MATAYO 13

1Oko kiro ekyo Yesu mwalũa omo nyũmba mwaya oko mũsĩke w'engetsi, mwĩkalayo. 2Esyondeko esyahĩndana ahali Yesu syabya nene kutsibu, kyaleka iniingira omo bwato n'erĩĩkala mubo. N'esyondeko syabya simene oko mũsĩke w'engetsi. 3Neryo Yesu mwakangĩrĩryasyo omo mĩsyo, ati, Lebaya, omũbĩbĩ mwayabiba embuto. 4N'omugulu abiba, esindi mbuto mosyatogera oko mũsĩke w'enzira, n'esyonyonyũ mosyasa mosyatomengerasyo. 5N'esindi mbuto mosyatogera oko kitaka ky'amabwe, ahate mukungu mungi. Esyombuto esyo mosyalasa lũba, kusangwa sihabya mutaka mungi. 6Neryo eryuba molyakola, molyahĩsyasyo, neryo kusangwa emĩrĩhĩ yabya mike-mike, mosyuma. 7Esindi mbuto mosyatogera omo mahwa, n'amahwa ayo mwalasa, mwakũsyasyo. 8N'esindi mbuto mosyatogera omo kitaka kyowene, mosyasohola, esindi erĩgana, n'esindi amakũmĩ ndatu, n'esindi amakũmĩ asatu. 9Neryo Yesu mwabũga ati, Oyuwite amatwĩ, owe! 10Neryo abiga mobasyabũlya Yesu bati, Busana nakĩ ũkabũga nabo omo mĩsyo kwehĩ? 11Neryo Yesu mwasũbĩryabo ati, Ĩnywe mwabirihabwa eriminya erĩkũmbo ly'Obwami bw'elubula, nĩkwa abandi sibetahabwa eriminyalyo. 12Kusangwa oyuwite asyahabwa ebindi, asyabya n'ebingi; nĩkwa oyutawite, asyasagulwa ebyo awite. 13Kikaleka inabwirabo omo mĩsyo, kusangwa nomo bakalangira sibelangira, nomo bakowa sĩbalĩowa, kutse sibeminya. 14Kandi busana nabo eriminyerera lya Ĩsaya likabererera, liti, Mwasyasiba mũkowa, nĩkwa simwendisyaminya; Kandi mwasyasiba mũkalebya, nĩkwa simwendisyalangira; 15Kusangwa emitima y'abandu aba yabiribya m'obũtowa, Kandi sĩbalĩowa ndeke omo matwĩ wabo, Kandi babĩrĩrĩba ameso wabo; Bakasyalangira omo meso wabo, N'erĩowa omo matwĩ wabo, N'eriminya omo mitima yabo n'eriswanyibindukira, Nyamuhanga atya, Nage ĩnalamyabo. 16Nĩkwa obutseme buli oko meso wenyũ, kusangwa mukalangira, n'obutseme buli oko matwĩ wenyũ, kusangwa mũkowa. 17Kusangwa kwenene ngababwira nyiti, Abamĩnyererĩ bangi n'abandu batunganene bangi mobanza erilangira oko ebyo mukalangira, nĩkwa mobatatoka erilangirabyo; n'erĩowa ebyo mũkowa, mobatowabyo. 18Neryo mowe omũsyo w'omũbĩbĩ. 19Omugulu omundu akowa ekĩnywa ky'Obwami, isialiminyakyo, ali ng'embuto eyatogera oko mũsĩke w'enzira. Omubi akasa ĩnĩapũra ekyabibawa omo mutima wuwe. 20Embuto e yabibawa omo kitaka ky'amabwe yo mundu oyũkowa ekĩnywa, neryo-neryo akangirirakyo n'obutseme. 21Nĩkwa ekĩnywa ekyo sikiribya omwisi wuwe. Embuto eyabibawa omo kitaka byamo katambĩ kake. Neryo omugulu obũlĩge, kutse erĩendererya bĩkahĩka busana n'ekĩnywa ekyo, akatswa lũba. 22N'embuto eyabibawa omo mahwa yo mundu oyũkowa ekĩnywa, n'amagalĩ w'ekihugo, n'amatebo w'ebindu bĩkakũsaya ekĩnywa, ikitasohola. 23N'embuto eyabibawa omo kitaka kyowene, yo mundu oyũkowa ekĩnywa akaminyakyo; yo yũkeraya embuto eyo, eyindi mbuto ĩgana, eyindi amakũmĩ ndatu, n'eyindi amakũmĩ asatu. 24Kandi Yesu mwabwirabo ogundi mũsyo ati, Obwami bw'elubula bwangalĩngĩrĩranĩbwa n'omundu oyo wabiba embuto yowene omw'irima liwe. 25Nĩkwa omugulu abandu babyato, enzĩgũ yiwe moyasa, moyabiba ebiti omo katĩkatĩ k'engano, neryo moyagenda. 26Nĩkwa omugulu omugera ahuluka n'erisohola, ebiti ebyo nabyo mobyahuluka. 27Neryo abagombe b'omũlĩmĩ oyo mobasa mobamubwira bati, Mukama, mutabiba embuto yowene omw'irima lyawe kwehĩ? Neryo ebiti ebyo byalũahi kwehĩ? 28Nĩkwa mwabwirabo ati, Enzĩgũ yabirikola ekyo! Neryo abakobe mobamũbũlya bati, Neryo wanzĩre itwakulangabyo kwehĩ? 29Nĩkwa omwenye eririma oyo mwabũga ati, Iyihi; kusangwa omũgulu mukakulanga ebiti, mũkasyakũlĩranĩabyo n'engano. 30Muleke engano n'ebiti bilase haguma erĩhĩka oko mugulu w'erigesa. Neryo oko mugulu w'erigesa nasyabwira abagesĩ nyiti, Mũtsũke erikuma-kuma ebiti, musengebyo mo mũlo-mũlo erĩhĩsyabyo; nĩkwa mũhĩre engano y'omo kigona kyage. 31Neryo Yesu mwabwirabo ogundi mũsyo ati, Obwami bw'elubula busosene n'embuto y'eharadalĩ eyo mundu ĩmaya n'eribibayo omw'irima liwe. 32Embuto eyĩ ni nge kwilaba esyombuto syosĩ, nĩkwa omugulu kakalasa, ni kanene kwilaba esyombuto syosĩ sy'eririma, kandi ikabya muti, n'esyonyonyũ sy'omo kyanya sikasa n'erĩhĩmba esyonyutu syasyo omo mitahi yago. 33Yesu mwatwĩrabo ogundi mũsyo ati, Obwami bw'elubula bũsosĩre ekĩhamya. Omũkalĩ mwĩmyakyo, mwabĩsakyo omo hĩrengĩ hisatu hy'eyĩsyano, n'eyosĩ moyahama. 34Nĩkwa Yesu mwabũga oko syondeko, mwaya omo nyũmba. Neryo abiga buwe mobamũhĩkako bati, Ũtũkũmbũ- 35Yesu mwakola atya erĩberererya ebyabũgawa n'omũmĩnyererĩ ati, Nasyakũmbũla obuno bwage omo mĩsyo; Nasyabũga emyatsi eyabĩsawa okw'ĩtsũka ly'erihangikwa ly'ekihugo. 36Neryo Yesu mwasĩganĩa esyondeko, mwaya omo nyũmba. Neryo abiga buwe mobamũhĩkako bati, Ũtũkũmbũlĩre omũsyo w'ebiti omw'irima. 37Neryo Yesu mwasũbĩryabo ati, Oyukabiba embuto yowene ni Mugala w'Omundu. 38Eririma kye kihugo; n'embuto yowene ba bana b'Obwami; ebiti ba bana b'Omubi. 39Enzigũ eyabiba ebiti ebyo nĩ Satanĩ. N'omugulu w'erigesa ye ndũlĩ y'ekihugo, n'abagesĩ ba bamalaĩka. 40Neryo ngoko ebiti bikakuma-kumawa n'erĩhĩsĩrĩryabyo omo muliro, ko bikandisyabya bitya okw'ihwererera ly'emigulu. 41Omugala w'Omundu asyatuma abamalaĩka buwe, basyakuma-kuma n'erĩlũsya ebyosĩ ebikaleka abandũ ibakola ebibi, n'abakola-nabi bosĩ omo Bwami buwe, 42asyagusabyo omo seke-seke y'ouliro, eyo abandu basyalira n'erikeregeta ameno wabo. 43Oko mugulu oyo abatunganene omo meso wa Nyamuhanga basyakangabasanĩa ng'eryuba omo Bwami bwa Tata wabo. Oyuwite amatwĩ owe! 44Obwami bw'elũbula bulingene n'ebindu ebĩbĩsamĩre omw'irima. Omundu mwabana ebindu ebyo neryo mwabĩsabyo Busana n'obutseme, omundu oyo akayagũlaya ebyosĩ ebyo awite, neryo akagula eririma eryo. 45Kandi, Obwami bw'elubula bulingene n'omũtũndĩ oyukasonda-sonda esyolulu nyibuya. 46Neryo abere abibana elulu nguma y'obũgũlĩ bunene, mwayagũlya ebyosĩ ebyo abya awite neryo mwagula elulu eyo. 47Kandi Obwami bw'elubula bulingene n'ekĩsohĩ ekyagusawa omo ngetsi, mokyahĩndanĩa emĩsĩndo yosĩ y'amahere. 48Omugulu ekĩsohĩ kyũsũla, abasohĩ mobakurirakyo oko mũsĩke, neryo mobĩkala ahisi, mobasombolera amahere owene g'omo nyungu, nĩkwa mobagusa amahere awatowene. 49Ko likandisyabya litya oko ndũlĩ y'ekihugo. Abamalaĩka basyahuluka ibasombola abandu babi b'omo katĩkatĩ k'abatunganene. 50Basyagusabo omo seke-seke y'omuliro. Eyo abandu basyalira n'erikeregeta ameno wabo. 51Neryo Yesu mwabũlyabo ati, Mwabiriminya emyatsi yosĩ eyĩ kwehĩ? Nabo mobamubwira bati, Ega. 52Neryo Yesu mwabwirabo ati, Neryo obuli mũkangĩrĩrya w'Emigambo oyo wabiribya mwiga w'Obwami bw'elubula ali ng'omwenye nyũmba, oyũkahũlũkaya ebindu ebyo abika, ebindu bihya-bihya n'ebindu bikulu-kulu. 53Omugulu Yesu abuga erĩtwa emĩsyo eyĩ, mwalũayo. 54Neryo Yesu abere ahĩka eka wuwe, mwakangĩrĩryabo omo nyũmba yabo y'erĩhĩndanamo. Neryo abandu mobasweka bati, Omundu oyũ alũsaya amenge aya go hahi kwehĩ? Kandi mwalũsya ebitiko-tiko ebĩ byo hahi kwehĩ? 55Oyũ si mugala w'omũbatsĩ w'esyombago kwehĩ? Nyĩnya wuwe siakahulawa mo Marĩa, n'abagala babo si Yakobo, na Yosefũ, na Sĩmonĩ, na Yũda kwehĩ? 56N'abali babo, abosĩ sibali haguma netu kwehĩ? Ko mundu oyũ amalũsya emyatsi yosĩ eyĩ yo hahi kwehĩ? 57Neryo mobamupona batya. Nĩkwa Yesu mwabwirabo ati, Omũmĩnyererĩ sialibula erĩsĩkĩbwa, imo n'omo kihugo kiwe n'omo kĩtũnga kiwe. 58Neryo Yesu mwatakolayo ebitiko-tiko bingi busana n'eritendĩkĩrĩrya lyabo.

will be added

X\