3 YOANE 1

1Ĩngye mukulu ngakusakira uwe Gayo mwanze, oyo nyanzĩre kwenene. 2Uwe mwanze wage, ngasaba nyiti, emyatsi yawe yosi yowane, kandi ukote ngoko mutima wawe akũwana. 3Kusangwa monatsema kutsibu ekiro abalĩkyetu bahĩka n'erĩrũlago ngoko uli omo mwatsi w'ekwenene, kandi ngoko ũkwamĩre ndeke omwatsi w'ekwenene. 4Sihali ekĩkanyĩtsemesaya ng'erĩowa ngoko abana bage bakakwama ndeke omwatsi w'ekwenene. 5Uwe mwanze wage, sulitalegula umw'ebyo ukakola erĩwatĩkya abalĩkyetu, nomo bangabya bagenĩ b'ehali. 6Nabo bakakũkanaya omo kanĩsa, omwatsi w'olwanzo lwawe. Nawe wasyakola ndeke wamakwamanĩsyabo omo nzira yabo, ngoko litolere embere sya Nyamunanga. 7Kusangwa bagenda omo lugendo omo mũbĩrĩ wa Kristo, kandi abatĩkĩrĩrye sibetahabo ekindu ky'erĩwatĩkyabo. 8Neryo litolere ĩtwakokya abandu ng'abo, neryo ĩtwe itwatoka erisangira haguma nabo omo mũbĩrĩ w'omwatsi w'ekwenene. 9Monasakira ekanĩsa ebarua, nĩkwa Dĩotrefe, oyo wanzĩre eribya mukulu wa kubo, sĩalĩrĩga ebyo tũkabũga. 10Busana n'omwatsi oyũ, ekiro nasyayayo, nasyahũlũkya emĩbĩrĩ eyo akakola, busana n'ebĩnywa bibi ebyo akatuhandikirira, omo mabehĩ. Kandi kwilaba aho sĩalĩkokaya abalĩkyetu, ĩnĩakakakĩraya abanzĩre erĩkokya abandu, n'erihigabo omo kanĩsa. 11Uwe mwanze wage, sũgerereraye ekibi, nikwa ũgerereraye ekibuya. Oyukakola ebibuya ni wa Nyamuhanga. Nĩkwa oyukakola ekibi sialitasunga Nyamuhanga. 12Abandu bosĩ bakatũla omwatsi owene busana na Demetrĩo. Kandi omwatsi w'ekwenene akamwahula ndeke nibya. Netu nibya tũkatũlago tutya, nenyũ mũnasĩ ngoko tũkatũlago kwenene. 13Nabya n'emyatsi mingi y'erĩkũtũlĩra, nĩkwa sĩnyanzĩre erikusakirabyo omo kalamu n'obwĩno. 14Nĩkwa indi n'amaha erikulolako lũba, neryo twasyakanĩa obũsũ oko bũsũ. 15Obuholo bubye nenyũ. Abĩra betu bakakũkeraya. Ũkeraye abĩra betu mo lĩnalĩna. Ĩngye YOANE

will be added

X\