1 TĨMOTEO 2

1Neryo ngatsũka eribahatikana nyiti, Eriremba-lemba, n'erisaba, n'erĩbũlya, n'eriha ewasĩngya, bikolawe embere sya Nyamuhanga, busana n'abandu bosĩ. 2Kandi busana n'abami, n'abandi bosĩ abakatabala, tutoke erisiba buholo butsira mwaga, itukakenga Nyamuhanga, n'eriyitondeka ndeke. 3Ekĩ ni kibuya, kandi kĩkatsemesaya Nyamuhanga Omũlamya wetu, 4oyo wanzĩre abandu bosĩ balamĩbawe, n'eriminya ndeke omwatsi w'ekwenene. 5Kusangwa hali Nyamuhanga muguma, n'Omũsanganĩa muguma, oyũkasanganaya Nyamuhanga n'abandu, omundu oyo ni Kristo Yesu, 6oyo wayiha busana n'erĩtongolya abandu bosĩ. Neryo ekyo akola nĩ kĩmĩnyĩsyo oko mugulu atolere ngoko Nyamuhanga anzĩre abandu bosĩ ĩbalamĩbwa. 7Busana n'omwatsi oyũ, natumawa eribya omũgambũlĩ, n'omukwenda, n'omũkangĩrĩrya w'ebihanda babane erĩkĩrĩrya n'eriminya omwatsi w'ekwenene. Sindibiha, ngabũga kwenene. 8Neryo ngasonda abalume ehosĩ basabe, abalume ababiriyiha uku Nyamuhanga ibakasumba ebyala byabo erisaba, butsira erihitana kutse obuhaka. 9Kandi nyanzĩre abakalĩ nabo bambale esyongimba esitolerebo, n'erĩyĩteya omo mwatsi w'erĩyĩsũga. Kandi erĩyĩsũga lyabo siribye eriluka esyonzwiri syo muhanda, kutse erĩyĩsũga ery'esyamagetsi, kutse ery'esyolulu, kutse esyongimba sy'obũgũlĩ bunene. 10Nĩkwa babye n'emikolere mibuya, eyitolere abakalĩ abakayahula mo bandu abakakenga Nyamuhanga. 11Abakalĩ bangiga omo bũkũtũ-kũtũ ibakayolobeka. 12Kandi sĩndĩrĩga omũkalĩ akakangĩrĩrya kutse eribya n'ehamũlĩ oko balume, nĩkwa babye bũkũtũ. 13Kusangwa Adamu yo watsũka erihangikwa, n'enyũma w'aho Hawa. 14Kandi Adamu mwatatebĩbwa, nĩkwa omũkalĩ yo watebĩbawa, yo wahalaya. 15Nĩkwa omũkalĩ asyalamĩbwa omw'ibuta bana, amakwamirira omw'ĩkĩrĩrya n'olwanzo, n'eriyihigula, kandi omw'ĩteya.

will be added

X\