2 ABANYA KORĨNTO 4

1Neryo kusangwa Nyamuhanga abirituganyira n'erituha omũbĩrĩ oyũ, sitweremerawa. 2Nĩkwa tukagana emyatsi eyo bũbĩso-bĩso ey'esĩsonĩ, isitwalendera omo matebo. Kandi sĩtũlĩhengemaya ekĩnywa kya Nyamuhanga, nĩkwa tũkamĩnyĩkalaya eky'ekwenene, ĩtũkayĩmĩnyĩsaya busana n'erĩsĩmwa embere sy'obunya-mutima b'obuli mundu, embere sya Nyamuhanga. 3Kandi Engulu Yowene yetu yamabya ĩbĩsamĩre, ĩkabĩsama busana n'abandu abakatogota. 4Sĩbalĩkĩrĩraya kusangwa nyamuhanga mubi w'ekihugo kino abĩrĩrĩba ameso w'obũlengekanĩa bwabo ati sibalangire ekyakakala ky'Engulu Yowene ey'olukengerwa lwa Kristo, oyuli kĩsosekanĩo kya Nyamuhanga. 5Kundi sĩtweyĩtũla goko, nĩkwa tũkatũlago ngoko Kristo Yesu ni Mukama, netu tuli bagombe benyũ busana na Yesu. 6Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu n'erituha ekyakakala ky'eriminya olukengerwa lwa Nyamuhanga oluli omo bũsũ bwa Kristo. 7Nĩkwa ĩtwe tuwite obuteke obũ omo mubiri w'ekitaka, neryo obũtokĩ bunene obo bubye bwa Nyamuhanga butsira bwetu. 8Tukagalawa ngendo nyingi, nĩkwa sĩtwebũnĩka; tukatika-tika, nĩkwa sĩtũlĩsĩganĩraya. 9Tũkendererĩbawa, nĩkwa sĩtwesĩganĩbawa ĩtwebene; tũkahũnzawa, nĩkwa sĩtũlĩtogotĩbawa. 10Ebiro byosĩ tuli ng'abandu abakaheka omo mibiri yabo oluholo lwa Kristo, neryo engebe ya Yesu iyatoka eriminyikala omo mibiri yetu. 11Kusangwa emigulu yosĩ tuli omo bwĩko bw'oluholo busana na Yesu, neryo engebe ya Yesu iyatoka eriminyikala omo mibiri yetu eyikahola. 12Neryo oluholo luli hakũhĩ netu, nĩkwa engebe ikakola omwisi wenyũ. 13Netu tuwite ekĩrĩmũ ky'erĩkĩrĩrya, ngoko kĩsakĩre kiti, Monabũga kusangwa monĩkĩrĩrya. Ko litya netu tũkabũga kusangwa twabĩrĩkĩrĩrya; 14kusangwa tũnasĩ ko Nyamuhanga oyo walũbũkaya Omukama Yesu, asyatũlũbũkya haguma na Yesu, n'erituleta embere siwe haguma nenyũ. 15Kandi emyatsi yosĩ eyĩ ni busana nenyũ, neryo olukogo lwa Nyamuhanga lũkahĩka oko bandu banene. Neryo abandu bangi bahe ewasĩngya n'eriha olukengerwa uku Nyamuhanga. 16Neryo busana n'emyatsi eyĩ sitweremerawa. Nĩkwa nomo mibiri yetu ikakula, nĩkwa ebĩrĩmũ byetu bikayirawa mo bihya-bihya obuli kiro. 17Kusangwa obũlĩge obũ bwangũhĩre, nĩ bw'akatambĩ kake, bwasyatuletera olukengerwa lw'erikota, olũlabĩre olulengo. 18Kusangwa tukakwama emyatsi itelolawako. Situlikwama emyatsi eyikalolawako. Kandi emyatsi eyikalolawako nĩ y'akatambĩ kake, nĩkwa emyatsi eyitelolawako ni y'erikota.

will be added

X\