ABANYA FĨLĨPĨ 2

1Kristo akatuma imwahanda emitima kwehĩ? Kutse olwanzo luwe lũkakĩranaya emitima yenyũ kwehĩ? Kandi Omũlĩmũ akasangira haguma nenyũ kwehĩ? Kandi muwite olwanzo lwa Nyamuhanga n'eriganyira liwe kwehĩ? 2Byamabya bitya, mũsũlaye, omutima wage n'obutseme. Mubye n'amalengekanĩa maguma, mubye n'olwanzo luguma, mubye n'omutima muguma, n'obũlengekanĩa buguma. 3Simukole mwatsi omo mwaga w'obutimane, kutse busana n'eriyipipa, nĩkwa mũyĩkehaye, imukaganza obuli mundu mo mubuya kwilaba ĩnywe. 4Mũtegaye ebindu by'abandi butsira erilwira ebyawe bisa. 5Mubye n'obũlengekanĩa obũ bwa Kristo Yesu, 6oyũ, nomo anabya Nyamuhanga kwenene, mwatayilwira eriringirirana na Nyamuhanga. 7Nĩkwa mwayĩtũtũla olukengerwa luwe, mwayiyira ng'omugombe, mwabutwa ng'abandu, mwaminyikala omo kĩsosekanĩo ky'omundu. 8Neryo mwayĩkehya, mwabya akowa, erĩhĩka oko luholo, lo luholo lw'omusalaba. 9Kyaleka Nyamuhanga ĩnĩamũhamya kutsibu, n'erimuha erĩna erĩlabĩre awandi mena. 10Neryo abosĩ basyakũkamira erĩsĩkya erĩna lya Yesu, abali omo lubula, n'omo kihugo, n'abali eyĩkwa oko kihugo. 11Obuli mundu asyatũlaganĩa ko Yesu Kristo ni Mukama, busana n'eriha olukengerwa uku Nyamuhanga Tata. 12Neryo, abanze bage, ngoko mwabya mũkowa emigulu yosĩ omugulu nabya nenyũ, nĩkwa lino mowe kwilaba omugulu ndeho. Mũberereraye erilama lyenyũ omw'iubaha n'erititimana. 13Kusangwa ni Nyamuhanga yukakola omwisi wenyũ, imwabya mũkalĩga n'erikola ebĩkamũtsemesaya. 14Mukole emyatsi yosĩ butsira eriyitonga kutse buhaka, 15Imwatoka eribya abakũmayĩre n'eribya bandu babuya, abana ba Nyamuhanga abate ko mwatsi, abĩkere omo katĩkatĩ k'ekihugo kĩhengemĩre, n'eky'omwaga. Nenyũ mukaminyikala ng'esyotala omo kihugo. 16Imukahabo ekĩnywa ky'engebe. Nage inatoka erĩyĩsyandira busana nenyũ oko kiro kya Kristo, isinditaluha buyira kutse erikola buyira. 17Nomo musasi wage angũtũlĩrwa ng'obuhere busana nenyũ kusangwa mwabĩrĩkĩrĩrya Nyamuhanga n'eriyiherera ukw'iye, ngandisyatsema n'erisangira obutseme bwage haguma n'ĩnywe bosĩ. 18Nenyũ nibya, ngabahatikana nyiti, mutseme mutya, kandi musangire nage obutseme bwenyũ. 19Omukama Yesu amanza, nasyabatumira Tĩmoteo yo lũba, inatoka erihanda omutima wage namabĩowa emyatsi yenyũ. 20Kusangwa singwite ogundi oyuwite omutima ng'owage, kutse oyũbahĩrĩre k'omutima wuwe. 21Kusangwa abosĩ bakakwama emyatsi yabo butsira emyatsi ya Yesu Kristo. 22Nĩkwa mũnasĩ ngoko Tĩmoteo abiritoka, kandi ng'omwana kw'akakolera ĩse, abirikola haguma nage omo mũbĩrĩ w'erĩgenda-gendya Engulu Yowene. 23Neryo namabiminya emyatsi yage nga yamabibya iti, nasyamutuma lũba. 24Kandi ngayiketera Omukama nyiti, ngandisyabahĩkako lũba. 25Nĩkwa monaganĩrya nyiti litolere inabatumira mũlĩkyetu Epafrodĩto, oyukakola haguma netu, kandi tukalwira Omukama haguma. lye ni mukwenda wenyũ erĩnyĩwatĩkya omo bwaga bwage. 26Kandi abakwĩre olukando ĩnywe bosĩ, kandi ali n'obũlĩge, kusangwa ĩnywe mowa kw'alwere. 27Kwenene abya alwere hakũhĩ n'erihola, nĩkwa Nyamuhanga mwamuganyira, nage mwanyiganyira ngasyakwa obũlĩge bunene. 28Kikaleka inasonda erimutuma lũba imwatoka eritsema eriswamulolako, n'omutima wage iniasuba omo nda. 29Neryo mũmũkokaye nga mũlĩkyetu omwisi w'Omukama n'obutseme bosĩ, kandi mũsĩkaye abandu abali nga ye. 30Kusangwa abya akĩsĩya iniahola busana n'omũbĩrĩ wa Kristo. Kandi mwatalanda oko ngebe yiwe, iniakasonda erĩnyĩwatĩkya umw'ebyo mutatoka erikola busana nage.

will be added

X\