ABANYA KOLOSAĨ 4

1Abakama, mukole oko bakobe benyũ ebitunganene n'ebĩhĩkene, ĩmũnasĩ nenyũ ko muwite Omukama elubula. 2Mũyĩhĩre okw'isaba, n'erĩteya mulyo, imunemuha ewasĩngya oko Mukama. 3Mubye mukatusabira nibya, muti, Nyamuhanga atũlĩbũlĩre enzira y'Engulu Yowene, itwatoka erĩtũla erĩkũmbo lya Kristo. Kusangwa nage nyĩbohĩre busana n'omwatsi oyũ. 4Musabe inatoka erĩtũlago ndeke ngoko litolere n'erĩowĩsyago. 5Mulendere n'amenge oko bandu abatĩkĩrĩrye, imukasonda esaa y'eriimira Kristo. 6Erĩkanĩa lyenyũ libye omo lukogo kandi ribye ryowene, imwatoka erĩsũbĩrya ndeke obuli mundu. 7Mũlĩkyetu mwanze ye Tĩkĩko, asyabatũlĩra emyatsi yage yosĩ. Iye ni, mugombe uteregula, oyukakola haguma netu omo mũbĩrĩ w'Omukama. 8Kikaleka inamutuma ewenyũ iniatoka erĩbamĩnyĩsya emyatsi yetu, n'erĩsĩkya emitima yenyũ. 9Oyukagenda naye ni Onesĩmo, mũlĩkyetu mwanze oyuteregula. Naye ni mundu w'ewenyũ. Basyabatũlĩra emyatsi yosĩ yetu y'enoka. 10Arĩstarĩko, oyũbohĩre haguma nage, akabakeraya. Na Marĩko, nyĩnyaĩlume wa Barnaba. Mwabiritegekwa busana naye, tuti, Amahĩka, ĩmwamũkokya. 11Na Yosũa, oyukahulawa mo Yũsto, akabakeraya. Ba n'Abayũda basatu aba abakakola haguma nage omo Bwami bwa Nyamuhanga, kandi babĩrĩnyĩwatĩkya kutsibu. 12Epafra, w'ewenyũ, akabakeraya. lye omugombe wa Kristo Yesu. Akayitsinga eribasabira emigulu yosĩ, iniakasaba busana nenyũ ati muhangane, ĩmũhĩkene, ĩmwabĩrĩrĩga kwenene erisonda lyosĩ lya Nyamuhanga. 13Ngababwira ndeke ngoko akakola kutsibu busana nenyũ, na busana n'abandi ab'eLaodĩkĩa n'abandu b'eHĩerapolĩ. 14Lũka, omunganga mwanze, na Dema bakabakeraya. 15Mũkeraye busana netu abalĩkyetu abali eLaodokĩa, na Nĩmfa nibya, n'ekanĩsa eyĩkahĩndana omo nyũmba yiwe. 16Mwamabisoma ebarua eyĩ omo katĩkatĩ kenyũ, isomawe omo kanĩsa eyiri eLaodĩkĩa. N'ebarua ĩkalũa eLaodĩkĩa isomawe omo katĩkatĩ kenyũ. 17Kandi mubwire Arkĩpo muti ũlebaye eribuga ndeke omũbĩrĩ ogo ahabawa n'Omukama. 18Ĩngye Paũlo, ngasaka erĩkerya erĩ omo byala byage. Mwibuke emĩrĩkĩ yage! Olukogo lwa Nyamuhanga lubye nenyũ.

will be added

X\