ERĨBĨSŨLĨRWA 10

1Neryo monalangira ogundi mũlaĩka w'amaka manene, iniakandagala akalũa elubula. Abya ambite ekĩtũ, n'ekima kyabya oko mutwe wuwe. Obũsũ buwe bwabya ng'eryuba, n'ebisando biwe byabya ng'esyondũyĩ sy'omuliro. 2Abya awite oko katabu kake omo byala biwe, akasanzwĩre. Neryo omũlaĩka oyo mwahĩra ekisando kiwe ky'amali oko ngetsi, n'ekisando kiwe ky'amalembe mwahĩrakyo oko kitaka. 3Neryo mwabirikira n'omulenge munene ng'endale ikaruruma. Neryo abere abirikira, emĩlũmo irinda moyalũma omo mirenge yayo. 4Neryo omugulu emĩlũmo irinda y'obũtũkũ yamabĩlũma, nabya ngasonda erisaka. Nĩkwa monowa omulenge akalũa elubula ati, Uyire emyatsi eyo emĩlũmo irinda ĩkabĩbũga mw'ĩkũmbo, susakeyo! 5Neryo omũlaĩka oyo nalangira inianimene oko ngetsi n'oko kitaka, mwasumbira ebyala biwe by'amali by'endata elubula, 6neryo mwalahĩrya omo lĩna lya Nyamuhanga, oyuliho kera na kera, oyo wahangika olubula n'ebindu byosĩ ko birimo, oyo wahangika ekihugo n'ebindu ebiri mukyo, n'engetsi n'ebindu byosĩ ebiri muyo. Neryo omũlaĩka mwabũga ati, Sihendisyabya eririndirira kandi! 7Nĩkwa omo biro by'omulenge w'engubi y'omũlaĩka w'akalinda, omugulu akasonda eribuha engubi yiwe, neryo Nyamuhanga asyaberererya erĩkũmbo liwe ngoko akangĩrĩraya Engulu Yowene oko bamĩnyererĩ, abagombe buwe. 8Neryo omulenge ogo nowa akalũa elubula, mwaswabũga nage ati, Ugende, wĩmaye akatabu akasanzwĩre omo byala by'omũlaĩka oyo wimene oko ngetsi n'oko kitaka. 9Neryo monaya oko mũlaĩka oyo, monamubwira nyiti ambe akatabu kake ako. Naye mwambwira ati, Wĩmayeko, ulyeko. Kasyakalĩhya enda yawe, nĩkwa omo buno bwawe kasyasihirira ng'obuki. 10Neryo monĩmya akatabu ako omo byala by'omũlaĩka, monalyako, neryo omo buno bwage mokasihirira ng'obuki, neryo nabere nabiryako, enda yage moyakalĩhĩbwa. 11Neryo mobambwira bati, Utolere ĩwaswatũla omwatsi wa Nyamuhanga busana n'abandu bangi n'ebihanda, n'emĩbũge mingi, n'abami.

will be added

X\