ERĨBĨSŨLĨRWA 17

1Nĩkwa omuguma w'oko bamalaĩka balinda ababya n'ebibindi birinda mwambĩkako mwambwira ati, Wase hano, ngandĩkũkangya erisuyira ly'omũmalaya mukulu g'omũyĩ munene owahĩmbĩre hakũhĩ n'esyonyũsĩ nyingi. 2Abami b'ekihugo mobasingĩra omũmalaya mukulu oyo, n'abandu abĩkere munakihugo mobakũnda omo bĩnyũ by'erĩsĩngĩra liwe. 3Neryo omũlaĩka mwanyitwala omo Mũlĩmũ omo mbwarara. N'eyo monalangira omũkalĩ ĩnĩanĩkere oko nyama n'amena mangi w'ebĩtsũmĩ, kandi iyiwite emitwe irinda, n'amahembe ĩkũmĩ. 4Kandi omũkalĩ oyo abya ambite olukimba l'omunyama n'olukula-kula, inĩabĩrĩsũwa omo syamagetsi, n'amabwe w'obũgũlĩ bunene, n'esyolulu. Nĩkwa abya awite omo byala biwe olũtehĩ lw'esyamagetsi oloswĩre mw'esyonye sy'emyatsi ĩtĩsĩrĩre y'obũsĩngĩrĩ buwe. 5Neryo oko mbũmo yiwe habya erĩna erĩsakĩre ly'erĩkũmbo liti, Babelĩ Mukulu, nyĩnya w'abamalaya, n'ow'esyonye sy'ekihugo. 6Kandi monalangira omũkalĩ oyo, ĩnĩakũndĩre omo musasi w'abandu ba Nyamuhanga, n'omo musasi w'abandu batũla omwatsi wa Yesu. Neryo omugulu namulangira monasweka kutsibu. 7Neryo omũlaĩka mwanyĩbũlya ati, Ukasweka busana nakĩ kwehĩ? Ĩngye ngandikubwira erĩkũmbo ly'omũkalĩ oyũ n'ery'enyama eyikamuheka, eyiwite emitwe irinda n'amahembe ĩkũmĩ. 8Enyama eyo walangira yabyaho, nĩkwa siriho lmo, nĩkwa lmo ikasonda erihetuka erĩlũa omo buhya, kandi ĩkayaherĩbawa. Abandu abĩkere oko kihugo amena wabo atasakĩre omo kitabu ky'engebe, ekihugo kite kyatsũka, basyasweka omugulu bakasamalira enyama eyo. Kusangwa enyama eyo yanabyaho, nĩkwa sikiriho, kandi yasyaswabutuka. 9Obũlengekama obuwite amenge bobũ. Emitwe irinda ni bitwa birinda aho mũkalĩ ĩkere. Kandi ni bami balinda. 10Abatanu babiritoga, omuguma akinatabala, n'ogundi sĩalĩahĩka; ekiro asyasa asyĩkala katambĩ kake kasa. 11N'enyama eyabyaho, kandi siriho, oyũ ni mwami w'omunani, kandi ni w'abalinda, naye akayaherĩbawa. 12N'amahembe ĩkũmĩ ago walangira, ni bami ĩkũmĩ, abate basinga, nĩkwa basyahabwa ehamũlĩ eritabala ng'abami esaa nguma haguma n'enyama eyo. 13Abami ĩkũmĩ aba bawite erĩyĩsũnza liguma, kandi bakaha enyama eyo y'obũtokĩ n'ehamũlĩ yabo. 14Aba basyalwa n'Ekyana ky'Embũlĩ, nĩkwa Ekyana ky'Embũlĩ, haguma n'abakamukwama, ababirikirawa buwe, n'abayisogawa, n'abateregula buwe, basyakĩndabo, kusangwa iye ni Mukama w'abakama, n'Omwami w'abami. 15Neryo omũlaĩka mwambwira ati, Amagetsi ago walangira, ago mũkalĩ mũmalaya ĩkereko, ni bandu, n'esyondeko, n'ebihanda, n'emĩbũge. 16Kandi amahembe ĩkũmĩ walangira, n'enyama eyo, aba basyakwa omũmalaya oyo y'obusu. Basyamũtũtũla, n'erimuyira ndũmbũ. Kandi basyalya omubiri wuwe, neryo basyamutalikirira omo muliro. 17Kusangwa Nyamuhanga mwahĩra omo mitima yabo erisonda erikola erĩyĩsũnza liwe, ibakabya n'obũlengekanĩa buguma, n'eriha obwami bwabo oko nyama eyo, erĩhĩka aho ebĩnywa bya Nyamuhanga byasyabererera. 18Omũkalĩ oyo walangira nĩ mũyĩ mukulu owakatabala oko bami b'ekihugo.

will be added

X\