ABANYA GALATĨA 5

1Kristo mwatubohola, tubane obwĩranda! Neryo muhangane, mũsĩke, simuleke mukaswabohwa ng'abakobe. 2Mũlebaye! Ĩngye Paũlo, ngababwira nyiti, Mwamabanĩbwa, Kristo siendisyabakolerakĩ. 3Kandi, ngatũlago, oko buli mundu oyũkabanĩbawa nyiti, kw'atolere erikwama atya Emigambo yosĩ. 4Ĩnywe mũkayĩtũngananaya omo Migambo, mũkayĩlũsaya uku Kristo. Simukiri oko lukogo lwa Nyamuhanga. 5Nĩkwa ĩtwe busana n'Omũlĩmũ tukalinda n'amaha erĩtũngananĩbwa busana n'erĩkĩrĩrya Kristo. 6Kusangwa omugulu tumatikene na Kristo Yesu, erĩbanĩbwa si kindu. N'erĩtendĩbanĩbwa si kindu. Omwatsi munene nĩ'kĩrĩrya erikakola omo lwanzo. 7Mwabya mukalendera ndeke; nindi wabakakĩraya erĩowa omwatsi w'ekwenene kwehĩ? 8Eribinduka erĩ molĩtalũa uku Nyamuhanga, oyo wababirikira. 9Ekĩhamya kike kĩkahamaya obundu bosĩ. 10Ngayiketera nywe omwisi w'Omukama nyiti, simwendisyakwama obundi bũlengekanĩa. Nĩkwa oyũkabatsenga-tsengaya nomo angabyandi asyatswerwa na Nyamuhanga. 11Nĩkwa ĩngye, balĩkyetu, namabya ngakangĩrĩraya eribana, busana nakĩ abandu bakanyendereraya kwehĩ? Kyamabya kitya neryo erĩtũla omwatsi w'omusalaba sĩryangatwĩkalya mundu. 12Kumbe abandu abo bakabahahũkaya omutima, kumbe bakayibandanga. 13Kusangwa balĩkyetu, ĩnywe mwabĩrĩkĩrĩrya eribya n'obwĩranda. Nĩkwa simuleke obwĩranda bwenyũ bũkabakolesya esyongumbu sy'omubiri; nĩkwa mukolerane omo lwanzo. 14Kusangwa Emigambo yosĩ ĩkahĩkana omo kinywa kiguma kiti, Wanze mũlĩkyenyũ ngoko ũyanzĩre. 15Nĩkwa mwamalumangana n'eriryana, ehee, isimukandisyabugana! 16Nĩkwa ngabũga nyiti, Mulendere omo mibere y'Omũlĩmũ, simwendĩsyaberererya esyongumbu sy'omubiri. 17Kusangwa esyongumbu sy'omubiri sikalwa n'Omũlĩmũ, n'Omũlĩmũ akalwa n'omubiri; kusangwa hali obũyĩgũ omo katĩkatĩ kabo, sulitoka erikola ebyo wanzĩre. 18Nĩkwa mwamasondolĩbwa n'Omũlĩmũ, suli oko hamũlĩ y'Emigambo. 19Neryo erikola ly'omubiri liminyikere ndeke, lyerĩ: erĩsĩngĩra, obũkĩne, amaragane, 20erisaba esyosanamu, erilagula, obũyĩgũ, erilwa, obũha, erihitana, erinegena, erĩkangĩrĩrya ly'amabehĩ, 21eritsura, erĩkũnda, eritamira, n'emyatsi yosĩ eyiri ng'eyĩ. Ngababwira ndeke kandi nyiti, abakakola ebiri ng'ebĩ sibendisyabana omwanya omo Bwami bwa Nyamuhanga. 22Nĩkwa emikolere eyĩkalũa oko Mũlĩmũ yeyĩ: olwanzo, obutseme, obuholo, eriyibombeka, obwenge, obubuya, eritendiregula, 23omutima molo, n'erĩyĩteya. Sihali omugambo owakalwa n'emyatsi eyĩ. 24Neryo abali uku Kristo Yesu babiribamba oko musalaba emyatsi yosĩ y'omubiri, haguma n'esyongumbu n'erisonda lyago. 25Omũlĩmũ amaleka itwabyaho, tuleke Omũlĩmũ oyo atusondole. 26Situyitendere buyira, kutse erisondana kw'omwaga, n'eritsurana.

will be added

X\