2 ABANYA KORĨNTO 2

1Kandi monayisoha omo mutima wage, nyiti sindiendĩsyaswahĩka ewenyũ eribaletera obũlĩge. 2Kusangwa namabĩta obũlĩge, nindi wasyanyĩtsangamũkya kwehĩ? Ba n'abo nĩta obũlĩge. 3Ekyo kyo kyanaleka inabasakira ebarua, kusangwa sinabya nyanzĩre erĩbahĩkako n'erĩĩtwa obũlĩge n'abandu abo abatolere erĩnyĩtsangamũkya. Kusangwa nyasĩ omugulu ngatsema, n'ĩnywe bosĩ mukabana obutseme. 4Kandi monabasakira ebarua inabiribya omo bũlĩge bunene n'eriagalwa ly'omutima, haguma n'emĩsonĩa mingi. Sinabya nyanzĩre erĩbĩta obũlĩge, nĩkwa mutoke eriminya olwanzo lunene olo nabya nalo busana nenyũ. 5Nĩkwa omundu amabya abĩrĩta ogundi y'obũlĩge, ĩsĩ ĩngye akĩtabo, nĩkwa abĩrĩbĩta obũlĩge, mbino hake-hake, ĩnywe bosĩ. 6Omundu oyo abirisuyirwa bingaho n'erisuyirwa ly'abangi omo katĩkatĩ kenyũ. 7Nĩkwa lino mutolere erimubuyira n'erĩmũkĩranĩa, akasyakĩndwa n'obũlĩge bunene. 8Neryo ngabalemba-lemba, nyiti mũmũkangaye ndeke olwanzo lwenyũ busana naye. 9Kandi busana n'omwatsi ono nabasakira ebarua eyo, nyiti nyibalenge n'eriminya nga mũkanyowa omo myatsi yosĩ. 10Omugulu mukabuyira omundu busana n'ekyo akola, nage ngamubuyira nibya. Kandi namabuyira omundu omwatsi, hamabya hali omwatsi w'eribuyira, nakola nyitya embere sya Kristo busana nenyũ. 11Neryo Satanĩ sĩyĩtũsĩnge omo mwatsi, kusangwa tũnasĩ esyombĩta syayo. 12Omugulu nahĩka eTroa erĩtũla Engulu Yowene ya Kristo, neryo monaminya Omukama kw'abirikingula enzira busana nage erikola omũbĩrĩ wuwe. 13Nĩkwa mondĩkala buholo omo mutima wage, kusangwa mondeyaho mũlĩkyetu Tĩto. Neryo monalagabo obuholo, monaya eMakedonĩa. 14Nĩkwa ewasĩngya uku Nyamuhanga, kusangwa tumatikene na Kristo, naye akatusondola emigulu yosĩ ehosĩ omw'ĩsĩngana liwe. Kandi akaleka ĩtwakangya ehosĩ ekikumbo kyowene ky'eriminya Kristo. 15Kusangwa tuli ng'obukwa bwa Kristo embere sya Nyamuhanga obukakumba ndeke busana n'abakalamĩbawa, kandi busana n'abakahera. 16Ukw'abo bakatogota ni kikumbo ky'oluholo, nĩkwa oko bakalamĩbawa ni kikumbo kyowene ky'engebe. Ko nindi yukatoka omũbĩrĩ oyũ kwehĩ? 17Kusangwa situli ng'abandi bangi abakatũndaya ekĩnywa kya Nyamuhanga. Nĩkwa omo kwenene, tũkabũga embere sya Nyamuhanga ebĩnywa bĩkalũa uku Nyamuhanga; kandi, tũkabũga ng'abagombe ba Kristo.

will be added

X\