YAKOBO 3

1Balĩkyetu, sihabye abakangĩrĩrya bangi omo katĩkatĩ kenyũ, kusangwa ĩtwe bakangĩrĩrya twasyatswerwa erĩkalĩre kwilaba bandi. 2Kusangwa ĩtwe bosĩ tukatala omo bingi. Omundu oyutetala omo bĩnywa ni mundu ũhĩkene, iniatoka eriyibombeka omo myatsi yosĩ y'omubiri wuwe gosĩ. 3Nĩkwa tũkahĩra ebyuma omo muno w'esyosabayĩrĩ isyatoka eritukenga, kandi tukategeka omubiri wasyo gosĩ. 4Kandi mũlebaye amato, nomo angabya manene-manene n'erĩkũnwa n'erihunga erĩkalĩre, amato ayo akasondolawa n'engahya nge-nge-nge, neryo akalola eyo mũsondolĩ wago anzĩre. 5Ko liri ritya oko lulimi. Nĩ kĩtsũko kyike nĩkwa lukayihalamba omo myatsi minene-minene. Mũlebaye ngoko muliro muke akahĩsaya ekisuki kinene! 6N'olulimi luli ng'omuliro, olulimi ni kihugo ekyoswĩre n'ebibi. Olulimi lwĩkere omo katĩkatĩ k'ebĩtsũko byetu, kandi lũkatsandaya omubiri gosĩ. Kandi lũkakaya omuliro omo mitima yetu, omuliro oyo akalũa elĩfero. 7Abandu bakabegeraya emihanda yosĩ y'esyonyama esy'omolĩ, n'esyonyonyũ, n'esyonyama esikakululuka, n'esyosĩ sy'omo ngetsi, kandi babĩrĩbegerya esyosĩ. 8Nĩkwa sihali mundu oyukatoka erĩbegerya olulimi. Kusangwa olulimi ni kibi ekiteluhuka, ĩloswĩre n'obuti obũkĩta. 9Omo lulimi tukapipa Omukama wetu na Tata; kandi mulo tukatakira abandu abahangikawa omo kĩsosekanĩo kya Nyamuhanga! 10Omo buno buguma mũkalũa eripipa n'eritakira. Balĩkyetu, emyatsi eyĩ siyangabya itya! 11Engũnũnũko ĩkahũlũkaya omo kyũna kiguma amagetsi awasĩhĩre, n'amagetsi awakalĩhĩre kwehĩ? 12Kandi balĩkyetu, omuti w'omũtĩnĩ anganatoka eriheta kw'ebĩgũma by'emĩzeĩtũm kwehĩ? Kutse omũlĩkĩ w'ebĩnyũ anganatoka eriheta kw'ebĩgũma by'omũtĩnĩ kwehĩ? Litya amagetsi w'omũnyũ siangatoka erĩhũlũkya awasĩhĩre. 13Nindi omo katĩkatĩ kenyũ oyuwite amenge n'eriminya kwehĩ? Akanganayebyo omo mibere mibuya yiwe, n'omo mĩbĩrĩ yiwe eyo akakola n'omutima molo, n'ow'amenge. 14Nĩkwa mwamabya n'eritsura erĩkalĩhĩre, n'eriyanza nabi omo mitima yenyũ, simuyihalambe n'eribihira omwatsi w'ekwenene. 15Amenge aya sĩ mũsĩndo owakalũa endata, nĩkwa ni w'ekihugo, kandi ni w'omubiri, kandi ni wa Satanĩ. 16Kusangwa ahali eritsura n'eriyanza nabi, aho hali erinegena n'erikola ebĩtĩsĩrĩre byosĩ. 17Nĩkwa amenge awakalũa endata, embere ni mabuya; kandi ni w'obuholo, kandi ahehere, kandi akowa lũba, oswĩre mw'eriganyira, n'emĩbĩrĩ mibuya; kandi sialisombola ndi nandi, kandi sĩalĩyĩtendereraya. 18Kandi emyatsi eyikaleta ebitunganene ĩkatsũka omo buholo busana n'abandu abakayira obuholo.

will be added

X\