MATAYO 1

1Ekitabu ky'esyondengo sya Yesu Kristo, mugala wa Dawĩdĩ, mugala wa Abrahamũ. 2Abrahamũ abya ĩse wa Ĩsaka; na Ĩsaka abya ĩse wa Yakobo; na Yakobo abya ĩse wa Yũda n'abagala babo. 3Yũda abya ĩse wa Perezĩ na Zera (nyĩnya wabo abya Tamarĩ); na Perezĩ abya ĩse wa Hesĩronĩ; na Hesĩronĩ abya ĩse wa Ramũ; 4Ramũ abya ĩse wa Amĩnadabũ; na Amĩnadabũ abya ĩse wa Nasonĩ; Nasonĩ abya ĩse wa Salmonĩ; 5Salmonĩ abya ĩse wa Boazĩ (nyĩnya wa Boazĩ abya Rahaba); Boazĩ abya ĩse wa Obedĩ (Rũta abya nyĩnya wuwe); Obedĩ abya ĩse wa Yese; 6Yese abya ĩse w'Omwami Dawĩdĩ. Dawĩdĩ abya ĩse wa Solomono (nyĩnya wuwe abya mũkalĩ wa Ũrĩa); 7Solomono abya ĩse wa Reheboamũ; Reheboamũ abya ĩse wa Abĩa; Abĩa abya ĩse wa Asa; 8Asa abya ĩse wa Yosafatĩ; Yosafatĩ abya ĩse wa Yoramũ; Yoramũ abya ĩse wa Ũzĩa; 9Ũzĩa abya ĩse wa Yotamũ; Yotamũ abya ĩse wa Ahazĩ; Ahazĩ abya ĩse wa Hezekĩa; 10Hezekĩa abya ĩse wa Manase; Manase abya ĩse wa Amonĩ; Amonĩ abya ĩse wa Yosĩa; 11Yosĩa abya ĩse wa Yekonĩa n'abagala babo, oko mugulu abandu ba Ĩsraelĩ batwalawa eBabelĩ. 12Abandu babere babitwalwa eBabelĩ: Yekonĩa abya ĩse wa Salatĩelĩ; Salatĩelĩ abya ĩse wa Zerũbabelĩ; 13Zerũbabelĩ abya ĩse wa Abĩhũdĩ; Abĩhũdĩ abya ĩse wa Elĩakĩmũ; Elĩakĩmũ abya ĩse wa Azoro; 14Azoro abya ĩse wa Sadokĩ; Sadokĩ abya ĩse wa Akĩmũ; Akĩmũ abya ĩse wa Elĩhũdĩ; 15Elĩhũdĩ abya ĩse wa Eleazarĩ; Eleazarĩ abya ĩse wa Matanĩ; Matanĩ abya ĩse wa Yakobo; 16Yakobo abya ĩse wa Yosefũ, ĩba wa Marĩa, oyo wabya nyĩnya wa Yesu, oyukahulawa mo Kristo. 17Neryo esyondengo syosĩ erĩtsũka uku Abrahamũ erĩhĩka uku Dawĩdĩ ni ndengo ĩkũmĩ n'ĩnĩ; n'erĩtsũka uku Dawĩdĩ erĩhĩka oko mugulu abandu batwalawa eBabelĩ ni ndengo ĩkũmĩ n'ĩnĩ; n'erĩtsũka oko mugulu abandu batwalawa eBabelĩ erĩhĩka uku Kristo ni ndengo ĩkũmĩ n'ĩnĩ. 18Neryo eributwa lya Yesu Kristo ko lyabya litya. Nymya wuwe ye Marĩa mwasĩmolĩbwa na Yosefũ. Nĩkwa Marĩa ate aheruka mwaminyikala k'obukule bw'Omũlĩmũ Abũyĩrĩre. 19Neryo Yosefũ oyo wamũsĩmolaya, ini mundu utunganene, siabya anzĩre erĩmwĩta esĩsonĩ, neryo mwasonda erimuleka bũbĩso-bĩso. 20Nĩkwa omugulu Yosefũ abya akaganĩrya omwatsi oyũ, lebaya, omũlaĩka w'Omukama mwamubutukira omo nzolĩ mwamubwira ati, Uwe Yosefũ, mugala wa Dawĩdĩ, sigubahe erĩherũkya Marĩa mo mũkalĩ wawe, kusangwa obukule buwe ni bw'Omũlĩmũ Abũyĩrĩre. 21Asyabuta omugala, nawe wasyamwahula mo Yesu, kusangwa asyalamya abandu buwe oko bibi byabo. 22Nĩkwa ebyosĩ ebĩ mobyabya bitya erĩberererya ebyo Mukama abũgĩra omo mũmĩnyererĩ ati, 23Lebaya, omumbesa asyaheka obukule, asyabuta omugala, n'erĩna liwe lyasyahulwa mo Emanuelĩ, nĩ'bũga ambu: Nyamuhanga haguma netu. 24Neryo Yosefũ abere abuka omo tũgotserĩ, mwakola ngoko mũlaĩka w'Omukama amutegeka, mwaherũkya Marĩa. 25Nĩkwa mwatamuminya erĩhĩka aho abutira mugala wuwe. Neryo Yosefũ mwaluka erĩna liwe mo Yesu.

will be added

X\