MATAYO 25

1Oko mugulu oyo Obwami bw'elubula bwasyalingana n'abana-bato ĩkũmĩ, abaheka esyotala syabo, n'erĩyahĩndana n'ĩba w'omũherũkĩ. 2Abatanu ba kubo babya bakirũ, n'abaranu babya b'amenge. 3Omugulu abakĩrũ baheka esyotala syabo, mobataheka amagũta haguma nabo. 4Nĩkwa ab'amenge mobaheka amagũta omo matambya hagumam'esyotala syabo. 5Neryo ĩba w'omũherũkĩ mwamala yo ndambĩ, neryo abana-bato abo mobayitsingirako, mobayato. 6Nĩkwa omo katĩ-kanene omulenge mwabirikira ati, Ĩba w'omũherũkĩ yoyũ! Mwase, mũhĩndane naye! 7Neryo abana-bato ĩkũmĩ abo mobahangana, mobatwa amakala oko syotala syabo. 8Neryo abakĩrũ mobabwira ab'amenge bati, Mutuhe oko magũta wenyũ, kusangwa esyotala syetu sikahumbera. 9Nĩkwa ab'amenge mobasũbĩrya bati, Iyihi, sienditutsungana ĩtwe, nenyũ. Mugende oko bakatũndaya muyigulirego. 10Neryo abakĩrũ mobayagulago, neryo ĩba w'omũherũkĩ mwahĩka. Abana-bato batanu ababya bakateya mobingira haguma naye okw'irya ly'erĩherũkya. N'olũyĩ molwakingwa. 11Enyũma w'aho abandi bana-bato abo mobahĩka bati, Mukama, Mukama, utukingulire. 12Neryo ĩba w'omũherũkĩ mwasũbĩrya ati, Kwenene ngabũga nenyũ, sĩnyĩbasĩ. 13Neryo Yesu mwabũga ati, Neryo mũtegaye, kusangwa sĩmwasĩ ekiro kutse endambĩ. 14Kusangwa liri ng'omundu oyo wagenda oko lugendo lw'ekindi kihugo, neryo mwabirikira abagombe buwe, mwasĩgĩra b'ebindu biwe. 15Neryo mwaha obuli mugombe ng'amenge wuwe kw'ali. Mwaha omuguma esyoralanta ĩtanu n'oko gundi esyotalanta ĩbĩrĩ, n'oko gundi talanta nguma, neryo mwaya oko lugendo. 16Neryo-neryo oyo wĩmaya esyotalanta ĩtanu, mwayatũndyasyo, mwabana mw'endũndĩ y'esindi talanta ĩtanu. 17N'oyo wabya n'esyotalanta. ĩbĩrĩ mwatũndyasyo, mwabana esindi ĩbĩrĩ 18Nĩkwa oyo wĩmaya etalanta nguma mwayatakulirayo omo kitaka, mwabĩsa esyofranka sy'omukama wuwe. 19Enyũma w'omugulu muli, omukama w'abagombe abo mwasa, mwabũlyabo emiganzo. 20Neryo omugombe oyo wĩmaya esyotalanta ĩtanu mwahĩkaho, mwaleta esindi talanta ĩtanu, ati, Mukama, mowamba esyotalanta ĩtanu. Langira! Nabĩrtũndya mw'esindi talanta ĩtanu. 21Neryo omukama wuwe mwamubwira ati, Wamakola ndeke, uwe mugombe mubuya oyuteregula! Suhtalegula omo bmdu bike, nasyakũhĩra erĩteya ebmdu bmgi. Wmgire omo butseme bw'omukama wawe! 22N'omugombe oyo wĩmaya esyotalanta ĩbĩrĩ mwasa ati, Mukama, mowamba esyotalanta ĩbĩrĩ langira, nabĩrĩtũndya mw'esindi talanta ĩbĩrĩ. 23Neryo omukama wuwe mwamubwira ati, Wamakola ndeke uwe mugombe mubuya oyuteregula! Sulitalegula omo bindu bike, nasyakũhĩra erĩteya bindu bingi. Wingire omo butseme bw'omukama wawe! 24N'omugombe oyo wĩmaya etalanta nguma mwahĩka ati, Mukama, nabya nyasĩ k'uli mundu ũkalĩre, ukagesa aho utabiba, n'erikuma-kuma aho ũtahĩra mbuto. 25Neryo monubaha, monayabĩsa etalanta yawe y'omo kitaka. Langira! Yeyĩ! 26Nĩkwa omukama wuwe mwamũsũbĩrya ati, Uwe mugombe mubi n'omugata, wabya wasĩ ko ngagesa aho ndabiba, n'erikuma-kuma aho ndahĩra embuto kwehĩ? 27Kumbe wahĩra ebindu byage omo bankĩ, neryo nangabere nahĩka inabana ebindu byage haguma n'endũndĩ. 28Neryo mumusagule etalanta eyo, muheyo oyuwite esyotalanta ĩkũmĩ. 29Kusangwa oyuwite asyahabwa ebmdi, iniabya n'ebingi; nĩkwa oyutawite, asyasagulwa ebyo awite. 30Kandi muguse omugombe oyutekuba lwahi omo mwĩrĩmya w'eyĩhya; eyo abandu basyalira n'erikeregeta ameno. 31Nĩkwa omugulu Omugala w'Omundu asyasa omo lukengerwa luwe, n'abamalaĩka bosĩ haguma naye, asyĩkala oko kĩtũmbĩ kiwe ky'obwami ky'olukengerwa. 32N'ebihanda byosĩ byasyahĩndanĩbwa embere siwe; kandi asyasololabo ng'omũlĩsya kw'akasolola esyombũlĩ omo mbenehene. 33Asyahĩra esyombũlĩ oko byala biwe by'amali, n'esyombenehene oko malembe. 34Neryo Omwami asyabwira abandu abali oko byala biwe by'amali ati, Mwase, ĩnywe Tata wage abiritsumula, mwĩmaye obwami obwakokotĩbawa busana nenyũ okw'ihangika ly'ekihugo. 35Kusangwa nabya n'enzala momwanyaganula; nabya nyĩkwĩre enyota momwamba aw'erĩpũlya; nabya mũgendĩ, momwanyĩkokya. 36Nabya ndũmbũ momwanyambalya; nabya nyilwere, momwanyibana; nabya omo mũlĩkĩ, momwambĩkako. 37Neryo abatunganene basyamũsũbĩrya bati, Mukama, twakulolako mugulu wahi, erikuha kalyo kwehĩ? Kutse ĩgũkwĩre enyota itwakuha aw'erĩpũlya kwehĩ? 38Kandi omugulu wahi twakulolako iguli mũgendĩ, motwakũkokya kwehĩ? Kutse iguli ndũmbũ motwakwambalya kwehĩ? 39Kandi mugulu wahi wabya ulwere, kutse omo mũlĩkĩ motwasyakubana kwehĩ? 40N'omwami oyo asyasũbĩryabo ati, Kwenene ngabũga nenyũ nyiti, Ngoko mwakolera omuguma g'oko bagala betu bake-bake aba, momwakolakyo ũkw'ĩngye. 41Neryo asyabwira ab'oko byala biwe by'amelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ n'abamalaĩka buwe. 42Nabya nyĩkwĩre enzala, momutanyaganula, kandi nabya nyĩkwĩre enyota, momutamba aw'erĩpũlya. 43Nabya mũgendĩ, momũtanyĩkokya, kandi nabya ndũmbũ, momũtanyambalya, nabya nyilwere, kandi nabya omo mũlĩkĩ, momutayanyibana. 44Neryo basyamũsũbĩrya bati, Mukama, omugulu wahi twakulolako ĩgũkwĩre enzala, kutse enyota, kutse iguli mũgendĩ, kutse ndũmbũ, kutse igulwere, kutse iguli omo mũlĩkĩ, motutakukolera, kwehĩ? 45Neryo Omwami asyasũbĩryabo ati, Kwenene ngabũga nenyũ nyiti, Ngoko mutakolera omuguma g'oko bake-bake aba, momutakolakyo ũkw'ĩngye. 46Neryo aba basyagenda omw'isuyirwa ly'erikota, nĩkwa abatunganene basyaya omo ngebe y'erikota.

will be added

X\