2 YOANE 1

1Ĩngye mukulu ngakusakira, uwe mugole mwanze n'abana bawe, abo nyanzĩre kwenene. Butsira ĩngyowene, nĩkwa abosĩ abasĩ ekwenene, babanzĩĩre. 2Kusangwa omwatsi w'ekwenene amatikene netu, kandi asyabya haguma netu kera na kera. 3Nyamuhanga Tata, na Yesu Kristo, Omugala wa Tata, atuhe olukogo, n'eriganyira, n'obuholo. Ebĩ bibye byetu omo kwenene n'omo lwanzo. 4Monatsema kutsibu erĩeya abandi b'oko bana bawe ibanemukwama ekwenene, ngoko Tata atuhana. 5Neryo lino, uwe mugole, ngakulemba-lemba nyiti, ĩtwe bosĩ twanzane. Sindisaka ekihano kihya-kihya, nĩkwa ekihano ekyo twabya nakyo erĩtsũka erĩmbere. 6Kandi olwanzo lolũ: tukwame ebihano biwe. Ekihano ekyo kya kino: ngoko mwowa erĩtsũka erĩmbere, kiti twanzane. 7Kusangwa abatebya bangi babiriya omo kihugo Aba ni bandu abaterĩga ko Yesu Kristo asa omo mubiri w'omundu. Abo nĩ batebya, kandi nĩ nzĩgũ sya Kristo. 8Neryo mũyĩtegaye, mũkasyatalya ebyo mwabirikolera, nĩkwa mubane oluhembo olũhĩkene. 9Nĩkwa oyutesiba omw'ĩkangĩrĩrya lya Kristo, nĩkwa akatomeka kulyo kw'ebindi, omundu oyo siamatikene na Nyamuhanga. Nĩkwa oyukasiba omw'ĩkangĩrĩrya lya Kristo, omundu oyũ amatikene na Tata n'Omugala. 10Omundu amabahĩkako, atereta erĩkangĩrĩrya erĩ, sĩmũmũkokaye omo nyũmba yenyũ, kutse simumuhe obuholo. 11Kusangwa oyũkamũkeraya iniamasangira oko mĩbĩrĩ yiwe mibi. 12Nyiwite ebĩnywa bingi by'erĩbatũlĩra, nĩkwa sĩnyanzĩre erisakabyo omo karatasi n'obwĩno. Nĩkwa ngwite amaha erĩbahĩkako n'erĩkanĩa nenyũ obũsũ oko bũsũ, obutseme bwetu bũhĩkane. 13Abana ba mwali wenyũ oyo wayisogawa, bakakũkeraya.

will be added

X\