YOANE 2

1Enyũma w'ebiro bisatu habya erĩherũkya omo mũyĩ w'eKana y'eGalĩlaya, kandi nyĩnya wa Yesu abyaho. 2Nĩkwa Yesu n'abiga buwe mobabirikirwa okw'ĩherũkya eryo. 3Neryo omugulu ebĩnyũ byosĩ byahwa nyĩnya wa Yesu mwamubwira ati, Sibawite bĩnyũ. 4Neryo Yesu mwabũga naye ati, Mugole, sirirolere ukambwira ebyo nangakola, endambĩ yage siriyahĩka. 5Neryo nyĩnya wuwe mwabwira abagombe ati, Ebyosĩ akababwira, mukolebyo. 6Nĩkwa habya malega ndatu bahĩraho omo mitsye y'Abayũda y'erĩeryamo. Omo buli rĩrega mwabya lĩtre makũmĩ munani kutse erĩgana n'amakũmĩ abiri. 7Yesu mwabwira abagombe ati, Mũsũlaye amalega w'amagetsi. Neryo mobũsũlyago ndeke erĩhĩka oko mũnywa g'obuli rĩrega. 8Neryo Yesu mwabwira abagombe ati, Lino mutehebyo muhekerebyo omukama w'erĩherũkya. Nabo mobamutwalirabyo. 9Neryo omukama w'erĩherũkya abere abigerya amagetsi awabiribya bĩnyũ, ĩsĩasĩ ebĩnyũ nga bĩryalũahi, nĩkwa abagombe abateha amagetsi ĩbanasĩ, omukama w'erirya oyo mwabirikira ĩba w'omũherũkĩ. 10Mwabũga naye ati, Abandi bandu bakatsũka erĩhĩra ebĩnyũ byowene; neryo abandu bakabya babĩpũlya ndeke, bakahĩra ebĩnyũ ebĩtowene. Nĩkwa uwe wabiribika ebĩnyũ byowene erĩhũlũkyabyo lino. 11Yesu akola enzũko eyĩ y'ebitiko-tiko eKana y'eGalĩlaya. Kandi mwamĩnyĩsya olukengerwa luwe, n'abiga buwe mobamwĩkĩrĩrya. 12Enyũma w'aho Yesu, na nyĩnya wuwe, n'abagala babo, n'abiga buwe, mobandagalira eKapernaũmũ, kandi mobĩkalayo biro bike. 13Neryo Ekiro ky'Erikiruka ky'Abayũda kyabya hakũhĩ, kandi Yesu mwahetukira eYerũsalema. 14Omo Hekalũ Yesu mwabana abandu abagũlaya esyonde, n'esyombũlĩ, n'ehĩrĩkũkũ, n'abahĩnganĩa b'esyofranka ĩbanĩkere oko himesa hyabo. 15Neryo Yesu mwakokotya enyambĩ y'omukoba; neryo mwahigira abosĩ b'eyĩhya oko Hekalũ, haguma n'esyombũlĩ n'esyonde. Kandi mũta esyofranka sy'abahĩnganĩa, n'erikubula ehimesa hyabo. 16Kandi mwabũga n'abagũlaya ehĩrĩkũkũ ati, Mũlũsaye hino hyo muno! Muleke eriyira enyũmba ya Tata wage mo nyũmba y'akatale. 17Abiga ba Yesu mobibuka ngoko kyasakawa kiti, Obũha bw'enyũmba yawe bũkanyĩta. 18Neryo Abayũda mobamũsũbĩrya bati, Ũkatũkangaya ekitiko-tiko kyahi kusangwa ukakola emyatsi eyĩ kwehĩ? 19Yesu mwasũbĩryabo ati, Mũhĩmbũle eHekalũ eyĩ, nage nasyahanganĩayo omo biro bisatu. 20Neryo Abayũda mobabũga bati, Nawe wasyahanganĩayo omo biro bisatu kwehĩ? Mobahĩmba eHekalũ eyĩ omo mĩaka makũmĩ ani n'endatu! 21Nĩkwa Yesu ahula ehekalũ y'omubiri wuwe. 22Neryo omugulu Yesu alũbũkĩbawa oko baholĩ, abiga buwe mobibuka ngoko Yesu abũga ekĩ; neryo mobĩkĩrĩrya Amasako, n'ekĩnywa ekyo Yesu abũga. 23Omugulu Yesu abya eYerũsalema okw'Ĩkiruka, omo biro bikulu ebyo, abangi mobamwĩkĩrĩrya, ibakalangira emĩbĩrĩ ĩkalĩre eyo akola. 24Nĩkwa Yesu mwatalĩgabo, kusangwa abya asĩ abandu bosĩ. 25Kusangwa siabya n'obwaga bw'eribwirwa omwatsi w'abandu, kusangwa iye abya asĩ ebiri omo mitima y'abandu.

will be added

X\