo bate batowa ko mwatsi kwehĩ? Kandi basyowa bati, omwatsi amatĩndatũlwa kwehĩ? 15Kandi basyatũlago bati, bamatenditumwa kwehĩ? Ngoko kĩsakĩre kiti, Ni kibuya ndeke erĩowa erĩhĩka ly'abandu bakaleta engulu nyibuya. 16Nĩkwa ababĩrĩrĩga Engulu Yowene sĩ b'abosĩ; kusangwa Ĩsaya akabũga ati, Mukama, nindi yo wabĩrĩkĩrĩrya erĩtũlago lyetu kwehĩ? 17Litya erĩkĩrĩrya likasa busana n'erĩowa, n'erĩowa, likasa busana n'erĩkangĩrĩrĩbwa, n'erĩkangĩrĩrya eryo ni Kristo. 18Nĩkwa nyiti sĩbetowa erĩkangĩrĩrya kwehĩ? Kwenene babĩrĩowa. Ngoko kĩsakĩre kiti, Omulenge wabo abiritsungana omo kihugo kyosĩ, N'ebĩnywa byabo byabĩrĩhĩka oko ndũlĩ sy'ekihugo. 19Kandi ngabũga nyiti, Ĩsraelĩ mwataminya kwehĩ? Musa yo watsũka erĩbũga ati, Nasyaleka ĩmwakwa obũha busana n'abandu bate b'ekihanda, Nasyabahĩtanĩa busana n'ekihanda kitawite menge. 20Ĩsaya sialiubaha erĩbũga ati, Nabiribanika oko batanyĩsondaya, Nabĩrĩyĩkangya oko batabũlaya busana nage, 21Nĩkwa busana na Ĩsraelĩ ati, Omusibo gosĩ nabirisumba ebyala byage oko bandu abatĩowa n'ab'omwaga.

will be added

X\