YOANE 17

1Neryo Yesu mwabũga emyatsi, neryo mwalalamira elubula ati, Tata endambĩ yabĩrĩhika; uhe Omugala wawe olukengerwa, Omugala atoke erikuha olukengerwa. 2Kandi ngoko wabirimuha ehamũlĩ oko bandu bosĩ, iniatoka eriha engebe y'erikota oko bosĩ wamuha. 3Neryo eyĩ ni mgebe y'erikota, abandu bakuminye, uwe Nyamuhanga muguma w'ekwenene, n'eriminya Yesu Kristo, oyo watuma. 4Monakũsĩkya omo kihugo; nabiribuga omũbĩrĩ ogo wamba erikola. 5Na lino, Tata, ũnyĩsĩkaye embere syawe, kandi omo lukengerwa olo nabya nalo haguma nawe ekihugo kite kyahangikwa, 6Monakũmĩnyĩkalya oko bandu wamba omo kihugo. Babya bawe kandi mowambabo. Kandi babirikenga ekĩnywa kyawe. 7Na lino, banasĩ kw'emyatsi yosĩ eyo wamba ĩkalũa uk'uwe. 8Kusangwa ebĩnywa ebyo wamba nabirihabyobo, kandi babiriangirirabyo, baririminya kwenene ko nalũa ewawe, kandi mobĩkĩrĩrya ko wanyituma. 9Ngasabirabo. Sindisabira ekihugo, nĩkwa ngasabira abo wamba, kusangwa ni bawe. 10N'emyatsi yosĩ ni yawe, n'emyatsi yawe ni yage, kandi emyatsi eyo yabĩrĩnyĩsĩkya. 11Neryo lino ngakũhĩkako, nage sinyikiri kandi omo kihugo, nĩkwa ibo bali omo kihugo. Tata Iwe Ũbũyĩrĩre! Ũtegayebo omo bũtokĩ bw'erĩna lyawe, eryo wamba, babye muguma, ngoko tuli muguma. 12Omugulu nabya nabo, monateyabo omo bũtokĩ bw'erĩna lyawe, eryo wamba. Monateyabo, kandi mohatahera mundu n'omuguma, yo n'ow'erihera, busana n'erĩberererya Amasako. 13Neryo ngasa uk'uwe, n'emyatsi eyĩ ngabũgayo omo kihugo, ibatoka eribya n'obutseme bwage obũhĩkene omo mitima yabo. 14Monahabo ekĩnywa kyawe, n'ekihugo mokyakwabo obusu, kusangwa si b'ekihugo, ngoko nyite w'ekihugo. 15Sĩndĩkũbũlaya nyiti, Ũlũsayebo omo kihugo, nĩkwa ngakũbũlaya nyiti, Ũtegayebo oko Mubi. 16Si b'ekihugo, ngoko nyite w'ekihugo. 17Uhigulebo omo mwatsi w'ekwenene. Ekĩnywa kyawe ni mwatsi w'ekwenene. 18Monatumabo omo kihugo, ngoko wanyituma omo kihugo. 19Kandi ngayiha uk'uwe busana nabo, ibatoka eribya bawe kwenene. 20Sindisaba busana n'aba ĩbobene, nĩkwa busana n'abakandisyanyĩkĩrĩrya busana n'erĩtũlago lyabo. 21Ngasaba nyiti abosĩ babye muguma. Uwe Tata! Nyiti, bamatikane ũkw'ĩtwe, ngoko umatikene kwĩngye, kandi nage nyimatikene uk'uwe, neryo ekihugo kĩkĩrĩraye k'uli inina we wanyituma. 22Nabirihabo olukengerwa olo wabirimba, babye muguma ngoko tuli muguma. 23Ĩngye nyimatikene kubo, nawe umatikene ũkw'ĩngye, nabo bahĩkane omo buguma, neryo ekihugo kiminye k'uli inina we wanyituma, kandi wabirianzabo, ngoko wabirinyanza. 24Tata, ngasonda nyiti, abo wabirimba babye haguma nage, balangire olukengerwa lwage olo wabirimba; kusangwa wanyanza ekihugo isikiri kyahangikwa. 25Uwe Tata uwe utunganene! Ekihugo nomo kitenetakuminya, nĩkwa nabirikuminya, kandi aba nabo babirikuminya k'uli inina we wanyituma. 26Kandi nabĩrĩkũmĩnyĩsya kubo neryo nasyaswakũmĩnyĩsya; neryo olwanzo olo wanyanzamo lubye omo mitima yabo, nage inamatikana nabo.

will be added

X\