LŨKA 21

1Neryo Yesu mwalangira ab'ebindu bakahĩra olũsũnzo l'omo kĩbo ky'eHekalũ. 2Neryo mwalangira omũkwakalĩ muguma mwera akahĩramo esyosenge ĩbĩrĩ sy'omulinga omo kĩbo. 3Neryo Yesu mwabũga ati, Kwenene ngababwira nyiti omũkwakalĩ mwera oyũ amahĩra omo kĩbo mo bingi kwilaba abandi bosĩ 4Kusangwa abandi bosĩ busana n'ebindu byabo bingi bamahĩra omo kĩbo; nĩkwa iye omo bwera buwe, amahĩramo ebyosĩ ebyo alwe awite ebyo angalĩre. 5Abandi bandu babya ĩbakakanaya omwatsi w'eHekalũ, bati yabĩrĩsũgwa omo mabwe owenenga n'olũsũnzo olwahabawa uku Nyamuhanga. Yesu ati, 6Emyatsi eyo mukalangira eyo, ebiro bikandisyasa n'oko mugulu oyo, sihendĩsyasĩgala n'erĩbwe n'eriguma endata oko lindi eritendisyasambulirwa ahisi. 7Nabo mobamũbũlya bati, Mũkangĩrĩrya, emyatsi eyĩ yasyabya mugulu wahi kwehĩ? N'ekiminyikalo ni kyahi ekikandisyabya omugulu emyatsi yosĩ eyĩ ĩkandĩsyahĩka kwehĩ? 8Yesu mwabũga ati, Mũtegaye, sĩbabatalaye! Kusangwa bandu bangi basyasa omo lĩna lyage bati, Ĩngye indi ye! Kandi omugulu oyo abĩrĩhĩka! Nĩkwa isimwasyakwamabo. 9Simubahe omugulu mũkowa engulu y'amalwa n'erĩtwa eyĩsesĩ, kusangwa emyatsi eyĩ itolere ĩyatsũka erĩhĩka, nĩkwa endũlĩ isiriyayaberwa. 10Neryo mwaswabũga nabo ati, Ekihanda kyasyalwa n'ekindi kihanda, n'obwami bwasyalwa n'obundi bwami. 11Kandi hasyabya emĩsĩkĩ minene-minene, kandi hasyabya enzala, n'esyondwala ehosĩ. Kandi hasyabya erĩũbahĩrĩrya, n'ebiminyikalo binene bĩkalũa omo kyanya. 12Nĩkwa emyatsi eyĩ ite yabya, basyabahamba n'erĩbendererya, eribahotera omo manyũmba w'erĩhĩndanamo n'amanyũmba w'omũlĩkĩ. Basyabatwala embere sy'abami n'abatabalĩ bakulu busana n'erĩna lyage. 13Ekĩ kyasyaleka imwatoka erĩtũla Engulu Yowene. 14Muminye omo mitima yenyũ, sĩmwangaganĩrya embere ngoko mwangayilwira. 15Kusangwa nasyabaha ebĩnywa n'amenge ayo sihali enzĩgũ yenyũ yasyatoka erĩsĩnga kutse eriyigana. 16Mwasyahoterwa n'ababũtĩ benyũ n'abagala benyũ, n'abalĩkyenyũ, n'abĩra benyũ, kandi basyĩta abandi b'ũkw'ĩnywe. 17Abandu bosĩ basyabakwa obusu busana n'erĩna lyage. 18Nĩkwa sihendisyahera n'oluywiri n'oluguma oko mutwe wenyũ. 19Busana n'erihatikana lyenyũ mwasyabana engebe yenyũ. 20Omugulu mukalangira eYerũsalema ĩnĩnatĩmbĩrweko n'emilondo y'amalwa, neryo imwaminya erihera lyago ko lyamabĩhĩka hakũhĩ. 21Oko mugulu oyo abali eYũdea basagĩre oko bitwa; n'abali omo mũyĩ balũe mugo, kandi abali omo biharo sibasyekũlũkĩra oko mũyĩ. 22Kusangwa ebiro ebĩ ni biro by'erĩkĩsya, erĩberererya ebyosĩ byasakawa. 23Nĩkwa obũlĩge oko bakule n'oko bakalĩ abakaha abana babo b'amabere oko biro ebyo! Kusangwa obũlĩge bunene bwasyabya oko kihugo kino, n'erihitana lya Nyamuhanga lyasyabya oko bandu abo. 24Basyahwa busana n'obukali bw'omũyalĩ, kandi basyatwalwa mo banyegwa omo bihanda byosĩ. Kandi ab'Ebihanda basyalyatangirira eYerũsalema erĩhĩka aho emigulu y'Ebihanda yasyabererera. 25Hasyabya ebiminyikalo omo lyuba, n'omo mukera, n'omo syongũnũnũ. Omo kihugo hasyabya amalĩge omo bihanda, ibakubaha erihuha ly'engetsi n'ebisunda byayo. 26Abandu basyalembera busana n'eriubaha omugulu bakalinda, ebĩkandĩsyahĩka oko kihugo kyosĩ. Kusangwa eby'amaka by'ekyanya byasyatengatenganĩbwa. 27Neryo basyalangira Omugala w'Omundu akahuluka omo kĩtũ, n'obũtokĩ, n'olukengerwa lunene. 28Nĩkwa omugulu emyatsi eyĩ ĩkatsũka erĩhĩka, muhangane, musumbe emitwe yenyũ, kusangwa erĩtongolĩbwa lyenyũ lĩkahĩka hakũhĩ. 29Neryo Yesu mwatwĩrabo mũsyo ati, Mũlebaye omuti w'omũtĩnĩ, n'emiti yosĩ. 30Omugulu ĩkatohaya ebĩkoma byayo, ukalangirayo n'eriminyerera k'omugulu w'omwisi ali hakũhĩ. 31Litya nenyũ, omugulu mukalangira emyatsi eyĩ ĩkahĩka muminye k'obwami bwa Nyamuhanga buli hakũhĩ n'erĩhĩka. 32Kwenene ngabũga nenyũ, olulengo olũ silwendisyahwaho, emyatsi eyĩ ite yabererera. 33Ekyanya n'ekihugo byasyahwaho, nĩkwa ebĩnywa byage sibyendisyahwaho. 34Mũyĩtegaye, emitima yenyũ sĩyĩrĩtoherawe n'eritamira, n'erĩkũnda, n'amalengekanĩa w'engebe y'eno, neryo ekiro ekyo kĩkabahĩkako lũba-lũba! 35Kusangwa kyasyahĩka oko bandu bosĩ abĩkere omo kihugo kyosĩ. 36Nĩkwa mũtegaye emigulu yosĩ, n'erisaba, mutoke eribana akagala k'eribala emyatsi yosĩ eyĩ eyikasonda erĩhĩka, n'erihangana embere sy'Omugala w'Omundu. 37Nĩkwa Yesu mwasiba ebiro ebyo ĩnĩakakangĩrĩraya omo Hekalũ. Nĩkwa bwanabya bwasonda erihumbera, ĩnĩalũamo n'eriya oko Kitwa ky'eMĩzeĩtũnĩ. 38Kandi abandu bosĩ babya bakatsinduka eriyamuhulikirira omo Hekalũ.

will be added

X\